قلبي رهيفٍ للأحباب

زواج غدير وخالد

واليوم اللي بعده اتجه نايف وابوه لبيت تركي وسلطان أكّد لتركي انّه بيسوي كل اللي يقدر عليه عشان يساعد ابوه
وام نايف والعنود كانو مع ام فايز اللي انهارت وكان ذا آخر شي تتمناه
لكن بشجاعة تركي حصل أخيرًا

وخلال هذي الفترة تركي نفسيته تعبت وانعزل فترة عن الناس حتى عن نايف
ونايف كذلك انعزل وكان يذاكر يوميًا باشراف رهف لاختباره القدرات اللي ما بقاله شي
لكن عقله كان مع تركي ويتطمن عليه كل فترة
ونورة وخلود اللي من سوق لسوق يجهزون لعرسها
وخالد والعنود اللي يجهزون للملكة ويشترون الشبكة وما إلى ذلك

في بيت سلطان الكل قاعد عالعشا ويتعشون بصمت
سلطان: ملكة خالد يوم الجمعة ان شاء الله
نايف: لاا يبه اختباري السبت
سلطان: وانت غبي تحجز بهالوقت... اجله
نايف: يبه انا حاجز من قبل يحددون الملكه بعد صرت غلطان؟
خلود: مب لازم تروح معنا
سلطان: الا لازم يحضر
نورة: يبه نروح بسيارتين ونايف يحضر الزواج ويرجع الرياض على طول
سلطان: ايه والله صح ... خلاص اجل بنحرّك بكرة سيارتين تجهزو ولا تكثرون شناط

في بيت ابو حمد
حمد يسولف مع ابوه بالمجلس
حمد: ها يبه وش قلت
ابو حمد: ماعندي مشكلة
حمد: طيب يبه يلا دق عليهم اخطبها تكفى
ابو حمد: مو هالحين بعد ما نزوج اختك نشوف
حمد: يبه اذا جت البنت هنا بيشوفونها حريم الديرة ويمكن يخطبونها قبلي... تكفى يابوي
ابو حمد: طيب طيب

في بيت ابو سلطان جالسين يشربون شاهي ونايف يلعب بالسوني اتصل ابو حمد
سلطان: يا هلا والله ويا مرحبا
وابو حمد فاتحه بالموضوع انهم يبون رهف لحمد وعلى طول طلع سلطان يكلم برا
سلطان: ونعم فيكم وابركها من ساعة بس البنت تدرس الحين
ابو حمد: عادي حتى هنا فيه مدارس
سلطان: وليه مستعجلين... خلها تخلص دراسه ويصير خير
ابو حمد: الكيف كيفي زوجت ولدي وبنتي مع بعض ههههه
سلطان تضايق شوي : ههههه الله يكتبلهم الخير
ابو حمد: ها وش قلت عشان نضبط الامور
سلطان: خلني اشوف راي البنت ويصير خير
ابو حمد: البنت مالها راي ... انت ولي امرها
سلطان تضايق اكثر واكثر لكن ماحب يتكلم ويخرب على زواج اخوه: صدقت يلا انا اكلمك بعدين واردلك خبر ان شاء الله اليا جيناكم بالعرس
ابو حمد: على خير... توصلون بالسلامة

وقفل الخط سلطان ويفكر ويفكر ... ووجا نايف من وراه
نايف: مين اتصل؟
سلطان: ابو حمد يبي...... وشدخلك يلا اندزلع
نايف: وش يبي
سلطان: هذا الناقص بعد تستجوب ابوك
ودخل سلطان المجلس ونايف قلبه كان ناغزه ومب مرتاح وبعد دقايق جت رهف وشافها نايف طالعه للمجلس
نايف لحقها ومسكها قبل تدخل: رهف اصبري وين رايحه
رهف: مدري عمي دق علي يبيني
نايف شك اكثر ووقف برا المجلس ينتظرها
ودخلت رهف وقالها عمها بالعلم كله واكيد رهف رفضت وحتى سلطان كان رافض ولا يبيها تروح بس كذلك مايصير يخبي عليها وطلعت رهف الغرفه ونايف لحقها
نايف: وش قال؟
رهف: ولا شي يسالني عن الدراسه
نايف: اي دراسه ... رهف صدق لا تكذبين
رهف: ماعلينا مني الحين... انت كيف بتروح وترجع على طول مو تعب عليك؟
نايف: الا تعب بس اذا وجعتي معي مانيب تعبان
رهف: مع نفسسك والله ما ارجع ... اختبر وجيب البشاير والله اني متحمسه لك مره
نايف: اخ يارهف اختبرت اربع مرات واول مره بحياتي اتوتر واشيل هم!
رهف: لانك مذاكر
نايف: الدفاره طلعت صعبه كيف متحمله
رهف ضحكت؛ زين حس فينا شوي... يلا يلا اطلع برتب شنطتي وانام
نايف: دقييقه وش قال ابوي
رهف دفت نايف وطلعته من الغرفه وسكرت الباب وكانت حريصه انه مايعرف سالفة الخطبة لانه بيتضايق... ما تدري ليه لكن تعرف ان نايف بينهبل فتكتمت عن الموضوع عشان خاطره وقررت تنسى