قلبي رهيفٍ للأحباب

الخطف

نايف كان يتمنى انه سمع غلط وعلى طول مسك الجوال ويده ترجف وبدا يشيك على الرسايل القديمه والقروبات وفعلًا طلعت ملكة رهف الليله
صار يمسك راسه ويضحك وجن جنونه لين بدا يضرب الباب بكل حيله ويصرخ باعلى صوت
يصرخ بقهررر
وجلس عالارض منهار
لين بعد دقايق تدارك نفسه بسرعه......
نايف له سنييين ينتظر هاللحظة مايجي اي احد وياخذها منه بيوم وليلة!!
كان لازم يتدخل ويحاول
كان لازم يسوي شي!
مستحيل يقعد ويرضا بان رهف تكون لغيره
قام نايف وكان يمشي بالممم ورما عكازته واتصل على ديم وتركي وسوا مكالمة جماعيه......
ديم: وش السالفه؟
تركي: الو؟
نايف: ديم اطلعي الغرفه الحين
ديم: يلا
تركي: ديم؟...نايف؟
نايف: ديم طلعتي؟
ديم: ايه
نايف: اسمعوني انتم الاثنين انا بتكلم الحين ولحد يسأل اسألة بعلمكم بكلل شي بعدين لكن الحين ابيكم تساعدوني ... يعلم الله اني بضيييق وماني عارف اتصرف
تركي: نايف تكلم
ديم: خوفتنا شفيك؟
نايف: انا احب رهف...ومن سنيين بس انجبرت على عبير ومابي رهف تاخذ غيري
تركي: والله كنت داااااري...اخييرًا رجع نايف
نايف: تركي اسمعني بخلص ...... ابيكم تساعدوني
ديم: نساعدك اكيد بس كييف
نايف: كم باقي ويملكون؟
ديم: الحين يا نايف!
نايف: روحي واشغلي رهف سوي اي شي بالحياة وانت يا تركي رح طف الكهرب عالحارة كلها وحاول ان العطل ما يتصلح باقل من ساعتين
تركي: اعتبره تم الحين طالع
نايف: وانتي ياديم لما تركي يطفي الكهرب ابيك تجيبين رهف من الباب الخلفي بدون محد يشوف والباقي علي
ديم: تم
نايف: يلا بالتوفيق.........

وعلى طول قام نايف وغسل وجهه وغسل الدم اللي بيده بسبب ضربه عالباب وتلثّم وركب السيارة ومتجّه لبيت عمه خالد اما تركي اللي كان قريب منهم بدا يشتغل على قطع الاسلاك اما ديم اللي تحاول برهف وتستدرجها......
ديم راحت لرهف......
رهف جالسه تبتسم وتصفق
ديم: رهف رهف...تعالي عدلي ميكبك ساح
رهف: بالله؟
ديم: اييه...بسرعه قبل لا يدخل عبدالعزيز
رهف: طيب بعد كتب الكتاب بعدله
ديم: لا لا رهف الحين وبقولك سر مهممم
رهف: ديم وقت اسرار الحين؟...قلتلك بعدين
ديم: انا حامل
رهف: وشهوووو
ديم : تعالي الغرفه بسرعه ابيك بطني يوجعني
رهف: يلا امشي
غدير: رهف...وين رايحه؟
رهف: دقايق بس
ام عبدالعزيز: رهف بتملكون بعد شوي
رهف: معليش يا عمه بس بروح دورة المياه ضروري
غدير: يلا يلا لا تبطين بقول لخالد يتاخرون شوي
ومسكت رهف ديم وراحو الغرفه بسرعه......
رهف: حامل؟؟؟...تستهبلييين؟
ديم: اخخخ بطني
رهف: لا حول ولا قوة الا بالله طيب انسدحي بكشف عليك ...وين يوجعك
ديم: هنا هنا...اخ ...ايه هنا
رهف: ديم ذا مغص
ديم: اقولك حامل
رهف: انتي وتركي؟...متى؟ ...اخ ياديم ماقدرتي تصبرين للعرس
ديم حمّر وجهها واستحت وفجأة تطفي الكهرب.....................
رهف: هذا اللي ناااقص...والله هذا اللي ناقص
ديم : رهف...تكفين خلنا نطلع الحوش مكتوومه
رهف: ديم من راسلك علي انتي؟...... طيب تنفسي غرفتي فيها هوا
ديم: رهف مقدرررر اتنفس رهف بسرعه خلنا نطلع
رهف مسكتها بسرعه: طيب امشي امشي
ديم سحبت رهف للباب الخلفي نفس ما اتفقت مع نايف وأوّل ما طلعو......
احد يمسك فم رهف بقوّة ويشيلها
ديم: حي عينك ياخوي...لحد يشوفك بسرعه رح
نايف خطف رهف وركبّها السيارة وعلى طول مشا
رهف تصرخ باعلى صوت وتحاول تفك الباب وماتدري انّه نايف بس شايفه واحد متلثم ودااااعس فيها ولا تدري وش السالفه وتحاول تخنقه ونايف يبعدها
نايف: رهففف!!!!...انطقّي مكانك بتسوين فينا حادث
رهف جلست بصدمة : نايف!
نايف فك اللثمه: ايييه نااايف...انطقّي مكانك الحين نوصل
رهف انهبلت وصارت تصرخ زيادة وتحاول تطلع من السيارة......