قلبي رهيفٍ للأحباب

عنوان الجزء

لين جا اليوم اللي رهف طلعت فيه من غرفتها وكان بعد الساعه ١٢ والكل نايم وراحت المطبخ
وكان الليت خافت ماشغلته
ولا يجيها نايف ولد عمها سلطان من ورا ويمسك ظهرها ويخوفها وهي تفز من الخوف وصارت تضرب نايف لا ارادي ونايف كان يحسبها ديم اخته ماكان يدري انها رهف
لين مابان وجهها والتفتت عليه وصار يناظرها بتعجب: رهففف؟
رهف:خير! ووش ذا الحركات يابزر
نايف مبسووط لان صوتها طلع اخيرًا وصار يركض فالبيت ويقول:رهفف تكلمتت
ورهف تركض وراه تبي تسكته لين صدفت وطلع خالد من غرفته يبي يهاوش نايف على ازعاجه وماشاف رهف وراه
وصار يقول: ماتفهممم انت! الناس نااايم............ رهف؟
رهف تناظر عمها خالد وتنزل راسها وتقول : هلا عمي
وخالد مب مصدق مبسوط وعلى طول ضمها بكل حيله اخيرًا طلعت ذا البنت
وهي مبتسمة عالخفيف بالرغم من الحزن اللي تحس فيه
وطلعت جدتهم هيلة وهي تلف شيلتها وتبي تهاوش خالد ونايف على ازعاجهم وقبل لا تكمل كلامها اشرو على رهف اللي كانت بينهم وابتسمت الجدة وتقول:كان قلتو من اول ان رهوفتي هنا
ورهف صارت تعتذر عالازعاج وتقول لجدتها انها بس نزلت تبي تاكل شي وهم كذا انهبلو
قالت جدتها: يحياتي انتي تعالي اسويلك احلا اكل
رهف:ماتقصرين والله يجده ارتاحي انا اسوي
نايف: ماشاء الله بس رهف اجل وانا مسكين ترى ماينفع كذا حتى انا جوعان
ومسكت الجدة اذنه: ومن مخلص الثلاتجة ها
نايف: اح يجده عورتيني مب انا ترى ديم
ديم طلعت من غرفتها وقالت: كل شي ديم والله انه كذاب ......... اوه اهلًا رهف...يا جده لاتصدقينه ذا
خالد: اقول يمه ارجعي ونامي وارتاحي خليهم عندي انا اتفاهم معهم
الجدة: بس اهم شي خلي رهف تاكل
خالد: ماعليك يمة عندي بطعميها بيدي
نايف: حتى انا حتى انا طعميني بيدك
خالد ضرب نايف وقال: اقول انضبط تغار من رهف احترم شنبك عيب عليك
نايف: ابتسم وقال صدق عمي طلعلي شنب؟
خالد: لا
نايف: اففف الله يهديك يعمي طيب وشفيها لو كذبت وقلت ايه
خالد: اقول امشو المطبخ بس البيت كله قعد من ازعاجكم
راح خالد قدامهم المطبخ
ونايف ورهف وديم وراه وصار نايف يقول: رهف بالله طلعلي شنب صح؟
رهف: لا
ديم: ههههههه خلاص ماطلعلك وخر
نايف: ماراح اوديكم البقاله
ديم تلحق نايف وتقول : نايف شيخ الرجاجيل نايف ارجل واحد وعنده شنب
ورهف تناظرهم بابتسامه لين وصلو المطبخ لقو عمهم خالد يجهزلهم الاكل
وقال: يلا من يسويلنا شاهي
ديم:عمي خلي نايف يسوي
نايف: وليه مب انتي
ديم:صدق اني اكرهك بس شاهيك حلو
نايف بابتسامة ورفعة حاجب : اجل الله يعين بسوي انا الشاهي
رهف تبي تقوم تساعد عمها
ديم تسحبها : اقول اجلسي اليوم يوم البنات خلنا نتدلع هذي ماتصير كل يوم
خالد: صادقه ديوم ارتاحو اليوم بسويلكم احلا نواشف
وشوي وتجي العنود وتناظرهم من الباب وتقول: ماشاء الله وش ذا الغدرات...هلا رهوف وتروح تبوسها
نايف راح عند عمته العنود وقرب خده من فمها
العنود صارت تضحك وباسته وقالت لخالد: وش نسوي بذا الغيور والله ابلشنا
ديم : ياعمه اسحبي عليه ترى هو دايم كذا حتى بالبيت هذا لازم نتجاهله
وجت العنود وباست ديم بعد وقالت :هاك انتي بعد شكلك غرتي
وصارو يضحكون
وراحت عند خالد تبي تبوسه وهو يوخر منها ويقولها : تكفين لا اكره ذا الحركات
وصار يهرب منها وهي تلحقه
ولاول مره من اسابيع يطلع صوت البيت وتتعالى الضحكات فيه والكل كان مبسوط ان رهف بدت ترجعلهم مع ان مابينهم ذيك العلاقه القويه ولا كانو يشوفون بعض دايم الا ان تبقى بنت اخوهم وبنت عمهم وحفيدتهم اللي مزروع غلاها بقلوبهم مهما باعدتهم المسافه الدم موجود
واذن الفجر وراح خالد يصحّي سلطان والبنات صلو ونامو
والعنود قبل تنام مرت عند رهف تبي تشوفها
دقت الباب ودخلت
رهف كانت منسدحه والعنود ماانتبهت انها صاحيه وجت تبي تطلع
ورهف تنادي: هلا عمه
العنود ابتسمت ودخلت وقالت: هلا رهف ليه مانمتي
رهف: ماجاني النوم
العنود جلست جمبها بالسرير وطبطبت على ركبها ورهف حطت راسها وصارت العنود تمسح على شعرها وتقول كان يامكان في قديم الزمان ورهف غمضت عيونها وبدت تقولها قصة لين نامت رهف وغطتها وطلعت