قلبي رهيفٍ للأحباب

ولادة العنود

وعلى صباح ثاني يوم اتجهت رهف لديم وسوتلها فطور وجت تتطمن عليها لكن ديم كانت هااديه وسرحانه وساكته
رهف حطت الصينيه وتناظر بديم ومستغربه : ديم سمالله عليك توجعك رجلك؟
ديم الى الان ساكته
رهف: ديم وشفيك من يوم طحتي ماتكلمتي شكل الطيحة على راسك
ديم تاكل اظافرها وتقول بصوت خافت: رهف سكري الباب وتعالي
على طول سكرت الباب وقربت من ديم: انطقي خوفتيني
ديم: تركي شافني
رهف: وشهو؟؟
ديم: اص قصري صوتك بقولك وشصار
وعلمتها ديم بالسالفه وكانت ردة فعل رهف ضحك هستيري
ديم: وجع مايضحك
رهف: والله يضحك اهخ ياقلبي مالقى يشوفك الا بذا البجامه
ديم: والله انها كشخة بس مب قدام تركي ياربيي
رهف: بس ترى مستحيل ينساك بعد هالموقف
ديم: لانه ارتاع
رهف: صدق انك صفقتيه بس يعني علينا من النتيجة
ديم: بقولك شي ثاني بس ماتعصبين
رهف: الله يستر هاتي
ديم: سويت حساب ولد وقبلني بحسابه بس مايدري انها انا يحسبني سلمان
رهف رجعت تضحك وديم تحك راسها بخجل
ديم: وش يقولون يارهف قله اني احبه
رهف: والغلا مايعيب ايه والله
ابتسمت ديم
بعد شوي جا نايف الغرفة يتطمن على ديم ولما دخل شاف رهف جالسه بالسرير عندها وكان شوي مستحي من رهف ومايدري وش السبب
نايف: ماشاء الله فطور عالسرير وحركات لو ادري السالفه فيها دلع كذا كسرت رجلي
رهف: لا تفاول على نفسك
نايف ابتسم: صباح الخير رهف
رهف باستغراب: صباح النور نايف
ديم: صباح الخير نايف
نايف: صباح النور ديم
واخذ فطورها وانحاش
ديم تصرخ: اكلي ياحيوان
رهف مسكت راسها من مبزرة نايف: خلاص معليك الحين اسويلك
جت نورة عند البنات بسرعه وسكرت الباب
ديم ورهف : شفيك بسم الله
نورة: يابنات تذكرون ام ناصر تخيلو جايين الاربعا يخطبون رسمي
ديم: لااا رجلي مكسورة
رهف ضحكت: وشدخلك انتي جايين بخطبون نورة
ديم: بس انا اخت العروس
رهف: بس ذا مب عرس خطبه
نورة: اهخخ في شغل واجد متى الحق
رهف: ماعليك اساعدك انا روحي جيبي ورقه وقلم وخلنا نشوف وش بنسوي
نورة: لا خلا ولا عدم يابنت العم والله انك نعمه
ابتسمت رهف:حاضرين كم نورة عندنا
ديم: عاد مقدر اساعدكم رجلي مكسورة تعرفون
نورة: نامي نامي الى الان مادخلت راسي ذا الطيحة وش هالرفاله ياديم انتبهي تكفين
ديم ورهف ناظرو بعض وابتسمو
دخل سلطان ومعه كيس حلويات متروس : ها بنات قاعدين
ديم: الله هذا لي
دخل سلطان وباس راسها: الحمدلله عالسلامة يابنتي ايه لك اجل لمن
ابتسمت رهف على جمال علاقتهم وحست بالشوق لابوها اللي ناسية ملامحه وصوته وماتدري كيف شعور ان الواحد يكون عنده اب وسرعان ماتداركت دموعها
سلطان: نورة روحي عند امك تبيك وترى فايز واهله بيجون يتعشون عندنا مع عمتكم ويتحمدون لديم بالسلامه
وراح سلطان
رهف: حركات ياديم معزبك جاي يتحمدلك بالسلامة
ديم: رهف تكفين بقوم اتروش واذا خلصت استشوري شعري
رهف: تم... تبين اساعدك
ديم: لا وشدعوه ماعليك اقدر ادبر نفسي بس نادي امي
رهف: تم
ونزلت رهف ولقت خلود بوجهها : خالة ديم تبيك
خلود: طيب
رهف: خالة
خلود:نعم
رهف: تبين اعاونك عالعشا اليوم
خلود: لا بيجيبونه من برا بس عليك القهوه والحلا
رهف: ابشري
وراحت المطبخ تشوف وش ناقص وكان باقي كم غرض ناقص وطلعت المجلس عند عمها تاخذ منه الاذن انها تروح البقاله
رهف:عمي
سلطان:سمي
رهف: ممكن اروح البقالة اللي بالحارة ناقصني كم غرض وودي امشي شوي الجو حلو
سلطان: الحين اوديك يلا مشينا
رهف: لا ياعمي والله ودي امشي شوي
سلطان: على ماتحبين وطلع من جيبه ميتين وعطاها
باست راسه رهف:ماتقصر
وفعلًا لبست عباتها وطلعت وبعدها بثواني جا نايف يجلس مع ابوه
سلطان: اقول لا تجلس قم امش ورا رهف خايف عليها راحت البقاله هنا مب نفس الديرة ، عيال الحرام واجد بس ماحبيت اكسر بخاطرها
نايف: ابشر
وفعلًاطلع نايف على طول وراها وتلثم عشان ماتشوفه
رهف حست في احد يلحقها!
نايف رمش ولا عاد لقاها؟ البنت اختفت وكان الارض بلعتها وجلس يدور عليها ولا شوي يحس بشي قوي حول رقبته وبطحه فالارض
رهف مسكته بشنطتها وطيحته وبدت تقول: مين انت وليه تلحقني
نايف بصوت مخنوق : انا ناايف
رهف تركته بخوف ومسكت يده وقومته من الارض: نايف! وليه تلحقني يامريض ومتلثم بعد
نايف ينفض ثوبه ويفك شماغه ويحطه على كتفه : وش حركات سلاحف النينجا ذي بس والله منتي هينه يارهيّف
رهف:اخلص ليه تلحقني شتبي
نايف: ابد شفتك طالعه من البيت وتعرفيني رجل غيور وشكاك وخفت انك تخونيني
رهف رجعت وضربت نايف بالشنطه ونايف صار يضحك بالم
نايف: ابوي ارسلني وراك خايف عليك بس اكتشفت انه ماينخاف عليك
رهف: زين يلا على بيتكم
نايف: تخسين ما اخليك لحالك
رهف: طيب
وصلو البقالة وشرت رهف اغراضها وقبل لا تحاسب اخذ منها نايف السلة وحاسب وشالو الاكياس وطلعو وقبل لا يوصلون بشوي طلع نايف من جيبه كندر وحطه ورا ظهره
نايف: رهف اي يد
رهف: مافي الا يد وحده ورا ظهرك ياغبي
نايف: اوه صح طيب غمضي عيونس
رهف: هههههه يلا غمضنا
نايف طلعه وعطاها
رهف: اوهه شكرًا
ابتسم نايف: عفوًا
رهف:وبعدين ليه تحاسب ترى عندي فلوس الحمدلله
نايف: ادري عندك بس مهيب حلوة بحقي وبعدين زوجك معك ومايحاسب؟
رهف: لعلك فليتها شوي بالمزح؟ انا وش قلتلك ذاك اليوم
نايف: طيب خلينا من المزح الحين انتي زوجتي ولا مب زوجتي ؟
رهف: عالورق؟
نايف: ايه اخلصي
رهف: ايه زوجتك
ابتسم نايف ومات من الحيا وجازله الوضع ونسا وش كان بيقول : زين يلا هذاهو البيت
رهف:طيب كمل وشكنت بتقول
نايف: خلاص حقك علي ماراح اعيدها
رهف: شاطر خلك كذا
ودخلو البيت وراحت رهف المطبخ تجهز الحلا وتحطه بالثلاجة وراح نايف المجلس عند ابوه وشوي ولا عبير تدق
نايف تنحنح وطلع السيارة يرد عليها: هلا والله
بدت تهاوشه وتهاوشه وتعاتبه وانفجرت فيه ونايف سااكت ويوم خلصت
نايف: ياعبيرياقلبي ياعيون نايف اسمعيني اول شي ابوي قفطني وماقدرت اتواصل معك ابد
عبير: وتبلكني!
نايف: ماتعرفين ابوي انتي ذا كان الحل الوحيد وحقك علي ووش يرضيك
عبير: زعلانه منك مره
نايف: يازين الزعلانين بس ابشري باللي يرضيك وما يصير خاطرك الا طيب
ابتسمت عبير: ايه نشوف
نايف: احبك
عبير: وانا بعد بس باقي زعلانه
نايف ابتسم ورجعتله المشاعر لما سمع صوتها: يلا انا لازم اقفل ابوي جا وبعدين بنتفاهم
عبير: يلا باي
وصدق  جا سلطان ونزل نايف من السيارة
سلطان: من تكلم
نايف: تركي
سلطان: تكلمه وهو بيجينا بعد شوي؟
نايف: ايه يبه جالسين نخطط للتخرج
سلطان نسى سالفة المكالمة بعد ماسمع التخرج: والله وكبرت يولدي ومتى تخرجكم
نايف: المدرسه على اساس بتسويه قبل النهائي بس جالسين نحاول نقنعهم يخلونه بعد النهائي والتحصيلي  عشان ننبسط صدق
سلطان: تبيني اكلمهم
نايف: تسويها يابو نايف عشان ولدك؟
سلطان: تم
جاه نايف وحب راسه وخشمه وبدا يثني عليه ويشكره وصدق كان نايف بآخر ترم له بالثانوي وبيتخرج قريب
ودخل البيت وفتح الثلاجة وشاف هاك الحلا الزين وعرف انه عمايل رهف وبدت تجهيزات الضيافه وعلى صلاة العشا وصلوعيلة فايز والعنود كانت بشهرها التاسع
وام فايز ماسكة يدها تعاونها تمشي
خلود: ياهلا والله ومرحبا حي من زارنا
ام فايز: الله يحييك
خلود: العنود شكلك بتدخلين العاشر ماشاء الله
العنود:اهه تكفين اسكتي عيت تطلع هالبنت
خلود:ههههه الله يسهل عليك وتقوموين بالسلامه وماعليك اعطيك اسبوع بالكثير وانتي والده
ام فايز: حتى انا اقول
العنود: ان شاء الله