قلبي رهيفٍ للأحباب

المُخيّم

في صباحية اليوم الثاني الكل كان نايم ومنهار من التعب واخيرًا انتهى اليوم اللي لهم شهور يجهزونله ... صحت رهف قبل العصر بشوي عشان تلحق على صلاة الظهر قبل ياذن العصر ولما خلصت جلست على السجادة وكانت تنتظر الصلاة وشافت التاريخ واستوعبت ان التحصيلي على ابوابه ولازم يبدون يذاكرونله ويجهزون خطة ويشترون كتب التأسيس واهخخ تفكر بالاختبارات المتراكمة وصدق هالفترة كانت ضغط ولازم تشد حيلها قد ما تقدر
راحت المطبخ تبي تشرب موية والبيت هاادي وفاضي ولقت عمها سلطان قاعد بالصالةوسلمت عليه وقالتله لازم يشترون الكتب وسلطان قال انا بجيبها لكم بس ارسليلي شكلها وفعلًا هذا اللي حصل بعد صلاة العصر راح سلطان المكتبة وشرا ثلاث كتب واحد لنايف وواحد لرهف وواحد لديم وشرالهم اقلام ودفاتر وسبورة كبيره وكلل شي يحتاجونه ورجع البيت
ونايف توه قاعد من النوم وكوب القهوه بيده يحاول يصحصح ويشوف الطلبات الجديده والايميلات ودخل سلطان البيت
سلطان: نايف رح جيب الاغراض من السيارة
نايف: سم
وراح نايف ودخل معه اكياس ومب قادر يمشي من كثرها ودخل البيت: ياساتر بتفتح مدرسه؟
سلطان: روح نادي خواتك
نايف: تقصد اختك لان نورة تزوجت اذا ناسي ههههه
سلطان: لا اقصد خواتك!... رهف وديم
نايف ضحك باحراج: اهاا خواتي...يلا بروح الحين
وطلع وقال لديم تنزل ودق باب غرفة رهف ودخل ولقاها على السجادة تستغفر ولابسه جلال الصلاة وناظرها وابتسم : يافديت المطوعين والله
رهف ضربت نايف بالمسبحه: ما توفر انت
ضحك نايف: حتى ضربتها اسلاميه يناااس
رهف ضحكت ورمت جلال الصلاة: شعندك؟
نايف وقف وقرب منها: والله عندي اشياء كثييير بس الحين ابوي يناديك
رهف: اوه جاب الكتب... يلا نازله
نايف: بالله طلعتي انتي اللي قايلة له... روحي شوفي وش جايب
ونزلت رهف وشافت الصالة كلها اقلاام ودفااتر وكل شي
رهف تناظر: عمي وش بنفتح مكتبه؟
ضحك نايف وقال لابوه: حتى رهف تذب عليك... وش ذا يابوي الله يصلحك
سلطان يناظر الاغراض ويحك لحيته: والله كأني كثرت شوي
ونزلت ديم: الله الله ...انا بااخذ الدفتر الوردي والاقلام الملونه
نايف: ديم انتي برا السالفه تراك ادبي
ديم عصبت : طيب ترى حتى الادبي صعب
سلطان: المهمم... اسمعو ياعيالي...هذي الاغراض وهذي الكتب ... ابيكم ترفعون راسي وتدخلون اكبر الجامعات...واثق فيكم ولكم مكافأة كبيرة مني
الكل سأل : وش
سلطان: اللي يجيب فوق التسعين له اللي يبي...مبلغ مادي...سفرة...سيارة ماعدا نايف
نايف: لييه
سلطان: سيارتك جديدة انثبر
ديم: بس انا ما اعرف اسوق
سلطان: اللي يعرف يسوق نعطيه سيارة
نايف وديم ناظرو رهف وهي كانت تتثاوب ولما شافتهم يناظرون استوعبت: انا؟؟
سلطان: اييه
رهف: لا ياعمي ماله داعي والله
نايف: الا رهف عشان نتسابق
سلطان: وش وش؟
نايف: اقول الرزق ينساق
سلطان: اها ...المهم سمعتوني عاد... واثق فيكم...شدو حيلكم وارفعو راسي...وكل يوم ترى بجي اشيّك عليكم واللي مايذاكر ياويله
والى وقت اختباركم كل وسائل الترفيه ممنوعه
نايف وديم: يبه لااا تكفى
سلطان: مافيه... كل شي ممنوع...وانت يانايف قلل روحاتك لتركي وركز بدراستك
نايف: يبه مو من جدك
سلطان: والسوني مسحوب وبعطيك اياه يوم واحد بالاسبوع
نايف: ياساتر
رهف: عمي وشدعوه ماتوصل هههههه
سلطان: ومعاد فيه روحه للاسطبل
(رهف كانت كل فترة تروح تركب خيل ومره تحبه)
رهف: لاا عمي تكفى... انا ماسويت شي نايف هو ساس البلا
نايف: ياخاينه
سلطان: رهف ترى منتي بعيدة عنهم ضاربتلي بنات الناس!
رهف حكت راسها بخجل وناظرت تحت: بس عمي...
سلطان: لا بس وخس ... علمٍ يوصلكم ويتعداكم...هالاختبار هو بيكون محور اهتمامكم الوحيد هالفترة وبسحب منكم كل المشتتات لا وبعد كل فترة بسويلكم اختبار مفاجئ واللي مايجاوب بينجلد ويوقف عالجدار...
الكل ضحك
سلطان: سمعتو؟؟
الكل: سمعنا
نايف دق تحية وسلطان ضربه: تستهبل انت ووجهك
وراح سلطان والكل كان يضحك ويحسبونه يمزح معهم وما اخذوه بشكل جدي وكل واحد فيهم اخذله كتاب ودفاتر واقلام وراح غرفته ... وبدت اختبارات البنات وبدت قروشة التحصيلي والكل بدا يذاكر وسلطان كان يمشي والعصا معه وان شاف اي احد جالس بالصاله وما يذاكر يجلده وكان ذا الحل الوحيد عشان يذاكرون
نايف طفش من الدراسه وراح غرفة رهف بشويش عشان مايقفطه ابوه ودخل
رهف جالسه عالمكتب تذاكر ودخل نايف بسرعه وسكر الباب وراه
رهف شافته وضحكت: وش تسوي هنا يا مجنون
نايف جا وضمها من ورا وهي جالسه عالكرسي : اشتقتتلك الله ياخذ ذا التحصيلي
رهف:حتى اناااا بس مابقى شي عالاختبار لازم نصبر شوي
نايف ابتسم: حتى انا وش
رهف: اش....
نايف: ايوا؟
رهف: اشتتت....
نايف: اييييه؟
رهف: اشتهيت شاهي حبق والله
نايف: تستهبلين؟
رهف: لا والله... نايف روح سولنا بالله
نايف: دزي امها فاضيلك انا
رهف: نايف بلييز
نايف: لعنبو حي من ردّك...الشاهي بالطريييق
ونزل نايف المطبخ يسويلهم شاهي لكن لما طلع من غرفة رهف كأن سلطان حس! فقرر انه يراقب نايف
وفعلًا نايف اخذ الشاهي وطلع وكان يتلفت يمين وشمال قبل يدخل غرفة رهف وبعدها دخل وسكر الباب وراه بشويش!