قضية شرف

قضية شرف بارت ٢٣

تحياتي
الكاتب مرتضى الهاشمي
قضية شرف
بارت ٢٣
مرتضى الهاشمي
حياة إمشي طلعي بره
حنين إنتي طلعين بره وإذا رجلچ معجبه هم يطلع بره وأني ابقى بالبيت
حياة ليش وهو إنت منو و تشمرين عليه
ساره حلو حلو متعرفيها ملاك معقولة
حياة إنتي لتدخلين ساره معليچ
ساره ترى هاي صديقة عمرچ وكاتمة أسرارچ هاي حماتچ حنين شنو نسيتيها
حياة محرجة ومتعرف شسوي وتخاف لتنكشف
اااا أهلا وسهلا بيج اسفة ترى ما اذكر
ساره إي نسيت أگلچ حنين غير ملاك صارت مثل المخبلة تنسى شغلة وفجأة تذكرها
حياة أني جدا أسفة حنين
حنين وخري عني
حياة اوووووف
حنين تجر حياة من شعرها وتگللها
إنوب تتأفئفين و معاجبچ ولچ اليوم العب بيج طوبة اليوم أشهرچ شلون تچذبين وتگولين أني ملاك
حياة شوفي حنين أني ملاك صدكتي لو مصدكتي و عوفي شعري
حنين لازم اعرف شتخططين ومنو دازچ علينا
ليان تفتح الباب
ساره هلا ولله شرفت عمتي
حنين شجاي يصير هنا عمتچ منو
ساره مو نسيت أگلچ غير بالمحكمة فاتتچ إنتي ماكو ومكانچ خالي غير طلعت هاي مرت ابوچ شبيچ مصدومة ولله ههههه
حنين شجاي يصير بهذا البيت
ليان إنتي منو
حنين أني بت رجلچ ياااا شگلچ حتى أني أصغر منچ شلون أخذچ وإقتنع بيج
ليان ليش إنتي يا مواليد
حنين ٩٩ يا مرت أبوية
ليان وأني عمري ٢٧ يعني أكبر منج بسنتين فلتگولين شصيحلچ صيحيلي باجي لونه افضل وبعدين شنو شلون أخذني اشو أني أخبل حتى أحلى منچ
حنين ولچ إلچ عين تحچين تعالي خل اشوفچ ضيمي ولونه
تلزمها و تكتلها
ليان تدفع حنين وتنهزم جوه وتگللها
أني اعلمچ يا طايحة الحظ
حنين تركض وراها
تلزمها حياة وتگللها
عوفيها خل تولي
حنين تعالي ولچ خل أطلع نار كلبي بيچ شعبالج خلصتي مني
حنين تلزم حياة وتكتلها وحياة تعيط و تريد تخلص منها
يجي مهند للبيت
شكو هذا الصياح
يتفاجئ حنين وساره يكتلن بحياة
مهند يصير عصبي عوفوها ولچن أنعل والديها التتقرب إلها
مهند يجر حياة ويحضنها
حياة تستلم لحضنه وهي تبچي تريد تخلص منهم
مهند يمسح دموعها
حسبيها عليه حبيبتي وحقچ أني أخذه
حياة تحس على روحها وتحاول تبتعد عنه وترجع لورى
مهند يتقدم عليها ويجرها من إيدها و وجهة يصير قريب كلش وجها و نظراتهم واحد بعين الثاني
مهند لتبعدين عني
حنين إنت تعرف هاي منو
مهند زوجتي وحبيبتي ملاك شبيچ وياها ليش تكتليها هاي عود أختچ وصاحبتچ
حنين هاي مو ملاك هاي وحدة ثانية
مهند ملاك وغصبا عنكم والي ميعجبه يضرب راسه بالحايط
حياة تريد تحرگ گلب حنين وساره
تحضنه وتگله
حبيبي همزين جيت رادو يكتلني ويموتني شنو هاي اختك اووووع تگول عبالك كلب مسعور
حنين ولله لا اليوم أنسعر عليچ ولچ من يا ضيم الله جابج علينا
مهند يضرب حنين راشدي ويگللها
أخر مره أنبهچ إذا مره ثانية اذا مديتي إيدچ عليها أكسرها
حنين تضربني علمود هاي مهند
مهند ولچ هاي صاحبتچ و خيتچ شبيچ وياها اليوم
حنين هاي مو ملاك ولله مو ملاك
حياة أني ممجبورة يومية أكول لواحد أني ملاك اليريد يصدگ أهلا وسهلا والي ميريد يرگع راسه بالحايط
حنين تريد تهجم على حياة
حياة تنهزم لغرفتها
مهند يلزم حنين ويگللها
مو گلت كافي راح ازعلچ
حنين هاي عيشتك وياها حرام هاي مو مرتك
مهند هاي مرتي وغصبا عليكم كلكم والي يتقربلها منكم اندمه
مهند يدخل للغرفة ورى حياة
ويريد يحضنها
حياة تبتعد وتگله
أني اسفة مچان قصدي احضنك برى بس أختك خوفتني
مهند تتأسفين من زوجچ لأن حضنتي
حياة إي لأن أني إنطيت وعد إلك و لنفسي ما أتقربلك ولا أخليك تتقربلي أني هنا لأجل تظهر برائتي غير هذا الشي ما عندي
مهند وأني وحبنا
حياة أترجاك مهند لتحاول حبنا مات من يوم إلي عبالكم أني متت وشمرتوني مثل الحيوانة
مهند گلبچ اسود
حياة كلش وبسببكم صار اسود
مهند يطلع من الغرفة مقهور
حياة مهند لحظة
مهند يبتسم
ها حنيتي
حياة أني ما اريد أخرب حياتك إذا تعرف وحدة عليه أني راضية و اذا تريد أخطبها إلك أخطبها
مهند يهجم عليها ويبوسها من شفتها
هي تحاول تخلص منه متگدر
إدفعه حيل وتضربه راشدي و دموعها على طول خدودها تنزل وتگله
گتلك أني مو إلك لتجبرني أطلع من البيت إذا متريدني بيتك گلي طلعي بس لتسوي هاي الحركات ويايه
مهند هاي ثاني مرة تمدين إيدچ عليه
حياة و ميت مره هم أمدها إذا متحترم وجودي يمك ولا تحترم إتفاقنا لو أگلك أني أخلصك من عندي
تروح و طلع ملابسها من الكنتور وتحطها بالجنطة
مهند لا ملاك لتطلعين أني أطلع
حياة إنت متطلع أني طالعة
مهند هيجي تكرهيني
حياة وهي شبعانة بچي تگله
الجرح إلي بگلبي مو شوية ومن تتقربلي تجيني حالة هستيريا أني عاجزة أني ما أصلح زوجة إتحملني لفترة بين ما أثبت برائتي وبعدين ....
مهند بعدين شنو ليش سكتي
حياة بعدين الله يسهلها
رهف الووو هلو ست
نور هلو رهف شلونچ
رهف الحمدلله
نور حياة ليش حاضرتني
رهف مو غيرت الخطة وعاشت بنصهم حضرت كل التعرفهم حتى أخاف يفتشون بتلفونها ميحصلون شي
نور بس هذا مو إتفاقنا ليش تغير الخطة إلي متفقين عليها
رهف الأمور مصارت مثل ما يريدون هي و لؤي
نور حبيبتي من تخابريها گليلها خل تستعجل صار فوگ الشهرين و إحنا كلشي ممقدمين ولا حلقة مشت بالبرنامج حتى القضية راح تموت والعالم هواي يراسلوني واكو بيهم ملو من الإنتظار
رهف صار أني أخابرها
نور مو تخابريها تروحيلها
رهف بس أني ما اروحلها
نور الخطة وتغيرت بعد ما حاجة تضمين روحچ وخابريني من يمها
رهف تمام ست
ليان تصيح
هاي منو دخلت غرفتي
يلتمون كلهم خير شبيچ تصيحين
ليان غراضي مطشرة
ساره وين مطشرة الغراض هاي مابيها شي
حجي أحمد إنتي منو وشسوين هنا
ليان حبيبي حمودي شلونك
حجي أحمد هاي منو وليش تعيط
ليان أني مرتك حبيبي اني مرتك وحبيبتك
حجي أحمد أني متزوجچ إلچ
ليان شبيك ممصدگ مو أگلك اي
ساره متجاوبيني غراضچ وين مطشرة
ليان داخل الجنطة چنت مصفطتها وأكو شي نقص عندي
ساره مدورين زين أخاف واگعة منا منا
ليان لااااء ما واگعة واحد إيده جسره واليوم أكسرها إله
ساره استغفرالله من ذنبها ولچ أني هم شفت هاي ملاك بغرفتي و إنوب تريد تبوگ الطفل ما أدري تريد تكتله
يجوز هي لعبت بغراضچ
حياة متحچين عدل ولچ إبنچ چان يبچي وسكته وين لعبت بغراضچ وشبوگ منچ خل الحگ البس ملابسي كلها يله أشوف غراضچ ماشاءالله كنتوري متروس ترس
ساره هو الطمع منين بس من العنده لأن ايام الفكر يذكرها
حياة لتجاوزين لا أطيح حظچ ماكو غيرچ بت فكر
ساره بدال هاي التهم نروح ونفتش غراضچ
حياة ممنوع تتقربون لغرفتي
ساره ليش خايفة نشوف غرفتچ وبعدين نشوف غرفتي و ندورها
حنين ليش خايفة خل ندور غرفتكم إثنينكم
مهند لتخافين حبيبتي خل يشوفون غرفتچ كسري عينهم
حياة يله تعالو بس تشوفون غرفة ساره هم
وهمه يدورون بغراض حياة ساره تلگى المدالية مال كلادتها
ساره هاي شسوي يمچ
حياة هاي لگيتها بغرفتي وگتلكم بيها
ساره تكوم تصيح و تشهر بيها شوفو شلگيت هاي مو مال الگلادة مالتي مو گتلكم هاي حرامية
حياة هاي لگيتها بغرفتي من جنتي إدورين بغرفتي و بگتي مذكراتي المفروض اني أحاسبچ مذكراتي وين وديتيها
ساره ولچ تكذبين إنوب
مهند بعصبية
ملاك متكذب صدگ گالت لگيت حاجة ثمينة إلچ إنتي من خوفچ عايفتها
ساره طبعا لان مرتك إدافع عليها بس ولله اليوم أهجم البيت فوگ راسها
مهند يمد إيده على ساره ويريد يضربها ويگللها
اذا تتقربين من ملاك أكسر راسچ
بالصدفة يجي فراس ويسمع صوت صياحهم
ويشوف مهند يريد يضرب ساره
يجي ويلزم إيد مهند ويگله
إيدك متنمد على ساره لا أني أكسرها إلك
مهند گول لمرتك خل تلزم لسانها
فراس فهموني شصار
ساره ست ملاك بايگه المدالية مال كلادتي وضامتها يمها
فراس فوگ ما مرتك بايگه إنوب تريد تضرب ساره
مهند مرتك ضيعت الگلادة بغرفتي من أخذت مذكرات ملاك
فراس ومنو يگول مرتك الچذابة الخاينه أم الولد
مهند إحترم نفسك و لتجاوز لا أكسر راسك
فراس روح كسر راس مرتك إلي متعرف منين حبلت وهسه جايه تصير شريفة براسنا
حياة أني شريفة و غصبا على راسك
فراس لتجاوزين لچ لا أربيچ من جديد
مهند يلزم فراس من ياخته سويتها بدون ملح تسكت لا أجرم بيك
فراس وخر إيدك و روح إگدر على مرتك إلي يومية جاية بسالفة جديدة يوم حامل ما أدري منين ويوم تبوگ ولك روح وكفها عد حدها
مهند يصير عصبي نار ويضرب فراس
فراس و مهند يتعاركون
النسوان يصبحن
حياة تلزم مهند
عوفه أبوس إيدك عوفه مهند تعال للغرفة جوة
حنين ولكم كافي ولكم عيب الله لا ينطي هاي الغريبة ما ادري منين جتي وراح تهجم بيتنا
ساره تلزم فراس وتحاول تجره و تگله
عفيه إسمعني عوف مهند لتتكاتلون فرااااس
ليان تباوع عليهم ومتشمتة وتضحك
حجي أحمد يباوع عليهم من على محجر الدرج ويگللهم
شجاي يصير هنا
مهند وفراس واحد يعوف الثاني
ليان تصعد لحجي أحمد و تگله
هاي مرت إبنك بايگه البيت كله وسوت مشكلة
حجي أحمد منيه هاي
ليان ملاك
حجي أحمد تاخذون غراضكم وبره
مهند وين نروح حجي بهاليل
حجي أحمد مشكلتك طلعوو بره
حنين إطلع بره مصدگنا ابونا صار زين منريده ينتكس
فراس إطلع بره إنت وهاي گح...تك لا أسوي جريمة هنا
مهند يريد يضرب فراس
حياة تلزمه وتگله
لا مهند عوفه أني راح اطلع
فراس إي گوا....دچ هواي روحي باتي يم واحد منهم
مهند ولك تسكت لا ولله اليوم أسوي جريمة
يهجم على فراس ويخنگه ويريد يموته
حياة تجر مهند وتگله
عوفه أبوس إيدك عوفه
مهند و قابلة هيچي يتجاوز عليج
حياة راضية أني ساقطة أني بت شارع أني زانية هم راضية بس لتضيع نفسك
مهند ولچ أحرگ الكون علمودچ
حياة أبوس إيدك كافي أني طالعة اذا تحبني كافي
مهند يباوع على فراس ويگله بختك بملاك
ويوخر عن فراس
فراس يگح بسبب الخنگه ويتنقس بصعوبة ضعيت ض
سامر يفتح الصمونة ويطلع داخلها موس
ويذكر ليان ويگول
ما عندي غير حل لازم أتحمل و أصير قوي أني هيچي هيچي ميت
يطلع سامر من الحمامات وكلهم و يوگع بالگاع
المساجين يلتمون عليه ويصيحون على الشرطة
ياخذو ويروحون للمستشفى بسيارة الإسعاف
يتبع بارت ٢٤