🎐 <UNI>
ကျော်ကြားတဲ့ အကဲဖြတ်ပုဂ္ဂိုလ်တစ်ဦးက ထိုင်ခုံပေါ်ကနေဆင်းကာလျှောက်လာပြီး ချန်ချီရဲ့ ပုခုံးကို ပုတ်ကာသူ့ကို နှစ်သိမ့်ပေးလာခဲ့တယ်။ "ဆယ့်တစ်နှစ်သားကလေးက ဒီလိုမျိုး စာပေကောင်းတွေ ဘယ်ရေးနိုင်ပါ့မလဲ
မင်းရဲ့ စာပေလက်ရာတွေက အရမ်းကောင်းနေပါပြီ"
အခြားသူများကလည်း ပါဝင်လာခဲ့ကြသည်။
" ဆရာကြီး ချန်း ပြောတာ မှန်တယ်
အကို ကျိချိုင်က ဘယ်လောက် အရည်အချင်းရှိလဲဆိုတာ ငါတို့အားလုံးသိတယ်။ အကို ကျိချိုင်ရဲ့ ဒီနေ့ ဆောင်းပါးက အဲ့ဒီ့မြောက်ပိုင်း ယန်ချီ ထက်မလျော့တဲ့ အထင်ကြီးစရာကောင်းမှုမျိုးရှိပြီးသားပါ!"
ယန်ချီသည် ကျန်းပေ့ ရှိ ဆွေ့ အင်ပါယာမှ ကျွမ်းကျင်သော စာရေးဆရာ တစ်ဦး ဖြစ်သည်။ သုံးနှစ်သားအရွယ်တွင် ကဗျာရေးနိုင်သည်ဟု ဆိုကြပြီး ခြောက်နှစ်သားအရွယ်တွင် စာပေအမျိုးအစားနှင့် စပ်လျဉ်း၍ကျွမ်းကျင်နေပြီဟု အပြောတွင်ကာ လှပတင့်တယ်သော ရုပ်ရည်ဖြင့် စာပေပါရမီရှင်တစ်ဦးဖြစ်သည်။ သူသည် မြောက်ပိုင်းဒေသတွင် ကျော်ကြားပြီး လှပသူဖြစ်ကာ ငယ်စဉ်ကပင် ဂန္တဝင် စာပေများစွာကိုလက်ဆင့်ကမ်းခဲ့သူဖြစ်သည်။
ထို့ကြောင့်တိုင်းပြည်များအကြားတွင် "တောင်ပိုင်းရှိ ချန်ချီ နှင့် မြောက်ပိုင်းရှိ ယန်ချီ " ၊ "တောင်ပိုင်း ချီနှင့် မြောက်ပိုင်း ချီ "ဟု၍ခေါ်ဆိုသမုတ်ခံရတော့သည်။
သူတို့အားလုံးမှာ ခေတ်ပြိုင်စာရေးဆရာများဖြစ်ကြ၍ ကျန်းတုဖူကဲ့သို့ ဆောင်းပါးတစ်ပုဒ်ကိုဖန်တီးရန် မည်မျှ စာပေကျွမ်းကျင်မှုနှင့် သွက်လက်ဖျတ်လတ်သော အရေးအသားလိုအပ်မှန်းကို သဘာဝကျကျ သိရှိနားလည်ထားကြလေသည်။
အကယ်၍ ကျန်း အိမ်ရှေ့မင်းသားက ထိုကဲ့သို့ စာပေ အရည်အချင်းများသာ အမှန်တကယ် ရှိခဲ့ပါက၊ ဆယ့်တစ်နှစ်သား အရွယ်တွင် ထုတ်ဝေခဲ့သည့် ဆောင်းပါးများ အဘယ်ကြောင့်မရှိတော့ဘဲ ၊ လျိုရှန်းပွဲ၌လဲစာပေပြိုင်ပွဲကဏ္ဍတွင် အဘယ်ကြောင့် တစ်ခါမျှ မပါဝင်ပဲနေရပါသနည်း?
