ដាំងភ្ញាក់ពីដំណេកដោយអារម្មណ៍ស្រស់ស្រាយ នាយស្វាគមន៍ខ្សែភ្នែករបស់ជុងដែលទើបតែងូតទឹករួចរាល់និងស្លៀកពាក់ខោអាវឈុតថ្មី ដែលវីននីយកមកទុកឲ្យ ដាំងមិនបានសង្ស័យនោះទេ ក្នុងពេលដែលនាយក៏រើសរបស់បានញឹកញាប់ជុងក៏អាចនឹងរើសបានដូចនាយដែរ រាងស្ដើងចូលចិត្តគិតអឺអើដោយខ្លួនឯងរួចរាល់ក៏ដើរទៅរកអ្នកកំលោះដើម្បីរាក់ទាក់អ្នកម្ខាងទៀត។
" អរុណសួស្តីភីជុង "
" បាទ "
អ្នកកំលោះតបខ្លីៗ ដោយដាំងនៅតែញញឹមស្រស់ដដែល នាយងូតទឹកក៏មិនបាន ព្រោះរាងក្រាស់អង្គុយនៅត្រង់នេះ មិនបានចេញទៅក្រៅដើម្បី ឲ្យនាយមានពេលផ្ទាល់ខ្លួនដូចកាលពីយប់។
" អរុណសួស្តី "
អ្នកកំលោះរាក់ទាក់វិញពេលដែលឃើញនាយនៅតែអង្គុយកន្លែងដើម ដាំងឱនក្បាលទទួលយកការរាក់ទាក់របស់គេ មុននឹងងើយមកញញឹមស្រស់ស្រាយដាក់រាងក្រាស់។
" អរុណសួស្តីម្តងទៀតភីជុង " ដាំងបបួលជុងនិយាយអរុណសួស្តីដដែល ជុងវិញគឺនឿយណាយនឹងក្មេងនៅចំពោះមុខខ្លាំងណាស់។
" បាទ អរុណសួស្តី "
" អរុណសួស្ដីម្តងទៀតភីជុង "
" ណាត់តាឆៃ " ជុងហៅឈ្មោះរបស់រាងស្ដើងពេញដោយសំឡេងរឹង។
គេយល់មករហូតថាខ្លួនឯងអាចទប់អារម្មណ៍បាននៅក្នុងកម្រិតល្អ ថែមទាំងជាមនុស្សចិត្តត្រជាក់ សោះអង្គើយចំពោះគ្រប់យ៉ាង ប៉ុន្តែដាំង ណាត់តាឆៃកំពុងតែពិសោធឲ្យគេដឹងពីធាតុពិតមួយទៀតរបស់ខ្លួនឯងហើយ។ ជុង អាឆេនមិនបានសោះកក្រោះនោះទេ ពេលបានជួបរាងស្ដើងគេក្លាយទៅជាមនុស្សដែលចាំបាច់ត្រូវតែនិយាយឲ្យច្រើនជាងមុន មានកំហឹងញឹកញាប់និងត្រូវបង្វិលខួរដោយស្នាមញញឹមស្រស់របស់ដាំងដល់ថ្នាក់នាយសឹងតែទៅជាឆ្កួត។
" ភីជុងហៅដាំងធ្វើអី ហៅឈ្មោះលេងរបស់ដាំងក៏បានដាំងមិនប្រកាន់នោះទេ "
បើសិនជុងសង្កេតដាំងឲ្យច្រើនជាងនេះអាចនឹងសរសៃប្រសាទតាមដាំង អ្នកកំលោះចាត់ទុករាងស្ដើងចូលទៅក្នុងក្រុមដែលនិយាយមិនយល់សេចក្តី ហើយគេនឹងលាដាំងនៅថ្ងៃនេះបន្ទាប់ពីទទួលញាំអាហារពេលព្រឹករួចរាល់។
YOU ARE READING
Beauty And The Beast ( ចប់ )
Romanceជុង អាឆេន អាយដេន មហាសេដ្ធីទីងងឹតដែលមានប្រវត្តជានាយធំរបស់អង្គភាពសម្ងាត់ដែលរដ្ឌាភិបាលកំពុងតាមចាប់ខ្លួន និងមានរបួសដោយសារត្រូវតាមប្រមាញ់។ គេមិនធ្លាប់គិតទេថាការដែលលោតទម្លាក់ខ្លួនពីជម្រាលថ្មពេលភ្ញាក់ឡើងក៏ជួបទេវបុត្រដ៏ស្រស់ស្អាតនៅកណ្ដាលព្រៃ។ ដាំង ណាត់តាឆៃ...