و لو بيدِي أسافِر للغرب ديرة هلي يغثون
_________________________________________
افكار و تخبطات داخليه عصفت في
طَيّ روحه وبدأت تنهش بها; غير قادر على أن
يهجس بما يدور في داخله، سَاهِي في عالم اخر بعيد
كل البعد عن المتواجدين قُبَالَته يتناقشون بأمور مهمة ما كان يستطيع فهمها بسبب غياب عقله عن الواقع وانشغاله بأمر اخر كان بالنسبة له اهم بكثير، جالس هو على كرسي مترأس طاولة الأجتماع متصلبً مثل اللوح مع هالة من البرود و الهدوء الغريب،صمت رهيب محيط به ما اضاف اي تعليق للأفكار الي بدأ يطرحها المتواجدين معه في القاعة هدوئه كان ينبأ بقدوم عاصفة، استطاع الجميع لمح تلك الهالة ولكنهم التزمو السكوت لأسباب أجبرتهم على اكمال هذا الأجتماع
________________________
"دازين نموذج واحد من القيادة
اول مرة تصير دائما يرسلون اكثر من اربعة..!! "
تحدث أمير بينما يقلب بيده اوراق الملف موضوع
فيه جميع الاحداثيات والمعلومات الخاصه بالمنطقة
"يعرفون ما راح نعتمد على خطة جاهزة واحنا هنا جاي ندقق بالوضع و نعرف كلش زين النواجهة فيعني اذا انطونة نموذج واحد او اكثر احنة ما راح يفرق ويانة هذا الشي بالنهاية الخطة النمشي بيهة هي خطة تابعة بنائا على بحث واستقصاء من المقر "
"لواء 24 الفوج الثاني فرقة القناص الثانية متواجدين ويانة بعملية مشتركة داخل المدينة يعني من هاي الناحية همة راح ياخذون خطوط الصد الأولى، سفاح و الحسن انتم راح تكونون وياهم
ضمن الدعم.. "
تحدث رائد بعد ما التف ناحية الجالسين امامه على بعد امتار قليلة يستمعون لكلامه بشأن تنظيم صفوفهم خلال الفترة القادمة و دخولهم بتنسيق مشترك مع فرقة اخرى
"يجون للمقر لو شنو ؟؟"
استفسر الحسن يوجه نظرات تساؤل ناحية رائد
كون هذه النقطة كانت مهمة جدا بالنسبة للأثنين، في النهاية لابد من وضع خطة متكافئة بين الفريقين قبل بداية العملية حتى لا تحصل اي عرقلة بهذا الشأن
"لا ميجون انتم يومين وتنطلقون
لجهتهم هناك ترتبون خطة انتشار
القناص على طول شوارع المدينة،
اقل شي لازم تغطون البداية لحد ما ندخل "
وضح رائد هذه النقطة والي كانت مهمة جدا
حتى يتم التجهيز للتوجه ناحية تلك المدينة
قبل الكل، تقع على عاتقهم استكشاف و مسح
المنطقة قبل دخول المعني وفرقته على الخطوط
"زين هسه احنة عرفنة كلشي تقريبا المنطقة والفرق المتواجدة ويانة على الخطوط الشي الوحيد الي ما فهمنا لحد هسه شنو التكتيكات اللازم نتبعهة داخل هاي المنطقة..؟؟ بالنهاية احنة حتى عجلات مراح نگدر ندخله للداخل..؟؟! "
طرح أسعد سؤال كان في باله منذ بداية الأجتماع وهو دخولهم للمنطقة، كيف وبأي طريقة ستتم ؟؟
