قلبي رهيفٍ للأحباب

قفطة نايف لديم

طلع نايف من البيت وكالعادة اتجه لتركي ولما وصل قهواه تركي لكن!
تركي مب تركي اللي يعرفه
نايف مسك راسه: ياالله يالله وشفيهم الناس علي اليوم
تركي حط الدله وجلس قدامه : والله تماديت هالمره
نايف ضحك وعصب: وش انا مسوي وشششش؟؟
تركي: متى اخر مره شفت جوالك؟
نايف: مدري يخوي العصر وصاير ما افتحه كثير ...ليه؟
تركي تنهد وعرف انه ما يدري: ادخل وشف سواد وجهك ياخوي
وفتح نايف الجوال بسرعه!
ولا صوره بكلل مكاان وتسعين الف مكالمة من ابوه ونوره ووقف من الصدمه وماسك راسه : لا لا مستحيييل... والله مب نفس الصور ... تركي... تركي اسمعني... ابووي... اخ ابوي... رهـ...
وهنا فهم نايف وادرك انها خطة: الله يلعنك يابنت الكلب ياعبير الله لا يوفقك
تركي: وشدخلها مسكينه انت ساس البلا
نايف مسك تركي وضربه: اجلس وكلتبن واسمع السالفه من البدايه
وقاله نايف كل شي
تركي: ياساتر معقوله؟
نايف: والله ياتركي هذا اللي صار والله
تركي: طيب الحق على ابوك لا يشوف الصور
نايف: يارب يسمعني الحين لو يذبحني والله عطيته الحق
وارسل نايف رسالة واتس لابوه محتواها: يبه الموضوع مب نفس ما انت شايف انا راجع البيت الحين وبفهمك
ورد سلطان: انا جاي البيت انتظرني بالديوانية
وعلى طول حرّك نايف للبيت وراح المجلس ينتظر ابوه وبعد دقايق وصل سلطان وحتى ما ناظر وجه نايف وكان وجهه اقشرر ووده يتفل بوجه نايف لكنه كان سااكت وهاادي ومايبي يعيد الغلط اللي سواه قبل بانه ضرب نايف وبالنهايه طلع فاهم غلط وجلس وما تكلم بحرف وجا نايف جلس قدامه وشرحله كلل شي واعترف انه كان يحب عبير وانها كانت نزوة طيش وانه ما لمسها ولا طلع معها ولا يمكن يخون ثقته وانه طاح بهالخطه بس سلطان ما زال سااكت ولارد عليه
نايف جا وحب يده وراسه: يبه والله العظيم هذي السالفه تكفى صدقني
سلطان باقي مارد
نايف: يبه شوفني انا ولدك... طيب اضربني سو اي شي لا تسكت كذا
سلطان: خلص الفلم؟
نايف وقف يلف ويدور حول نفسه ومنهار وفيه الغصه: يبه مب فلم والله... اخخ يارب
سلطان طلع من المجلس وراح غرفته وكان ودده يصدّق نايف بس شاف بعيونه الصور
ياناس عبير بحضنه! مستحيل احد يصدّق

نايف بالمجلس منهارعالارض ومقهوور وحااقد على عبير بشكلل ووده يروح لرهف ويعلمها الصدق لكن ابوه اللي هو ابوه ما صدقه وشلون محبوبته؟
فقرر نايف يتصرف ويحل الموضوع بطريقته
اتصل على فايز وطلب انه يقابله وفايز كان يشتغل بشركة الاتصالات وعنده خبرة وعلمه نايف بالسالفه وان محد مصدقه وطلب منه الفزعه بانه يجيب التسجيل للمكالمه اللي دارت بينه وبين صديقة عبير وان ذا الدليل الوحيد اللي ممكن يبرئه
فايز: صعبة يانايف لكن اوعدك بحاول
نايف: تكفى يا فايز تكفى
فايز: نايف ما اوعدك بس الحين بشوفلك الموضوع واسوي كل اللي اقدر عليه لا تشيل هم
جا نايف باس راسه: ما تقصر
وركب نايف سيارته وراجع البيت وكالعادة زحمة الرياض وهمجية اللي يسوقون ولا فجأة!!
ينصدم نايف
وينزل بعصبيه يهاوش: عمى ما تشوف؟؟
الرجال اللي صدمه: آسف والله ماشفتك
نايف فيه البكية من كثر ما الدنيا قافلة بوجهه وماكان ناقص الا يندعم وكملت
ناف بصوت حزيين ومكتوم : اخ ياربي وش سويت بحياتي انا
وركب السيارة ينتظر نجم يجي وكان متطمن ضانه بياخذ حقه لان عنده داش كام ومصورة الحادث والغلط على اللي صدمه ولا فجأة صرخ بصوت عالي......: داش كاام... صورت الحااادث