‼️ជម្នះស្នេហ៍ក្បែរកាយ‼️រដូវកាលទីពីរ

Ep21

ជម្នះស្នេហ៍ក្បែរកាយ//ភាគទី21
____________

ចំណាយពេលមិនយូរប៉ុន្មានជីមីនក៏បានបើកឡានមកដល់អាផាត់មេនរបស់ជុងហ្គុក គេចតទុកនៅចំណតស្រួលបួលហើយក៏បែរមកចាប់អារម្មណ៍ជាមួយមនុស្សមាឌធំដែលអង្គុយយ៉ាងស្ងៀមស្ងាត់សូម្បីតែចំណាយពេលជិះមកក៏មិននិយាយស្អីអ្វីដែរ ជីមីនប្លែកចិត្តតិចតួចប៉ុន្តែក៏គិតថាគេប្រហែលជាមិនស្រួលក្នុងខ្លួន សម្រាកយកកម្លាំង។

« ជុងហ្គុកលោកយ៉ាងម៉េចហើយ?ទៅមន្ទីរពេទ្យតែម្ដងល្អទេ? » ដោះខ្សែក្រវ៉ាត់សុវត្ថិភាពចេញហើយជីមីនក៏ចោទសួរជុងហ្គុកដោយការបារម្ភព្រោះថាកែមមាត់នាយបែកកកឈាមគួរសម

« ទេ! » ជុងហ្គុកបដិសេដហើយក៏បើកទ្វារឡានចុះចេញទៅ រាងតូចក៏រហ័សចុះទៅតាមយ៉ាងលឿន

« ជុងហ្គុកមួយៗ! » ជីមីនស្រែកប្រាប់គេដោយដើរមួយៗខ្លាចការដើរញាប់នេះធ្វើអោយនាយវិលមុខមុននឹងដើរទៅដល់គេហើយចាប់ក្រសោបដៃធំអោប ព្រមទាំងដើរដឹងនាំគេទៅកាន់អាផាត់មេន ។ ចំណែកអ្នកដែលត្រូវគេដឹកដៃក៏បានត្រឹមស្ងៀមមិននិយាយអ្វីព្រមដើរតាមរាងកាយតូចតាមសម្រួលមិនប្រកែក ទោះបីជាចម្ងល់ជាច្រើនលោតឡើងពេញខួរចង់ស្រែកសួរជីមីនភ្លាមៗក៏មិនកើត

មកដល់មុខបន្ទប់អាផាត់មេនហើយជីមីនក៏ទាញសោរពីក្នុងថូរផ្កាដែលខ្លួនបានដាក់ទុកងាយស្រួលសម្រាប់ពេលមកបោសសម្អាតរាល់ដង មកចាក់ហើយក៏ដឹកដៃមនុស្សមាឌធំចូលទៅខាងក្នុង

« អង្គុយទីនេះហើយខ្ញុំទៅយកថ្នាំមកលាបអោយ! » ជីមីនបង្គាប់អោយជុងហ្គុកអង្គុយលើសាឡុងហើយខ្លួនក៏សម្ដៅទៅរកផ្ទះបាយរកប្រអប់ថ្នាំក្រោមក្រសែភ្នែកជុងហ្គុកតាមមើលមិនដាក់ស្នាមញញឹមចុងមាត់ក៏លេចឡើងខណៈដឹងច្បាស់ថាល្បែងនេះនឹងលេងជាមួយ
ជីមីនបែបណា។ បន្ដិចក្រោយជីមីនក៏ត្រឡប់មកវិញជាមួយប្រអប់ថ្នាំតូចមួយ គេដាក់ខ្លួនអង្គុយក្បែរជុងហ្គុកហើយក៏ចាប់ផ្ដើមទាញទឹកលាងរបួសមកទាក់លើសំឡីដើម្បីជូតមុខរបស់អោយនាយ