قضية شرف

قضية شرف بارت ٢٤

صباح الورد
تفاعلكم وتعليقاتكم لتقصرون
تحياتي
الكاتب مرتضى الهاشمي
قضية شرف
بارت ٢٤
مرتضى الهاشمي
حياة تاخذ  ملابسها بالجنطة وتريد تطلع
مهند وين رايحة هذا بيت أبوية محد يطلع منه
حياة لا إنت ابقى لتسوي مشاكل بينك وبين أهلك بسببي
مهند شبيچ ليش تحسسيني أني مو زوجچ ولچ أني  كل شي اسوي حتى ارضيچ و اريد تغفريلي ذنبي وتسماحيني ليش متنطيني فرصة أكفر بيها عن ذنبي وياچ
حياة أني گتلك قبل إلي إنكسر ميصلح و كلشي إنتهى بيناتنا فأترجاك لتحاول مهند لتحاول أبد
مهند مو بكيفچ إنتي مرتي وحبيبتي وما اعوفچ بعد برضاتچ أو مو برضاتچ أني ما اعوفچ بعدين أني گاعد أتحرك على برائتچ و اذا طلعنا ما راح نحصل شي
حياة برائتي أني أعرف شلون أثبتها
مهند أني أثبتها بعدين ثبتت لو ما ثبتت أني مشتريچ لو العالم كله يگول إنتي مو بريئة أخلي أصابعي بعينه وبعين اكبر واحد
حياة وين چنت من البداية ليش منصرتني من البداية هيچي
مهند إعذريني
يلزم إيدها ويگللها
أبوس إيدچ سامحيني ملاك أني أحبچ وما أگدر تبعدين عليه أكثر
حياة تبچي وتحچي بعصبية
أرجوك مهند لتگلي أحبچ لتخليني أضعف أترجاك مو كلشي أگدر أگوله
مهند ليش أكو شي ضامته عليه
حياة مو ضامة عليك شي بس أقصد ما أگدر أحبك إنت بالذات ما أگدر أحبك جرحك ما طاب ولا راح يطيب لتضغط عليه أترجاك مهند
مهند ما اعوفچ وأضل متمسك بيچ و هم أحبچ
حياة تباوع عليه وتضعف وتحضنه حضنه قويه وتگله
بداعت حبك إليه إنساني ولتحبني
تعوفه وتاخذ جنطتها وتريد تروح
مهند يلزم إيدها و يگللها
مستحيل أنساچ أني طالع وياچ ما أخليچ بعد لوحدچ
حياة أترجاك مهند
مهند يحط إيده على حلگها ويگللها
إش كافي ما أسمع شي منچ بعد
حياة بينها وبين نفسها تحچي
شگله هسه و شگول لملاك ولرهف أني ضعفت گدامه أكو شي يجذبني إله اوووف ياربي شوكت تطلع برائة ملاك و أخلص راح يموتني شعور الذنب راح اموت وأني يومية أضعف گدامه ياربي ساعدني ما اريد أضعف أكثر اريد ابقى قوية
بعد ما مهند أخذ ملابسه و همه يريدون يطلعون
فراس يحچي وياهم
هذا البيت متوصلوله بعد
مهند أني عايفك لخاطر أبوية بس حسابك ويايه بعدين
حياة لا حسابكم كلكم ويايه لا إنت ولا ساره ولا سامر راح تسلمون مني و لا عبالكم أني غافلة عن قضيتي أحب أخليك تقلق أكثر قضيتي وصلت لمراحل متقدمة و راح عن قريب كلشي ينكشف و أعرف منو إلي سوى هذا الشي بيه
حنين مصدومة
إنتي شنو تريدي بالضبط
حياة إنتي لو تعرفيني من زمان  متحچين هيچي ولا تسألين هذا السؤال تدرين ليش لان لو تعرفيني زين قبل مثل ما تگولين چان عرفتي شريد بدون متسألين
حنين و بهاي كلمتچ ثبتيلي وقطعت الشك باليقين إنتي مو ملاك
حياة الايام الجايه تثبت أني ملاك أو لا
فراس شوفي ولچ أني الي راح أكشفچ وما ضل شي ونعرف إنتي ملاك لو لا و أني هم تقدمت هواي بهذا الموضوع لا عبالچ ساكت بس أشتغل بصمت
حياة بهدوء وإستفزاز
راح تغرگون ما ضل شي إلكم
حنين مهند لتصدگ بيها هاي وحدة كذابة
مهند ثبتيلي هي كذابة ومو ملاك
حنين كلشي راح اثبتلك إنتظر
ساره اوگفو محد يطلع لا أنت ولاهي
مهند شتريدين إنتي الحيه
ساره إذا ملاك عايشة شلون دفنوها
حياة ومنو گلچ عندي گبر أصلا ليش إنتو هم رحتو لگبر ملاك لا عفتوني هنا لحد ما عبالكم أني متت ولا دفتنوني چايه هسه تسألين عن گبري
فراس والتشريح المن شرحو
حياة هذا الشي ميخصك
حنين كافي الموضوع هذا تسدو
فراس مينسد هذا الموضوع و أني راح ألگى گبر ملاك وأنبشه وبحضوركم حتى نصدگ هاي ملاك لو لا
حنين بعصبية
گبر ملاك محد يتقربله هاي حرمة ميت و ممنوع واحد يتقربله
حياة بعصبية إي كلام حنين صحيح إلي يوصل گبري أخر يوم إله
ساره مو إنتي عايشة شسوين بگبرچ
حياة لأن مو كبري ما اريد ينبش گبر واحد ثاني أني متأكدة كلشي يطلع منكم و تخلون گبر مال واحد ميت تكتبون عليه إسمي وتگولون هذا كبرچ
مهند عوفچ من كلامهم وإمشي وأعلى ما بخيلهم يركبون
حنين عوفها مهند هاي مو مرتك وعيشتك وياها حرام بحرام
مهند إنتي مالچ دخل خلي الحرام الج و لزوجچ إحنا ناس كفره بنظركم
حنين أني هالمرة متأكدة بكلامي
حياة تلزمها بعصبية وتگللها
شلون متأكدة إحچي هواي تجاوزتي حدودچ وأني ساكته
حنين كلشي بوكته تعرفين وراح تندمين هواي
حياة أني تندمت هواي من دخلت هذا البيت و بعد ما عندي شي أخاف عليه و أخسره
سامر بالمستشفى ويجي عليه المنظف وبحجة ينظف الغرفة ينطي ورقة لسامر بدون ما واحد يحس
مكتوب بيها
روح للحمامات ثاني حمام على إيدك اليمنى
سامر ياكل الورقة ويبلعها
يگول للشرطي محصور أريد أروح الحمام
الشرطي يفك الكلبچات مالته ويجي ويه سامر
سامر شنو تدخل ويايه جوه
الشرطي جوه خمس حمامات أنتظرك باب الحمام إلي راح تدخله
سامر أدخل ويايه فد مرة
المنظف يباوع على سامر و يغمزله بمعنى ادخل ولتخاف
سامر يدخل الحمام وي الباب
يشوف أكو بدلة مال منظف يلبسها ويلبس الكمامة
يسمع صوت إنذار مال حريق
المنظف يجي الحمامات و شايل بيده طفايه ويگوم يرش بيها
الشرطي يطلع من الحمامات المنظف يفتح الباب لسامر ويطلعه
الشرطي ممنتبه على سامر وكلهم خايفين من سمعو صوت إنذار الحريق
سامر يطلع بره المستشفى يجي تكسي يطبگ يمه ويگله أصعد
سامر ما اروح
ابو التكسي
مو گتلك أصعد أني من طرف ليان
سامر يصعد بالتكسي
ابو التكسي ما اريد ولا حجايه لحد ما توصل
سامر تمام
يذكر سامر من ليان حچت ويا وگالتله
حاطتلك موس بنص الصمونة راح تفتحها وتجرح إيدك قريب من الوريد وهاي برمنگات لونها احمر مثل الدم تخبطها بطل مي وتخليها بحلگك وراها تذب منها على ملابسك وإيدك
والموس خلي بحلگك بحيث إلي يشوفك عباله إنت گطعت وريدك و حاولت تبلع الموس وراها بس من يوشوفون الموس بحلگك راح يضنون إنت بلعته على النص و رجعته راح يودوك للمستشفى  حتى يشوفون وضع لهاتك وبلاعيمك إذا بس إيدك يخيطوها هنا وأني اريدك تركز على بلعة الموس حتى يودوك
وبين ما يشخصون حالتك أني راح اصرف
سامر وشسوين
ليان ما إلك علاقة تبدي الساعة ١٠ بين ما توصل للمستشفى الساعة ١١ أني كلشي مجهزة
سامر الگاج هناك
ليان إنت غبي شسوي هناك أني كلشي رتبتلك بعدين تشوفني
سامر شغل عصابات
ليان تصدگ إذا أگلك هذا كله شغل الحجي علمني عليه
سامر ابوووية
ليان من تطلع راح تعرف بلاوي عن ابوك
سامر وليش هيچي تسوين ويايه
ليان مو بس حب أريد أنتقم
سامر تنتقمين من منو
ليان من تطلع كلشي تعرف
فهد معقولة كل هذا حجي أحمد سوى بيكم
رسل تبچي وتگله
اي فهد ولله العظيم وداعة إبني
وعافيتي و هاي أمك إسألها إذا متصدك بيه هاي أمك إسألها
فهد زين ليش هيچي سوه
رسل گالي تشهدين عليه أريد سامر يطلع من السجن لا أخذ إبنچ منچ وخطف أمك و أني ضليت لوحدي وخايفة لا إبني ياخذه
فهد اي وبعدين
رسل گالي بس تشهدين ضد فهد والقاضي ياخذ أقوالچ أني أطلع أم فهد من السجن
وراها و أني شهدت عليك من طلعت من المحكمة أخذوني أني وإبني و گال أريد فلوسي أني ما أعرف شجاوبه
فهد ليش متعرفين شجاوبي مو عندي فلوس چنت أخذها منه نسيتي رسل
رسل لا گال اكو فلوس منطيها إلك بيوم الحادث
فهد أي بس ملحگت اوديها للناس
رسل ما أعرف هو چان يريد مني فلوس وأخذنا كليتنا يمه وحبسنا
فهد يريد يگوم ميگدر
تصير عنده گحه كلش قوية
رسل شبيك فهد فهد يمعود شبيك
فهد يذب دم من حلگه
ام فهد يمه وليدي شبيك يمه
يصير صياح و نعي ويخابرون على الإسعاف حتى يودون فهد للمستشفى
تجي سيارة الإسعاف
بالمستشفى
الدكتور التدرن بي من فترة و صدره متأكل
رسل دكتور يعني ماكو امل
الدكتور يم الله بعد إحنا منكدر نسويله شي
رسل لو اعرف ابيع ملابسي إلي عليه وما أخلي يموت ولله لا اودي لاحسن دكاترة أخذه لاربيل لو لتركيا
الدكتور الطب عدنا مو قاصر بس حالة فهد حتى بأربيل متصير چارة
رسل لتركيا اودي
الدكتور أختي بعد بكيفچ بس ميسووله شوي زوجچ المرض أكل صدره
ام فهد الله ينتقم منك حجي أحمد الله لا ينطيك أخذت مني ملاك وهسه فهد مريض بسببكم إرتاحيت من سجنته ومرضته
رسل لا يهمچ شي خاله أني لو أعرف ابيع البيت واسفره
ام فهد أني عندي ميحتاج تبيعين البيت أخذي جوازاتكم وسافري بي وعوفي إبنچ يمي لا يروح ينعدي
رسل تحضنها ما ارجع الا وهو متشافي
حياة هلو رهف
رهف شنو القضية حياة ليش متريدين أجي لبيتج
حياة صارت مشكلة چبيرة وصارلي يومين طالعة من البيت
رهف وين رحتي غير تجين لبيت عمچ أني هناك
حياة بعصبية مو كتلچ لتروحين هناك لبيت عمنا
رهف ليش ما اروح
حياة ما اريدهم يكشفوج
رهف وانتي كشفتي كل اللعب حياة إنتي وين هسه
حياة أني گاعده ويه مهند مأجر بيت
رهف شنووووو ولچ رجال غريب شلون تگعدين ويا بيت لوحدج
حياة ومن جنت بيت أهله وبغرفة وحدة شنو هو رجال غريب لو شنو الإختلف هسه
رهف من البداية هذا ما چان إتفاقنا
حياة شنو ما عندچ ثقة بيه
رهف يا زمالة أني خايفة عليچ
حياة لتخافين أني اعرف شسوي
رهف ترى نور گلبت الدنيا عليچ تگول هواي تأخرتو
حياة ما ضل شي اني بعدين كلشي أفهمها
رهف إنتي وين خل أجي عليچ اريد اعرف وين وصلتي
فجأة يجي مهند
ملوكتي وينچ حبيبتي
حياة تنحرج أي جيتك هسه
رهف مصدومة
شنو القضية حياة أحس بيكم هواي منسجمين
مهند حبي ويه منو تخابرين
حياة هااا هاااي رهوفة أختي
مهند سلميلي عليها خل يجون للبيت هي وأمها أريد أشوفهم
حياة صار أگللها
مهند صدگ نسيت أگلچ حضري روحچ مسافرين
حياة وين مسافرين  بس من رخصتك خل أكمل إتصالي ويه رهف وارجعلك
مهند تمام حبي
رهف أسفة جدا گطعت عليكم رومانسيكم روحي تونسي وشوفي وين راح تسافرين
حياة لتصيرين غبيه إفتهمي
رهف كلشي إفتهمت أني مچنت متصورة راح تعيشين بالعسل وتستغلين إسم ملاك حتى تاخذين رجلها
حياة لتحچين بدون تفكير
رهف ميحتاج كلشي وضح عندي
حياة كافي كاااافي إلي بيه مكفيني ما اگدر احجي مهند  بالبيت بعدين افهمچ
رهف قسما بالله إذا ما وصلتي لشي خلال إسبوع لا أجي وافصحچ بيت الحجي
تسد التلفون بوجها
للقصة بقية
مرتضى الهاشمي
يتبع بارت ٢٥