سَلام شبابنا الدايخة
شلونكم
راح أدخل بالموضوع مباشرةً ؛
بالبداية كنت شاكة انكم تتعاطون شي
بس هسه تأكدت وثبتَت شكوكي <:
الأحداث مترابطة بأخر ٣بارتات ادري
يحتاج منكم تركزون وانتم تقرون، اعرف
نصكم تاهت عليه وبالبداية عبالي
الخطأ ممكن يكون مني او انُ السرد مو
واضح
بس بعدين لاحظت اكو هواي
فاهمين الفكرة وحتى تحليلهم وربط الأحداث!! حسسوني قاعدين بعقلي على الربط الحلو والتركيز
زين هسه نجي لأول شي والأهم السنة!!
اخوان اني ذاكرة السنة بأول أفصل بالرواية
الأحداث ٢٠١٧!! كانت ذروة تحرير الموصل وتقريبا واصلين لمرحلة التحرير، ليش الكل يحسب الاحداث ٢٠١٤!!
بعدين اني ممخليتها ٢٠١٤ لان المحور كلهة والأساسي مو عن الحرب،
كانت الفكرة هيه اختطاف إيفان بس تفاصيل الحرب
اخذت حيز كبير من الأفصل الأولى حتى امشي الأحداث.
صارت واضحة؟؟ تگدرون تعيدون البارتات
الأولى اذا ناسيين
زين نجي النقطة الثانية وين اكو انتخابات هاي السنة؟؟ 🤡
الي يگول الاحداث بـ٢٠٢٤ ومو بـ٢٠٢٥!؟
are u ok baby??
هوَ وين اكو انتخابات بشهر العاشر!! والله
ضحكتوني بهاي النقطة،
الأحداث مستقبلية بـ٢٠٢٥
إيفان بفترة الحرب كان عمره ٢٤ ومرحلة رابعة
او ثالثة ما اتذكر شنو كتبت فـ يطلع عمره ٣٣
ليش خليت الفترة طويلة هيج؟!
اولأ: حتى أخونا الفاضل يتخطى الصار و يخلص دراسته
ثانياً: حتى يقدر يدخل بالسياسة، لان ماكو سياسي
عمره عشرين سنة، ادري هيه رواية بس لازم
نكون واقعيين شوية، لهسبب صارت طفرة زمنية
طويلة
فترة التسع سنوات هل راح تتوضح!؟؟
-اي راح يصير فلاش باك، عدتهة للمرة المليون
وراح اعيد هسه لان مو الكل يقرأ المكتوب بالمنصة،
-اكو فلاش باك واحد لسفاح
وثلاثة لإيفان،
_هل إيفان يريد ينتقم من سفاح؟!
وضحتها بالمنصة هم وراح اوضحها هنا
إيفان مـَ مهتم لِـ سفاح ولا راجع علموده
حاله حال اي ضابط أستغله بالماضي يعني هوَ ما
جاي كل هالمسافة وكل هالتخطيط علمود ضابط يگدر يوصله بيوم
هوَ رجع علمود الي خطفه وبدأ هذي السالفة كلهة
مو علمود اخونا سفاح، حتى تكون هذي النقطة واضحة للكل،
نجي لـ سالفة لُـخ هَم ضحكتني حيل وهيَ "أمير"
اخوان ادري بيكم دايخين وية الشخصيات الجديدة بس سالفة أمير اخو سفاح ما تدرون بيهة؟؟
ولكم شتقرون أنتم!؟ يمعودين صدگ لو تشاقون!؟ 😂
على العموم اني اكثر شي اكرهَة التوضيح،
اريدكم انتم تربطون الاحداث بعقلكم
وتوصلون لأستنتاج مُعين لحد ما ترتبط
احداث الرواية والباراتات وتكون
الصورة واضحة وكاملة للكل
-اخر شي يمتى لقاء سفاح و إيفان؟؟
ما راح يلتقون ابد
-لا امزح، لقائهم قريب.
