أَلسِچچ بِالليَل تهوِي عِيون إِلىِسَافر
_________________________________________
يسقطُ الإنسانُ حينَ يواجه حججَ الآخرينَ بالعنف، ويُذلُ عندما يُسكت الأفواه ويحرمها من حقِ الكلام بما تهيج به الأنفس، ويداسُ عندما يلجأ لطرقٍ مغوليةٍ همجية لمواجهة الآخرين وهل هناك أسوأ من أن يقتلَ شعبٌ بلقمةِ عيشه… ؟؟
"تدري يشتغلوهة الك ويفتحولك حساب وبأسمي واوراقي حتى يوافقون عليهن، شتتوقع كم الخطورة الي عليهة…!! يعني مستحيل اي شخص يشتغلك هاي الشغلة بس ب100 مليون دولار…!!
بس انت لان زميل واريد افيدك "
تحدث يفسر الموقف للرجل الجالس قبالته والي كان واضح عليه الحنقه و الأمتعاظ من كلمات قاسم و
الي كان جالس أمامه مباشرة واضح على ملامحه ثقه عارمة يتحدث بكل اريحية وكأنه سيد المكان، سكت لعدة ثواني بعد ما امسك كأس المياه يرتشف منه القليل ليعاود بعدها انهاء كلامه على ذات الوتيرة من الحزم
" 5دقايق و تردلي جوابك لان ما عندي وقت، وخلي ببالك اليوم او باچر ممكن يصدرون بيك مذكرة القاء قبض…فشتگول تطلع منهة ورصيدك صفر لو تطلع وبجيبك 20 مليون تعيش بيهة اولادك واحفاد احفادك "
ارتسم على وجه قاسم خيط ابتسامة بعد ما انهى كلامه يعرف تماما ان الاخر لا يمتلك اي خيار غير القبول فبعد كلماته الأخيرة والتي اثارت الرعب في نفس الجالس امامه يغدو الوضع اصعب عليه، لا يمتلك اي وقت للتفكير او الأختيار،في اي لحظة يتم سجنه ليخسر بذالك كل املاكه، في النهاية حس ان كلام الأخر كان واقعي جدا خصوصا بعد ما انقلبت عليه جميع الأحزاب الي كانت مسانده له سابقا، ليتركوه وحده امام القضاء،الأعلام، والشعب…
بعد ما خرجو هم مثل الشعرة من العجين تاركين المعني كالخروف الوديع الي يذبح في الأضاحي
"زين سيد قاسم ما تشوفهة صعبة
100 مليون؟! لعد اني شيصفالي منهن..!!
بعدين اني وحمزة متفقين يكون المبلغ 12 مليون..! "
طرَح شاهين فكرته السابقه والي اخبر بها حمزة كونه يدفع فقط جزء من المبلغ يحاول بذالك توضيح وجهة نظره امام الأكبر عسى ولعل يغير رأيه أو يغير المبلغ ليصفو على شئ يخرج منه بمنفعة متبادلة للطرفين
"استاذ شاهين عيب عليك هذا الحجي…!!
ابني استحي اسلمه 12 مليون وانت تحجيهة گبالي هيج…؟؟ دااحسك تضحك على عقلي، على العموم راح امشيهة الك هاي المرة بمزاجي واتغاضى وكأن
ما سمعت شي "
