قضية شرف

قضية شرف بارت ٢٨

صباح الورد
قضية شرف
بارت ٢٨
الكاتب مرتضى الهاشمي
ام ملاك يا  فلوس حجي
حجي أحمد فلوسي إلي إنطيتها لرجلچ
ام ملاك شنو القصة حجي نسيت ملاك ماتت عدكم إعتبروها فصل
حجي أحمد فصل على شنو و رجلچ المگطم يفصلني
ام ملاك مو فصل إعتبرها ثمن سكوته نسيت هو يعرف إنت تشتغل بالفايز ونسيت الشركة الوهمية الي سويتها وهو تحمل كل مشاكلها بعد ما شلت إيدك انت
حجي أحمد الشركة ما عدكم دليل أني سويتها إلي سواها رجلچ
ام ملاك بس احنا نطلبك هواي
حجي أحمد شطلبوني حتى موتت ملاك عوضتكم عليها بالرغم هي ما خانة إبنه إنطيتكم فديتكم بس هذا الي يخاف الله ويمشي على شرع الله
ام ملاك حجي يا شرع تحچي مو دافني سوه هو انت كل شغلك بالفايز و مسوي شركة ٥٦ تنصب على الناس بيها شنو حجي نسيت
حجي أحمد أنتي تنچبين و مالچ علاقة  بكلشي أريد فلوسي إلي إنطيتها لرجلچ حتى يشغلها
أم ملاك روح إشتكي بالشركة وگول رجلي باگك وإذا تگول ما عدنا دليل انت چنت إدير الشركة أحب أكلك كل الي إشتغلو ويانه راح يشهدون لأن تعرف بس واحد منهم يدخل يجر الباقين وشكد حلو راح تصير  يصيرون إيد وحدة عليك وينگلب السحر على الساحر إنت بس تخيل شنو يصير بيك
حجي أحمد تهدديني ولچ بسيطة اله أدلي صلاح على مكانكم لو اعرف ادور عليه بالخارج
ام ملاك روح دلي ترى هو إجانه بيتنا القديم وفضحته وإنهزم بطوله لا عبالك تهددني
حجي أحمد أني ما اهدد أني راح أعلمج وأعلم رجلچ بسيطة
أم ملاك ما شربت شي ولا دخلت جوه حجي
حجي أحمد أشرب على فاتحة رجلچ وأذكرچ
حجي أحمد يصير عصبي نار وهو يتواعدهم ويروح على بيت عباس رجل بنته حنين ويدگ الباب بكل قوته
حنين اي جيت جيت منو هيجي يدگ الباب عبالك جاي هداده
تفتح الباب وتشوف أبوها
حنين يا هلا وميت هلا تفضل بابا تفضل لبيتك وبيت بينتك صرت زين كمت تطلع
حجي أحمد أني مو مريض أني كلشي مابيه
حينين عساك كلشي مابيك حبيبي بابا
حجي أحمد رجلچ عبيس وين
حنين تفضل جوه ونحچي
حجي أحمد أني ما جاي أگعد و عندي حچايتين لرجلچ وإلچ
حنين تفضل يابا جوه وإحچي يا حبيبي عباس مو بالبيت
حجي أحمد زين لعد سمعي إنتي عار و مو بنتي تبريت منچ من يوم إلي أخذتي هذا عبيس و تگليله لرجلچ إذا يلعب بذيلة هاي المرة لا أشرب من دمه وإنتي ما توصلين للبيت ابد
حنين ليش بابا صاير شي
حجي أحمد رجلچ إشتغل ويانه و إشترى بيت ميريد يكمل بشغلة خل يروح يطلع مرض بدون لغوة زايدة مو يروح يشهر بيه و يگول عليه اشتغل بالفايز و إنتي تكسرين بيه وتروحين تنهزمين ويزوجچ
حنين بابا هذا موضوع قديم وخلص و أني منهزمت ويه واحد غريب أني رحت ويه زوجي إلي كلكم گلبتو عليه فجأة
حجي أحمد من عمايله
حنين وأني شعليه حاسبه اله لتحرمني من زوجي
حجي أحمد شوفي لچ لو إنتي مو بنتي چان شربت من دمچ
حنين مجبتلكم العار حتى تكتلوني
حجي أحمد من تكسرين كلمة ابوچ وتنهزمين من البيت هذا العار بنفسه
حنين اني إنهزمت بعد ما شفت وعرفت فلوس الحرام إلي غاطين بيها بعد ما كشفلي عباس كل شغلكم ولتخاف أني ما أنطي بيك عباس واعدني ميجيب طاري أبد والدليل صار سنوات من متزوجين محد جاب طاري شغلك و أني أعرف لهذا السبب جيت إنت مو جاي لبنتك
حجي أحمد رجلچ مو محبة بيه ساكت بس يخاف لا هو يوگع بيها لا تنسين هو الي چان يتعامل ويه العالم مو أني والعالم إدور على رجلچ حبيت اذكركم إذا الكم نيه تلعبون بذيلكم فتكون نهايتكم سوده
حجي أحمد بعد ما يطلع من البيت يخابر على واحد ويگله
الطقل أريدكم ديرون بالكم عليه و خلي يم مرتك وإداري أحسن من جهالك يومين و أخذه و اريد منك شغلة ثانية تراقبلي وائل أخو ليان و ميضيع من عينك
فراس يطلع من البيت
ساره وين رايح فراس  لتعوفني لوحدي عفيه أخاف
فراس أروح على سامر أشرب من دمه ما أصبر بعد
ساره أوكف فراس لتروح عفيه
فراس لازم اوگفه عد حده
ساره أخذني وياك لتبقيني لوحدي
فراس يعوفها وميستمع إلها
الدكتور يصيح على رسل
رسل ها دكتور بشر شلون صار
الدكتور سوينا إلي نگدر عليه الولد حالته كلش صعبة
رسل شنو يعني دكتور رجلي راح يروح مني
الدكتور يم الله 
رسل أريد اشوفه
الدكتور منكدر مو زين عليه
رسل دكتور أبوس إيدك شوية مو هواي بس اشوفه أريد أشبع من وجهة أبوس إيدك دكتور
الدكتور تفضلي دخلي بس لا تعبي بالكلام و شوية وطلعين
رسل صار دكتور
رسل تبچي وتحضن فهد حبيبي شلونك شتحس
فهد يحچي بصعوبة .سامحيني مكدرت ابقى وياچ مثل ما واعدتچ
رسل تبچي
ليش تگول هيچي إنت زين وراح تطلع بالسلامة
فهد أني أحس بروحي   أني مو زين
لاتبچين حبيبتي ديري بالچ على أمي وإبنا
رسل تبچي إنت إدير بالك علينا كلنا لتعوفنا فهد نضيع بلياك
فهد لا تنسين تگولين لملاك عن الشي الي عرفنا أني ما الحگ أكللها
رسل راح تجي وإنت تگللها لا تگول اموت ما أتحمل اسمعها
فهد ملاك ليش ماكو ليش اليوم ما جتي
رسل يجوز  شافتك تعبان متريد تعبك أكثر وتضغط عليك
فهد يباوع فوگ
رسل شبيك فهد شبيك ليش تباوع فوگ
فهد يريد يحچي ومختك و ميكدر ورى وروحه تطلع
رسل تعيط ولك ويا منو تحچي ملاك عوفي عوفي ملااااااك
فهد يموت
يجي الدكتور يركض بعد ما سمع عياطها
رسل تبچي وتعيط
فهد لتروح أبو بيتي راح مني دكتور إلحگلي بيتي إنهجم يا ناس الله لا ينطيك حجي أحمد كله بسببك دمرت الولد بالسجون الله لا يوفقك
فهد إرجعلي فهد
الدكتور يطلعها بره ويغطي وجه فهد
رسل تبچي وتگلب المستشفى بالعياط
وين عفتني لوحدي بالغربة ولك گوملي فهد گوم حبيبي إرجع فهههههههد
جيت اعالجك تالي ارجع بجنازتك بيتي إنهجم عمري ضاع بعدك أبو وليدي
ابو ملاك شلون تحچين ويا هيچي إنتي مخبلة ولچ هذا ما راح يسكت
ام ملاك سكت وكلشي ما سوه و راح
ابو ملاك هذا ما راح بلاش هذا ورى بليه الله لا ينطي ولا ينطيچ على غبائچ
لازم هسه نروح و نسوي حل ميصير اعوفه
ام ملاك وشسويله وشدعوة هيچي خايف منه
ابو ملاك من حقي أخاف هذا شيطان و كلشي يسوي نسيتي هو يعرف ماضينا نسيتي هو الي هزمني بعد السقوط العالم إدور عليه لأن چنت بالنظام السابق وصالح يدور منا نسيتي من خلاني اعيش غير منطقة و بعدها شغلني ويا
ام ملاك من ساعة السودة إلي شغلك ويا بيها العالم كلها گامت تركض وراك
ابو ملاك نسيتي الفلوس الي چانت تجينا ليش هي الوظيفة شجيبلي تجيبلي هيچي بيت
ام ملاك ولله ذبحتني بي إنطاك بين بس ضليت تشتغل عبد طول عمرك جوه إيده
ابو ملاك هذا إيده طايلة و شنو يفكر بي يسوي و أني ما اخسره لا يروح يبلغ عليه الشرطة ويبلغ العالم عليه الس تطلبني
ام ملاك ضل بهذا خوفك من حجي أحمد روح لحگ عليه وإتوسل بي
ابو ملاك كافي لغوة زايدة ولازم أصلح إلي سويتي
فراس يوصل للمكان  مال سامر
يسمع سامر صوت واحد دخل عليه
سامر منو بره منو ليان هاي إنتي بره
يطلع سامر و يتلگى فراس ويضربه بوجهة
سامر يحاول يدافع عن نفسه و يضرب فراس دفرة
فراس يوگع وسامر يريد ينهزم
فراس يلزم رجل فراس ويوگع سامر
فراس يصعد على سامر و يخنگه ويكتل بي ويگله
اليوم أدفنك إتشاهد على روحك
سامر أني مسويت شي حتى تكتلوني أني مو قصدي أضرب أبوية بس دفعته يريد يكتل ليان
فراس وشعندك ويه ليان
سامر چنت اريدها على سنة الله ورسوله
فراس تزوج مرت ابوك يا نذل هاي محرمة عليك يا دين سيز
سامر ما ادري بيها مرت أبوية بعدين عرفت ولله
فراس هو الي يعتدي على مرت اخو شترجنه يتزوج مرت أبو و كلشي يسوي
سامر ولله مو أني الي إعتديت على ملاك مرتك تعرف منو المذكرات يمها
فراس يا مذكرات
سامر مذكرات ملاك اخذتها من ساره و إنطيتها ليان ورجعت ساره اخذتها
فراس و ليان شدخلها
سامر چنت أحبها واريد اتزوجها ما ادري بيها مرت أبوية
فراس وليش تهدد سامر بإبنها تريد تخطف شبل
سامر ما مهددها ولله ممهددها أصلا اني ما عندي إتصال وياها
فراس عبالك تكذب حتى اسامحك لو أنقهر عليك إنت دمرتنا و خليت الكل يلعب بينا
حجي أحمد ها شرايد
ابو ملاك أني أسف و أعتذر نيابة عن ام ملاك
حجي أحمد وهيچي تريد اصالحك عادي
ابو ملاك إنت و مروتك حجي وشنو تأمرني بي أني حاضر
حجي أحمد تجيب فلوسي كلها وتجي للبيت هسه وتجي مرتك تتوسل وتبوس رجلي حتى ارضى عليها
ابو ملاك حجي شلون ترضاها أنهان
حجي أحمد مرتك من تهيني عادي وتشهر بيه گدام  العالم
ابو ملاك إحسبها عليه
حجي أحمد تجي وتجيبها ورجلك فوگ راسك لا تعرف
ابو ملاك صار اجيبها و تعتذر منك
مهند يحچي ويه حياة
راح نوصل ما ضل شي على إتفاقنا كملي تمثيل إنتي ملاك و لا تأمنين لساره ابد وإذا گلتلچ إنتي كلتي أني مو ملاك فهميها چنتي تضحكين عليها حتى تستجريها بالكلام
حياة تمام على إتفاقنا
مهند حاولي تكونين قوية هاي ساره ما اطمن إلها حيه
فراس يطلع المسدس ويريد يضرب سامر
إتشاهد على روحك اليوم موتك على إيدي
سامر يلزم المسدس
ويصلون يتلاوون ويصير المسدس بنصهم وصوت طلقة
يوگع فراس فوگا سامر
مهند يدخل للبيت هو و حياة
ينصدمون يشوفون ابوهم كاعد بالإستقبال
حجي أحمد يا هلا و ميت هلا مو طردتكم ذيج المرة ليش جيتو
مهند شلون صارت يابا الحمدلله على سلامتك
حجي أحمد جاوبني شجابكم هنا
مهند خابرتنه ساره وكالت لازم تجون
حجي أحمد جيتو ويه وكتكم اكو ضيف عزيز لازم تشوفوا
يتبع بارت ٢٩