قضية شرف

قضية شرف بارت ٢١

تحياتي
الكاتب مرتضى الهاشمي
قضية شرف
بارت ٢١
مرتضى الهاشمي
ليان تدخل للبيت والكل مصدومين
ليان همزين جيت بوكت العشا
تجي و تگعد وياهم على العشه و تأشر على حياة
إنتي شسمچ گومي صبيلي
حياة إنتي منو وليش كلكم مصدومين ليش ساكتين هاي منو
فراس ولله هذا البيت ما أعرف شنو بي صحيح الميت يعدل والننقهر عليها ونلفيها يمنا  تصير ام بيت
حياة شنو تقصد فراس شنو الميت يعدل
مهند كافي حچي زايد محد يجيب طاري ملاك بالنص
ليان إنصدمت وتباوع على حياة وتگللها
إنتي ملاك
حياة و إنتي منو غير تعرفينا عن نفسچ
ليان إنتي ملاك صدگ إنتي ملاك
مهند اي صدگ هي ملاك وطلعت عايشة إنتي شجابچ هنا
ليان بكل هدوء وإستفزاز
أني مرت أبوك و من حقي اعيش بوسطكم يم زوجي لو الا أجيب ورقة من القاضي
فراس بعصبية
إنتي عندچ بيت مگعدتي بي وإنچبيتي
ليان بمياعة  وإستفزاز
أخاف أعيش لوحدي إذا أخوكم ما سلمت منه شلون أسلم من الغربة فقررت أجيب غراضي وأجي هنا وأختار احلى غرفة أگعد بيها أني و زوجي أحمد
فراس ولچ راح أشرب من دمچ لحظة وحدة متبقين هنا
ليان بعصبية وحده بالكلام
أني أبقى وغصبا على روسكم لا القانون ولا الشرع يمنع بقائي هنا والي ميعجبه الباب يوسع كلشي
مهند يصير عصبي
لا لهنا وبس إنتي اله أطيح حظچ يله تمشين عدل
يگوم يريد يضربها
فراس  يلزم إيده ويجره ويگله
لا مهند غلط لتضربها هاي دواها يمي أني أعرف شلون أهججها
ليان عفيه فراس إستوعبت الدرس وإعترفت إنت متگدرلي هسه بقه لازم أخوك يستوعب الدرس
مهند أني أگوم من العشا ما اريد
يروح لغرفته
ليان تلحگه وتگله
هاي الغرفة حلوة عجبتني شوفلك غرفة ثانية
حياة تصير عصبية وتنتفض من مكانها وتگللها
شوفي لچ هاي الغرفة غرفتي ومتتقربيلها إفتهمتي
ليان أني أم البيت وأختار الغرفة إلي تعجبني
حياة إذا دخلتي الغرفة و خربتي غراض ملاك لا يكون أخر يوم بعمرچ
كلهم ينتبهون على كلام حياة مصدومين
فراس شگلتي عيدي تخربط غراض منو
حياة مرتبكة و متورطة متعرف تجاوب تگله
ااااا گتلها غراض ملاك شبيك فراس غير أني ملاك يعني أقصد غراضي
فراس أني چنت شاك إنتي مو ملاك وهسه تأكدت و گلت اسكت مو مال اتحرى هسه بين ما أبوية يصير زين بس إنتي فضحني روحچ
ليان تضحك بشماته
هههههههاي يعني إنتي ٥٦ و جايه تمنعيني أخذ الغرفة التعجبني
ساره أني شكيت بيها اول ما إجتي من صعدت الدرج وتيهت غرفتها بس گلت يجوز نست بس الظاهر توقعي بمكانه
مهند يلزمها من زندها
إنتي منو لچ وشسوين بنصنا
حياة يعني إنت تخذلني مرة ثانية ومتصدگ بيه ملاك
أني غلطانة جيت وياك
مهند اليوم تبقين غصبا على راسچ و لازم أعرف إنتي منو دزچ علينا  وأني أگول لا أهلچ سألو ولا حتى أختچ رهف خابرت عليج
حياة  شوف مهند هاي تخوينك اليه المرة الثانية ينعاد بس هالمرة ما أسامحك
مهند ثبتي إنتي ملاك وبدون لغوة زايدة 
حياة شنو الفرق عندك إذا أني ملاك لو لا لو إنت تحب ملاك چان يهمك بس تريد تعرف منو السوه بيها هاي العملة السودة
فراس شوفي ولچ تگولين منو دازچ لا ولله أبتلي بيچ
حياة قبل متبتلي بيه روح شوف مرتك شباگت من غرفتي وعلى شنو چانت إدور و نبشت كنتوري
ساره مصدومة وخافت ومبين الإرتباك عليها
ما اخذت شي ولله ما بگت شي
مهند بعصبية
يعني صدگ چنتي تنبشين بغراضنا
ساره بس مره دخلت الغرفة و ردت انظفها وإنت گتلي عوفيها وبعد عفتها
حياة بينها وبين نفسها
الحمدلله يارب عرفت أخلص روحي لازم أكون حذرة وافرها على ساره
حياة تحچي ويه ساره وبعصبية
زين إلي يبنظف يهوس الغراض و ينسى حاجات ثمينة بالغرفة
ساره مبگت شي ثمين ولله بس ردت أخذ سيت نوم عجبني
فراس ولچ إنتي صدگ داخلة لغرفتها شعندچ دخلتي إحچي اليوم أكسر راسچ
ساره شفت دفتر بي مذكرات ملاك و ردت أخذه واقرى بس سامر أخذه مني
حياة بعصبية سامر شيسوي بمذكراتي وليش أخذها
ساره تبچي شافه بيدي و أخذه ولله أني مالي علاقة ولا بگت شي منها
حياة صدگتو أني ملاك لو بعدكم شاكين
فراس ما أصدگ ملاك عايشة ويجي يوم وأتأكد بنفسي
حياة صدگت ولا ما صدگت إلي وگع دفتر مذكراتي بيده راح يعرف هواي اشياء وما راح تخلصون منه
مهند شكاتبه إنتي بالمذكرات
حياة دور عليه وشوفه وتعرف أني شكاتبه بي تاريخكم الاسود كله بي
ليان مصدومة
أني أروح أرجع لغرفة الحجي وين غرفته
فراس غرفته فوگ روحي گعدي هناك ولتفكرين تگعدين غير مكان
ليان اووووع مشاكلكم متخلص وأني أروح منا أحسن
حياة تدخل للغرفة وتسد الباب
مهند يدگ عليها باب الغرفة
آسف ملاك أسف حبيبتي فتحي الباب أريد أحچي وياچ
حياة من ورى الباب تحچي ويا وتگله
إمشي روح ما عندي حچي وياك إنت مو زوجي ولا شي يربطنا خليني هنا أعرف اثبت برائتي وأرجع
مهند أسف بس فتحي الباب
حياة تصيح بكل صوتها
مو گتلك رووووح لتبقى هنا
حياة تبچي وتگعد مكرفصة ورأسها بين ركبتها وشعرها ينزل على الگاع وتبچي وتگول
يارب ساعدني لطفك ويايه يارب لتخليهم يكشفوني يارب
بس شلون أني أبقى هيجي يوميه واحد شاك بيه شلوووون هسه شلون اصرف اليوم خلصت وطلعت وبعدين حتى الحيل تخلص أني وگعت وگعة قوية و ورطت روحي بشي ما أعرف شلون أخلص لو انجي نفسي منه
فراس يكتل ساره
ولچ المذكرات وين وشخذتي بعد من غرفة ملاك
ساره ولله ما اخذت شي غير بس المذكرات وهي هسه يم سامر
ليان بعد ما دخلت لغرفتها وتأكدت الحجي نايم
إطلع المذكرات وتكمل قرائتها بيها
ليان متعجبة وتگول
عدهم أخت إسمها حنين
صباح اليوم الثاني
حياة تگعد من النوم وتتفاجئ نايمة على الچرباية
حياة شجابني هنا شلون نمت عالچرباية
تريد تگوم من الچرباية
يجي مهند و يدخل عليها و شايل صينية بيها ريوگ
صباح الخير حبيبتي ملوكه
حياة إنت شدخلك الغرفة
مهند أني من البارحة أگدر ادخل بس مدخلت بس بنص الليل وضميري أنبني عليچ هواااي جيت فتحت باب الغرفة من النسخة الي عندي وشفتچ غافيه وإنتي نايمه بصف الكنتور
حياة يعني إنت نومتني على الچرباية
مهند اي أني
حياة بعصبية
ومنو سمحلك تلزمني وتشيلني
مهند أني سمحت لروحي
حياة تصير نار و تشمر الصينية بالگاع وتضربه راشدي وتگله
إنت ممنوع عليك تلزم شعراية مني إفتهمت
مهند يصير عصبي ويلزم إيدها ويگللها
ما أتقربلچ ولا تقربتلچ و إيدچ إذا مديتيها أكسرها
حياة إكسرها وشتريد تسوي سوي خلينا على إتفاقنا أني مو مرتك ولا أي حقوق الك عندي يعجبك يعجبك ميعجبك هاي مشكلتك
مهند بعصبية
أني بعد ما إليه نفس بيچ ولا اريدچ و حتى خيانة اخونچ
حياة خون حبيبي ميهمني شتريد تسوي سوي أني هنا مجرد أعرف برائتي وأرجع
مهند وين ترجعين
حياة هذا الشي ميخصك إعتبرني ميته وحتى من أثبت برائتي وشرفي أبقى ميته بنظرك
مهند اني طالع والبيني و أخليچ براحتچ بس سمعي أگلچ لا تمدين إيدچ عليه بعد تندمين
حياة ورى ما يطلع تباوع على الجرباية وتذكر من شمرت الصينية و ضربته راشدي وتبتسم وتگول
همزين مزورگني گلت راح يلعب بيه طوبة من ضربته بس موقفه حلو ويايه
شبيه أني چني إنعجبت بي ونسيت هو رجل أختي وأني جايه لخاطر أختي كافي ولچ حياة لتغلطين غلطة عمرچ تذكري ذولة كلهم أعدائچ لتضعفين گدامه
فهد هلو مهند خير اكو شي ليش خابرتني من الصبح
مهند تعال نروح لعباس اكيد يعرف اشياء هواي عن أبوية
فهد الله وإيدك بلكي يعرف شي عن مكان عائلتي
بعد ما وصلو
فتحتلهم الباب حنين وتفاجأت بجيه مهند
مهند مبستم صباح الخير حنين
حنين خايفة ومتعرف شيريد منها مهند
صباح النور هلو مهند خير خوية أكو شي أبوية صار بي شي
مهند جاي اتريك يمكم
حنين تنزل دموعها وتحضن مهند
معقولة مهند تجي تزور اختك وتتريگ يمها ولك أنطيك مي عيني روحي إلك
مهند حبيبتي كافي بعد قسينا كلوبنا هواي كافي الراح مات
حنين اي ولله مهند الفات مات وأني مغلطت من تزوج عباس هو چان عاقد عليه حتى عقد محكمة وبحضوركم بس إنتو رفضتو زواجنا بأخر شي أني تمسكت بي أني مغلطت مهند ولا بعتكم ولا بعت زوجي
مهند أني ما جاي أگلب بدفاتر الماضي وجاي أنطي فرصة لعباس حتى يثبت كلامه صح لو غلط
عباس أني ما احتاج اثبت شي
مهند سلم عليه بالاول وگلي تفضل
عباس أي واحد من بيت الحجي ميدخل البيت
مهند تطردني من بيتك يا رجل أختي
عباس أي أطردك ليش نسيت من طردتوني وأني جاي أخذ أختك نسيت من ردتو تحرموني من حب حياتي
مهند أني ما جاي أگلب بالماضي بس إنت هم ما قصرت و هواي ضليت تشهر بينا وتگول الحجي  فلوسه حرام
عباس أني ما كذبت والدليل ثروتكم إلي جتي فجأة نسيتو شلون چنتو عايشين لو نسيتو بيوم وليلة صارت عدكم فلوس وشركة و محلات صيرفة
مهند محلات صيرفة
عباس ليش نسيت لو تسوي روحك متعرف
مهند بعصبية
شوف عباس أني جيت وماد إيدي إلك أريد اتأكد وأني ما خايف حتى أنكر لو تحچي وتثبت كلامك لو تسكت وهالمرة أني أخذ اختي منك بالگوة وغصب عنك
عباس ما عندي كلام وياك و اذا إنت رجال و  گد حچايتك أخذ حنين لا يصير أخر يوم بعمرك
حنين شنو هذا الكلام عباس الولد جاي بنيه خير
عباس حنين طبي جوه أني أعرف بيت الحجي كلش زين ميجي منهم خير
مهند بعصبية عباس أني جاي بخير ولتخليني أتصرف غير تصرف وياك
عباس شسوي سوي وإمشي من بيتي يله
عباس يسد الباب بوجه مهند
وفهد يجر مهند ويگله
ماكو فايدة مهند عوفه خل نرجع ندور على عائلتي ونعرف همه وين
مهند شوفه شلون يحچي حچي زايد
فهد عوف كلشي وشوفلي عائلتي أبوس إيدك
مهند ما أعرف وين اروح خل نروح نفتر و أهدئ وأرجع
فهد إمشي لبيتي نگعد وبعدين نرجعله
الضابط شنو علاقتج بي
ليان أني مرت أبو
الضابط بس المواجهة مو اليوم
ليان أريد اشوفه أبو مريض كلش و طلب اسأل عليه
الضابط ما أگدر
ليان أترجاك سيادة الضابط عندي رسالة إله من ابو
الضابط صار هسه أصيحه بس اريد مطولين ويا
ليان ربع ساعة بس
فهد ومهند بيت فهد
فهد عفيه هسه هديت خل نرجع لعباس
مهند يا اخي متشوفه هو مستفز
فهد لخاطري تحمل لخاطري مو لخاطري لخاطر أني وإبني
مهند صار خل نروح
باب بيت فهد يندگ بصوت قوي
مهند إنت منتظر واحد
فهد لا
مهند لعد منو هذا إلي يدگ الباب بكل قوته
فهد ما أعرف هسه أروح اشوف
بعد ما وصل فهد الباب
اي جيت على كيفكم
يفتح الباب ويتفاجئ
ويگول
رسل
رسل تحضنه وتبچي ليش عفتنا
يتبع البارت ٢٢