قضية شرف

قضية شرف بارت ٢٢

قضية شرف
بارت ٢٢
مرتضى الهاشمي
فهد يحضن أمه ومرته وإبنه ويبچون من الفرحة
فهد إنجبرت مو بيدي عفتكم رسل أني إنسجنت بس إنتي ليش تشهدين ضدي
رسل تباوع على مهند وتگول بعصبية
هذا شعنده هنا لحظة وحدة ميبقى هنا
فهد ليش سوالكم مهند
ام فهد ضيعنا أبو دمرنا السوى بينا مو قليل
مهند شسوى أبوية
رسل لا تسوي نفسك غشيم أبوك لعب بينا لعب
فهد إنتو شلون طلعتو فهموني
رسل الحراس واحد خابرهم وعافونا
فهد منو خابرهم وشلون
رسل أكيد الحجي
مهند الحجي فاقد الذاكرة وگاعد بالبيت ما طالع
أم فهد شلون فاقد الذاكرة وطلعونا اليوم
فهد معقولة حجي يمثل علينا
ام فهد هذا حيه وكلشي يسوي ويلعب على بلد
مهند الحجي كلشي ميذكر وبالبيت ٢٤ ساعة أكيد اكو واحد غيره كاعد يلعب براحته ماكو غيرها هاي مرته ليان
فهد مرته ليش الحجي متزوج
مهند اي متزوج من السكرتيرة مالته
سامر ينصدم بليان
شعندچ جايه هنا شتريدين مني
ليان جايه لمصلحتك و حبك جابني هنا
سامر إنتي متحبين بس الفلوس و بالعافية عليچ تزوجتي الحجي
ليان بس على ورق
سامر ورق لو لا المهم  صار زوجچ
ليان بس بعدني احبك
سامر إنتي متحبين بس نفسچ لو تحبيني صدگ ما أنسجن بسببج
ليان أني شهدت عليك حتى أطلع أخوية بس ما ناوية اعوفك ومثل ما إتفقنا ناخذ كلشي ونسافر وأني عند وعدي وياك
سامر إنتي مخبلة وتريدين اصدگ بيچ شنو بالچ هالمرة شتريدين مني
ليان مو گتلك رايدتك ليش تصير غبي
سامر ذابتني هنا وتريديني
ليان والي يطلعك منا
سامر ما اريد
ليان أني كتلك و قدمتلك عرض تطلع منا مقابل نعيش سوى وتبقى ويايه العمر كله
سامر ولچ إفتهي إنتي مرت أبوية
ليان أعوف أبوك أخذك واخذ وائل وخل ابوك يفر بإذانه أني ضيعت هواي من عمري بسبب ابوك أريد اعوض حياتي بيك
سامر لا ما اضمنج
ليان يعني أروح و تبقى هنا نايم بالسجن
سامر اي روحي
ليان تحضنه وتبوسه وتگله
هاي أخر حضنه مني الك بس تذكر ردت اساعدك و إنت رفضت
هي طالعة سامر يصيحلها ويگول
لياااان
تندار ليان ها شگلت
سامر موافق
ليان تجي يمه وتگله
شوف راح أكلك شسوي
حنين تتعارك ويه عباس
ليش هيچي سويت وكسرت بيه الولد يريد يعرف منك
عباس أني ما أضمن اخوتج لو نسيتي شنو سووو قبل
حنين أني دائما وياك و اسمعك وعفت الدنيا لأجلك بس هالمرة لا عباس لو تسمع مهند لو أني عايفتلك البيت وطالعة
عباس وين تروحين
حنين گاع الله واسعة لا عبالك ارجع لبيت أهلي ويعيروني بيك لا اعوفكم إثنينكم
عباس صدك تحچين حنين بعد هذا الحب تعوفيني
حنين إذا متسمع أخوية وتعرف شنو يريد منك اعوفك
عباس لخاطرچ اسمع كلشي أسمع بس إنطيني فرصة خل أروحله للبيت أو للشركة
حنين أني أسهلها عليك أني اروح لبيت اهلي وأحچي ويا
الشرطي شعجب اليوم هواي جايين على سامر
ساره حمايه واريد اطمن عليه
الشرطي ممنوع هسه جتي وحدة قبلچ و الا الضابط بالگوة حاچته وتوسلت بي يله خلاها تواجهة
ساره منو جتي
الشرطي بنيه حلوة و شعرها سرح
ساره إسمها ليان
الشرطي ما أعرف إسمها
ساره هسه أني ممحتاجة  الضابط يوافقلي
الشرطي و شلون ممحتاجة موافقة الضابط عندچ واحد أعلى بالداخلية
ساره تغمزلة هم لا
الشرطي يردلها الغمزة
شنو الوضع غير تفهمينا
ساره لا يروح بالك بعيد
إطلع من جنطتها فلوس وتگله
من راح أنطيك ٢٥٠ ألف دينار علمود أحچي ويا شوية ما راح تعارض ولا احتاج موافقة الضابط لو إنت مدبرها والفلوس متريدها
الشرطي ياخذ الفلوس من عدها ويكللها
إذا تريدين حتى أدخلچ ويا للسجن
ساره عفيه حباب أني هيچي حبيتك
الشرطي تعالي كعدي بهاي الغرفة وهسه أخليچ إدخلين
هي تدخل الغرفة والشرطي يروح يرتب الوضع حتى تكدر تروح ساره تشوفه
اكو اوراق على الميز من باب الفضول مال ساره تگلب الاوراق و تقره
ملف أحمد منصور الملقب بحجي أحمد
جاري التحقيق من عمليات النصب والإحتيال و جني الأموال بطرق غير شرعية والذي تم التحقيق معه سابقا لكن لم تثبت عليه أي تهمة
أسماء الضباط الذين حققوا معه هم
يجي الشرطي يله كومي بسرعة
ساره فزت 
ها اكدر اشوفه هسه
الشرطي أي بسرعة قبل لا يجي الضابط
ساره تباوع على الملف
الشرطي منو خلاچ تفتحين هذا الملف ممنوع
ساره اشتري بشكد ما يكون
الشرطي هذا الضابط نسى هنا ولو بفلوس الدنيا كلها ما ابيعه تريدين إطينيني إنتي يله روحي للولد  بسرعة ما عندج وكت
ساره صار
سامر ها ساره جايه تشمتين
ساره لا جايه أفيدك
سامر شنو القضية اليوم كل شوية واحد جاي عليه
ساره اخبار جديدة و متدري بيها
سامر خير يا طير گولي
ساره غير ملاك طلعت عايشة وهسه هي بنصنا وراح تعرف منو إغتصبها
سامر مصدوم شنوووو ملاك عايشة
ساره لا والأقوى منها أخوتك يريدون يكتلوك لأن عبالهم إنت إغتصبتها
سامر يا مخبل هيچي يگول اكيد انتي خليتيها براسهم هاي الفكرة
ساره أني لااااا مستحيل أصلا اني لو أريد أحچي چان گلت من چنتو تتلاگون بليل و مهند بالسفر لو نسيت
سامر بعصبية ولچ إنتي مخبلة چانت تسويلي عشا وفهد چان شاهد
ساره و تنتظرها وتباوع عليها من الحمام وبعدين هي إختلفت عليك لا عبالك أني غبية و عبرت ترى اني اذكى مني ماكو
سامر إنتي غبية وأفكارچ خايسة مثلچ
ساره عموما أني جيت عبالي أفيدك ليش أني مگتلك مو ملاك تريد تشيلك القضية كلها و تذبها براسك ومنو بعد يصدگ بيك هو إنت طبيت گول بالعائلة كلها لا خليت مرت أخ لا مرت اب
سامر إنتي شرايدة بالضبط
ساره أريد تنطيني مذكرات ملاك يجوز أكدر افيدك بشي وأني مستغربة هي گالت أتمنى توگع بإيد واحد ميرحم  يمكن فرحانة لأن ضاعت أريد أشوف شنو كاتبة بيها
سامر وشسوين بالمذكرات
ساره أريد أشوف كاتبه شي عنك قبل حتى يجوز اثبت برائتك
سامر وأني اهمچ بشي
ساره لا أكيد متهمني بس من أعرف شي عن ملاك يهمني وأني گلت اضرب عصفورين بحجر هم منا أفيدك إذا إنت تگول اني بريء ها وهم منا أطير ملاك والبيت يصفالي اليه وبس لو أروح أگول لأخوك مذكرات ملاك هو باگها وإستلم انت شيصير الحچي عليك
سامر المذكرات مو يمي
ساره بدينا نكذب
سامر ولله مو يمي أصلا ما قريتها المذكرات إنطيتها ليان
ساره شنووو وليان شلها علاقة
سامر ما أعرف أني ردت اتقربلها و شافت المذكرات وچلبت بيها
ساره زين أروح أخذها من عين ليان
ساره تجي عصبية للبيت
وتلاحظ حياة بغرفتها
ساره شسوين بغرفتي وليان وينها
حياة إبنچ گعد من النوم و سويتله ممه وشربته وليان طالعة
ساره شوفي لچ لو تشوفي يحترگ معليچ بي
حياة مو صوچچ صوچي أني فكدت إبنچ
ساره شوفي ولچ معليچ لا بإبني ولا بزوجي ولا دخلين غرفتي مره ثانية زين
حياة أني مميته على غرفتچ  ولا ادخل ابوگ واطلع
ساره شبايكه منج ولچ أني
حياة خطية  شنو نسيتي مو حتى مهند فضحچ لو تنكرين
الباب يندگ
حياة تنزل من غرفة ساره حتى تشوف منو عالباب 
و ساره تستغل الوضع وتدخل على غرفة الحجي وتشوفه نايم وإدور بغراض ليان
ساره تلگى المذكرات وتاخذها وتروح لغرفتها وتضمها
بعد ما حياة فتحت الباب تدخل حنين
حنين مصدومة وتباوع على حياة وتگللها
إنتي منو
حياة أني ملاك إنتي إلي منو
حنين تلزم حياة من زنودها وتهز بيها حيل و تگللها
إنتي منو وياهو الدزچ علينا من يا بلوة جايه
حياة إنتي إلي منو وخري إيدچ ما اسمحلچ هيچي تحچين ويايه
حنين شوفيني عرفتيني أكيد متعرفيني لأن إنتي مو ملاك
حياة مصدومة ومتعرف شتگللها
حنين يله شوفيني عرفتيني أني منو ولچ منو دزچ علينا
حياة بس اوگفي إنطيني مجال افهمچ أني بعد الحادث ما اتذكر زين
حنين لا تكذبين ولچ ما راح أگول شي لتخافين بس راح أعرف منو دزچ وراها راح اطيح حضچ
ساره تنزل بسرعة بعد ما ضمت مذكرات ملاك
ساره معقولة هذا اول لقاء بينكم ورى الحادث هيچي تتعاركن
حنين وين مهند
ساره سألي حبيبتچ وصديقتچ ملوكه
حنين تلزم حياة من شعرها
ولچ إنتي عايشة ويا بنفس الغرفة ولچ إنتي صدگ تحچين
ساره تحچي بعيارة
شبيچ حنين غير مرته وين تروح
حنين إنتي الحيه تسكتين ومتفكين حلگج
وإنتي الكذابة أني اعلمچ
حياة وخري إيدچ عني لا أكسرها
حنين كسريها إذا إنتي مره
ساره معقولة بعد ذيچ صداقتچن تتعاركن ووحدة منعرف اللخ
حنين أني أعرف ملاك بس هاي مو ملاك وأني أعلمها
حياة ثبتي أني مو ملاك إذا تگدرين
حنين اثبت راح أثبت بس صبريلي
للقصة بقية
مرتضى الهاشمي
يتبع بارت ٢٣