The Enigma of 11STEM-2

Chapter 23

Isang sigaw lang nang malakas ni Aason ay agad itong narinig ng kaniyang mga kaklase na naghihintay sa kaniyang makabalik doon pool area.

Hindi nag-atubili at tumakbo na agad ang lahat sa kinaroroonan ni Aason upang tingnan kung ano ang dahilan kung bakit ito sumisigaw.

"Aason!" tawag ni Kendrick pagkarating na pagkarating niya.

Sumunod na dumating ang iba.

"Anong meron?" hinihingal naman na tanong ni Eiram.

"Kinabahan ako sa sigaw ni Aason!" Naghahabol din ng hininga si Anne.

Itinuro ni Darren ang kaklase. "Si Aason 'yon oh! Let's go there!"

Pumasok sila sa loob at pinuntahan ang kanilang kaklase na nakaupo sa sahig at nanginginig ang mga kamay.

"May Olympic swimming pool pala rito? Why I didn't realize?" bulalas ni Precious habang naglalakad.

Halos lahat sila ay napapaisip din na may ganito pa lang silid at hindi man lang nila iyon nakita kanina.

"Aason, bakit ganiyan itsura mo?" Hindi maipinta sa mukha ni Sienna kung gaano siya nagtataka.

"Is there a problem?" tanong nama ni Precious at nilapitan ito.

Umiling-iling si Aason. "S-si Yvonne... a'yun!" Nanginginig niyang itinuro ang lumilitaw na katawan sa pool.

Ibinaling ng lahat ang tingin sa tubig.

"Ano 'yan?" ani Kendrick.

"Is that Yvonne?" Napatakip ng bibig si Precious, bumuo na agad ng hinuha.

"Mukhang siya nga..." sagot naman ni Sienna na nakayakap sa sarili.

"But how?"

"Hindi mo naalala suot niya kanina?"

"What is it?"

"'Yung vintage swimwear? Parehas sa suot ng lumulutang na kataw—"

Natigil si Sienna sa pagsasalita nang biglang nagtampisaw si Miguel sa pool. Ang mga mata ng kaniyang kaklase ay agarang tumilapon sa kaniya.

"Miguel!"

"Why did you jump?"

"Hoy!"

"Tol, baka malunod ka!"

"Huy Miguel!"

Kani-kaniyang sigaw ang lahat dahil sa hindi inaasahang pagtalon ni Miguel.

"Kalma kayo. Marunong naman lumangoy si Miguel," anang Anne, pero kahit siya ay nagulat kanina.

"Pero mukhang malalim ang pool!"

"Oo nga."

"Si Miguel, tingnan niyo!"

Pinatigil na nga ni Kendrick ang lahat sa pamamagitan ng pagsigaw.

"Ano ba?! Sabing marunong 'yan lumangoy, eh. Puro kasi kayo dada! Kung si Yvonne talaga 'yon, bakit walang tumutulong? Inuna niyo pa ang chismis kaysa sagipin," anang Kendrick, tinitignan ng masama ang bawat isa dahil walang nagkukusa.

"Ohh..." Natikom ang bibig ni Eiram.

Imbis na magbangayan, itinuon na lang muli ng lahat ang kanilang pansin sa kaklaseng si Miguel na ngayon ay lumalangoy sa tubig upang sagipin si Yvonne.