قضية شرف

قضية شرف بارت ١٩

قضية شرف
بارت١٩
مرتضى الهاشمي
مهند يحاول يصحي ساره يجي يضرب بخدها ويكلها
ساره گعدي ساره لتخافين ملاك طلعت عايشة مميته
ملاك تجيب گلاص مي وتذبه على وجها
ساره تصحى و تباوع على ملاك وتگول
سلام قول من رب رحيم اعوذ بالله بسم الله إنتي شسوين هنا
مهند ساره شبيچ هاي ملاك عايشة مميته
ساره إلي ماتت هنا منووو
حياة أني عايشة كدامچ بدال متگليلي الحمدلله على سلامتچ
ساره زين الروح إلي كتبت بالدم عالحايط هاي روح منو
حياة هاي أني كتبت و صورتي چانت على الكاميرا إرتاحيتي و ما أطلع منا إذا ما أثبت برائتي وشرفي إفتهمتي يا حلوة
ساره أني بحلم أو حقيقة گرصوني ضربوني حتى اصدك
تجي حياة وتضربها راشدي قوي وتگللها
حبيبتي هسه صحيتي وصدگتي أني بنصكم
ساره صحيت صدگت ضربتچ قوية وعرفت أني مو بحلم
حياة والي جاي أقوى و اصعب
ساره على منو
حياة تحچي وياها بإستفزاز
على الجاني حبيبتي لو إنتي  تعرفين شي و ساكته
ساره تباوع عليها وعلى مهند
لا ليش أخاف لا بالعكس قابل اني إغتصبچ شبيچ ملاك أني بنيه حالي حالچ بس الفرق بيني وبينچ ما أسوي ميانه
حياة بعصبية شتقصدين ولچ
ساره كلامي ما بي قصد هاي حقيقية لو نسيتي
حياة تلزم ساره من شعرها وتگللها
شوفي ولچ ولله إذا تفكرين طعنين بشرفي لا عقابچ يكون مو اقل من عقاب إلي إغتصبني فكوني حبابة ولزمي لسانچ
ساره إنتي مو ملاك
حياة شتقصدين مأجريني
ساره ملاك متهدد ولا تحچي هيچي ملاك فقيرة
حياة تغيرت وصرت وكحة وقاسية و عندي إستعداد اقتل حتى اثبت شرفي صار معلوم حبابة
ساره تبلع ريگها اي حبيبتي كلشي مفهوم و صار واضح
تباوع على مهند وتگله
صارلك فترة بالعسل و قافل تلفونك وأبوك بالمستشفى
مهند بلهفة
أبوية شبي إحچي
ساره ابوك بالمستشفى بين الموت والحياة
مهند ليش وشصار
ساره لو فاتح تلفونك و مجاوب على فراس چان عرفت
مهند هسه شبي أبوية ووين
ساره بمدينة الطب
مهند أروح هناك يطلع مهند و يطلع التلفون ويتصل على فراس بس فراس ميجاوب
يطلع مهند للسيارة حتى يروح لمدينة الطب
ساره إنتي مبين عليچ تعبانه روحي إرتاحي بغرفتچ عندي هواي كلام وياچ لازم تصحصحين وتسمعيني زين
حياة گولي شعندچ ما تعبانة اسمعچ
ساره لا روحي إرتاحي وبعدين أحچي وياچ
حياة تريد تروح لغرفتها بس متعرف غرفتها وين جوه لو فوك
تحچي ويه نفسها
هسه شدعي عليچ رهف غير تعرفنيي على  تفاصيل البيت غرفتي وين هسه وين اروح
ساره روحي إرتاحي ليش واگفة
حياة تمام رايحه
تروح حياة وتصعد اول بايتين من الدرج
ساره شنو نسيتي غرفتچ
حياة لا ما نسيت أكو وحدة تنسى غرفتها
ساره روحي لغرفتچ ليش وگفتي
حياة ما اروح وأبقى على گلبچ هنا شتريدين تسوين وليش تلحين الا أروح لغرفتي
حياة تگعد بالإستقبال
ساره تباوع عليها بنظرات غريبة و كإنما كشفتها
حياة تطلع تلفونها وتبدي تراسل رهف
حياة شلونج رهف ما اكدر اخابرج بس رسايل لا دكين عليه
رهف هلو حبيبتي إنتي وين خير خوما اكو شي
حياة أني بيت عيال ملاك و سويت روحي ملاك
رهف شنووووو ليش هيچي تسوين هذا مو إتفاقنا حياة إحنا متفقنه تروحين لبيت عيالها
حياة رهف عفيه فهمي لازم اعيش بنصهم وأعرف شنو تفكيرهم ولازم أدور على شي يثبت برائة ملاك بأي ثمن خاصة بغرفتها بلكي أشوف تلفونها لو مذكرات كاتبة بيها شي
رهف ذولة شياطين و ماراح تحصلين شي إنتي خربتي كل الشغل
حياة هسه هذا مو وكته اريد اعرف غرفة ملاك وين
مهند يوصل للمستشفى يتفاجئ يشوف أخته باب غرفة الإنعاش
مهند إنتي شجابچ هنا وشسوين
حنين جيت اشوف أبوية لو حرام
مهند إنتي مالچ حق تشوفين ابوچ و هو متبري منچ
حنين غصبا عليكم اشوفه وماكو واحد يگدر يمنعني أشوف أبوية
مهند هسه ملتهي مو وكتچ بس اني اعلمچ بس أبوية يصير زين
رهف بعد ما خلصت مراسلة ويه حياة
تصير عصبية وتگوم تكسر بالغراض وتصيح
هذا مو إتفاقنا راح أخسر الثانية بسبب غبائكم
صلاح خير بابا شبيچ ليش تصيحين ومكسره الغراض
رهف بنتك حياة وإبن اخوك لؤي كشفو كلشي وكلهم عرفو ملاك موجودة وبعد بس يتأكدون هاي حياة
صلاح منو كشفهم وشلون
رهف كالو كلشي لمهند وحياة هسه عائشة بنصهم
صلاح هذا غباء
رهف لازم ارجع لبيت اهلي واصير قريبة عليها اذا مكشفهم الحجي أبوية راح يكشفهم
صلاح بنتي أخاف ينكشفون
رهف بابا خل اتلاحگ الموقف حياة و لؤي كلشي كشفو
ساره تحچي ويه نفسها
هاي ملاك لو مو ملاك الشكل ملاك بس مو كل تصرفاتها هي و تذكر غرفتها لو لا شلون بالبداية معرفت غرفتها وبعدين راحت دخلت بدون ما أگللها وكإنما تلعب بأعصابي
خل اتأكد منها ولچ جيتي بوكتچ هواي أمور لازم تنحسم و إنتي هنا
حياة تباوع بغرفة ملاك وتبچي تشوف صورتها على ميز الچرباية
وتشوف صورتها بيوم عرسها لابسه البدلة و مهند حاضنها
حياة تبچي وتگول
هانت حبيبتي هانت يا خيتي اواعدچ راح كلشي اكشف لو على جثتي
مهند يرجع للبيت ويدخل غرفته
حياة منو گالك تدخل هيچي بدون مدگ الباب
مهند ترى هاي غرفتي وإنتي مرتي ما حاجة أدگ الباب
حياة لا إدگ الباب و متنام يمي على الچرباية لو اني لو إنت
مهند ليش بله هو هذا منطق
حياة هذا إتفاقنا يعجبك أهلا وسهلا ميعجبك أروح ارجع
مهند يصير عصبي ويصيح
شنو هو بالمزاج حضرتچ
حياة ترد عليه وهي تصيح
مو مزاج بس هذا إتفاق  وشتريد تسوي سوي زين
مهند شوفي لچ البيت مطلعين منه وشتريدين تسوين سوي لا أكسر راسچ
يرفع إيده يريد يضربها بس يوگف
حياة كمل أضرب ليش وگفت
تصيح عليه بكل عالي صوتها
متضرب شنو تنتظر أني صوچي صدگت بواحد بكذاب مثلك المفروض ما أجي وياك ولا اصدگ بواحد غدار مثلك
مهند لتجاوزين
حياة أتجاوز من تخلف وعدك  أتجاوز وشتريد تسوي سوي
ساره إدگ باب الغرفة و تگله من ورى الباب
فهد جاي ينتظرك بالباب
مهند هذا شعنده جاي هنا
حياة وأني شعرفني لو بعدك تشك بعلاقتي ويا
مهند أروح وأرجعلچ هسه
مهند يطلع بره
فهد ابوك وين
مهند إنت شجابك هنا
فهد جاي اصفي حسابي ويه أبوك
مهند بس حسابي وياك بعده مخلصان
فهد أني الي حسابي بعده مبادي وياك
مهند شتريد
فهد أريد اعرف ابوك وين وليش ميرد على تلفوني
مهند شعندك ويه أبوية
فهد گتلك شغلة بيني وبينه
مهند أبوية بالمستشفى و فاقد الذاكرة وهسه فراس يمه تريد روحله
فهد يصير عصبي نار ويلزم مهند من ياخته
ولك ابوك خاطف عائلتي ويريد مني فلوس والفلوس دبرتها والباقيات يم العالم كل شهر فترة متت لحد ما دبرتهم تالي تگلي ابوك فاقد الذاكرة عائلتي وين لا ولله أحرك بيتكم على راسكم
مهند إنت شجاي تحچي إنت مريض روح منا لا ولله ادفنك
فهد ما اروح واليوم إذا متگلي عائلتي وين ادفنك إنت
مهند راح أتخبل إنت صدگ تحچي أبوية ماخذ عائلتك شيسوي بيهم و يريد منك إنت فلوس المجدي هو انت منيلك
فهد ابوك يمه عندي ١٤ شدة من غير الفوائد من إنسجنت أخذ عائلتي حتى أدفعها إله
مهند مصدوم
إنت تحچي صدگ
فهد لا أتبلى على أبوك إلي مقشمر العالم كلها و مسوي نفسه مؤمن
مهند يربط الأحداث بين كلام عباس زوج أخته حنين من قبل تعارك وياهم وگاللهم فلوس ابوكم حرام و ربط الحدث مال زوجته ملاك وليش تهمو فهد وليش أبو عاف فهد فجأة
مهند إنت متخلف وأمك ميته
فهد أمي عايشة و ابوك خاطفها و أني أخلف بس ابوك إلي هيچي سوى وطلعني من السجن
مهند ليش سوى هيچي شنو السبب
فهد مو مال شرح اريد اعرف عائلتي وين
مهند إمشي ويايه
فهد وين
مهند إمشي لمكان نگعد بي وكلشي تحچيلي أني هالمرة اريد اعرف منو إعتدى على ملاك  وهواي امور گاعدة تصير بس غامضة لازم كلشي أعرف لو ميهمك تعرف ملاك بريئة لو لا
فهد إي أكيد يهمني وإذا كلامك صحيح إيدي بيدك وشتريد أني وياك
رهف توصل لبيت اهلها وهي تبچي
إدگ الباب
ام ملاك تطلع و تشوف رهف گبالها و تبچي
ولچ يمه الحمدلله على سلامتچ وين چنتي نورتي بيتچ بنيتي
رهف عندي ضيف ويايه ما اگدر ادخل لوحدي
إم ملاك منو وياچ بنيتي
صلاح يصير گدام أم ملاك ويگللها أني الضيف و حسابي وياكم قرب
أم ملاك تنصدم وتگووول
صلاااح
للقصة بقية 
مرتضى الهاشمي
يتبع بارت ٢٠