ជុងនិងដាំង អង្គុយក្នុងឧទ្ធម្ភាគចក្រជាមួយ ប៉ន និង ជេមមីណាយ ដើម្បីធ្វើដំណើរទៅភូមិគ្រឹះប៊ុនប្រាសិទ្ធ ពេលដែលជុងបដិសេធក្នុងការធ្វើដំណើរជាមួយក្រុមអង្គភាពប្រតិបត្តិការពិសេស ដោយកំលោះប៊ុនប្រាសិទ្ធទាំងបីក៏មិនអាចបង្គាប់បញ្ជារាងក្រាស់បានដូចគ្នា ក្នុងពេលដែលជុងមិនមែនជាជនជាប់ចោទ ដូច្នេះហើយគេនៅតែប្រជាជនបរិសុទ្ធធម្មតាម្នាក់។
" ដំបូងដាំងខ្លាចណាស់ "
ដាំងអង្គុយបៀតនឹងជុង ដែលនាយធំរបស់អង្គភាពសម្ងាត់ក៏លើកដៃឱបស្មារាងស្ដើងអោយរាងស្ដើងនៅក្នុងរង្វង់ដៃរបស់គេ មិនចាប់អារម្មណ៍ខ្សែភ្នែកត្រជាក់ស្រេងរបស់ប៉ន និង ជេមមីណាយ ដែលតែងតែងាកមកមើលមកនាយនោះទេ។
" ដាំងបារម្ភពីភីជុងខ្លាំងណាស់ ខ្លាចថាភីជុងនឹងស្លាប់ចោលដាំង ដាំងមានស្វាមីតែម្នាក់ផង "
" ថាម៉េច! "
កំលោះប៊ុនប្រាសិទ្ធទាំងពីរស្រែកសួរដំណាលគ្នា សូម្បីសាតាំងដែល នៅឧទ្ធម្ភាគចក្រមួយគ្រឿងទៀតក៏បានឮការសន្ទនាទាំងអស់ ព្រោះពួកគេបើកប្រព័ន្ធទាក់ទងចោលរាងក្រាស់ក៏ទៅជាអង្គុយភាំងមួយសន្ទុះ។
" ភីជុងជាស្វាមីរបស់ដាំង ចំណែកដាំងក៏ជាភរិយាភីជុង មែនទេភិជុង "
រាងស្ដើងងាកទៅសួរបុរសក្បែរខ្លួន ដែលកែវភ្នែករបស់ជុងសោះអង្គើយពេលប្រសព្វភ្នែកជាមួយអ្នកដទៃ តែបែរជាស្រទន់ពេលប្រសព្វភ្នែកជាមួយនឹងដាំង។
" បងប្រុសធំ បងប្រុសកណ្តាលអនុញ្ញាតឬអត់? "
ដាំងសួរបងប្រុសដោយនាយទើបតែនឹកឃើញថាមិនទាន់បានសុំការអនុញ្ញាតពីក្រុមគ្រួសារ សូម្បីតែឌេតឌី និងប៉ាប៉ាក៏មិនទាន់ដឹងរឿងនេះ ហើយនៅមានបងប្រុសតូចរបស់នាយទៀត។
" ណងដាំង យើងត្រូវនិយាយគ្នាម្តងទៀតរឿននេះ "
" បងប្រុសធំខឹងនឹងដាំងឬ? "
សំឡេងរបស់ដាំងសោកសៅភ្លាមៗ ប៉នក៏ងាកមុខចេញ ខណៈដែលជុងឃើញអ្នកម្ខាងទៀតព្យាយាមរម្ងាប់អារម្មណ៍ ហើយពេលងាកមុខមកវិញ ប៉នក៏ញញឹមដាក់អ្នកជាប្ងូន។
YOU ARE READING
Beauty And The Beast ( ចប់ )
Romanceជុង អាឆេន អាយដេន មហាសេដ្ធីទីងងឹតដែលមានប្រវត្តជានាយធំរបស់អង្គភាពសម្ងាត់ដែលរដ្ឌាភិបាលកំពុងតាមចាប់ខ្លួន និងមានរបួសដោយសារត្រូវតាមប្រមាញ់។ គេមិនធ្លាប់គិតទេថាការដែលលោតទម្លាក់ខ្លួនពីជម្រាលថ្មពេលភ្ញាក់ឡើងក៏ជួបទេវបុត្រដ៏ស្រស់ស្អាតនៅកណ្ដាលព្រៃ។ ដាំង ណាត់តាឆៃ...