في قسم الشرطة عبير اللي جاها خبر بان ابوها انمسك وتترجاهم تشوفه...
فيصل: يا اختي ما اقدر
عبير تبكي: تكفى بشوفه بس تكفى
فيصل: بالتحقيق الحين
عبير: متى يخلص؟
فيصل: والله بحاول اخليك تشوفينه لكن بكرة لان وجودك الحين غلط وواضح انك كنتي بحفلة والمكان كله رجال...ماينفع بكرة تعالي جاهزه
عبير عصبت: وانت هذا اللي همك؟...... اقولك ماني متحركة لين اشوفه
فيصل: يا اختي اسمعيني وانا اخوك...امشي نطلع برا وافهمك كل شي... وترى ابوك مو بريء......
وطلعو عند الكراسي اللي قدام مركز الشرطه وعلمها فيصل بكل شي وانه متورط بتجارة المخدرات وجلست عالكرسي تبكي وفيصل جا عطاها موية واخذت المويه وشربت
فيصل: شلونك الحين؟
عبير هزت براسها
فيصل: وين اهلك؟
عبير: ماعندي احد
فيصل: امك وين لازم تروحينلها
عبير: لا برجع البيت
فيصل: يلا بوصلك
عبير: السواق ينتظرني
فيصل: يلا انتبهي لنفسك وبكرة اوعدك بخليك تشوفينه...وممكن طلب اخت عبير؟...اذا جيتي بكرة البسي عباية سوده ولا تتعطرين هنا شرطة مب بيت صديقتك ماينفع وانا اخوك...يلا بحفظ الرحمن
وراحت عبير وركبت السيارة وصارت تبكي على غدرة نايف اكثر من بكيها على ابوها وتبكي على غبائها وكيف ضيعت حياتها معه وجاها كف صحاها على نفسها...يمكن صدق متأخر بس جا
اما فيصل اللي كانت عيونه على عبير لين ركبت السيارة ومشت ويتسائل كيف وحدة بهالبراءة تكون بنت مجرم نفس غانم!...
في بيت خالد الكل رجع واشتغلت الكهرب...
خالد: ياعمري يارهف اكيد زعلانه...بروح اشوفها
غدير: لا ياخالد ما همها لدرجة انها راحت المستشفى تداوم
خالد: وشتقولين انتي؟...صادقه؟
غدير: ايه ايه تقول تنبسط بالشغل
خالد: سيارتها هنا طيب!
غدير: لا خويتها من الدوام كانت هنا واتصلو عليها يبونها ضروري ورهف راحت معها
خالد: اها
تركي ينتظر ديم ورا البيت وجته ديم بسرعه...
تركي حضنها: انا مبسوووط
ديم: والله حتى انا ...يارب يتصالحون مع ان رهف راسها يااابس
تركي: اهم شي نيوفي رجععع... والله ياديم فقدته
ديم: ايه والله...... عاد امووت واعرف وش السالفه .........كلمته؟
تركي: لا خليه يمحي الشوق
ديم تذكرت وش قالت لرهف وضحكت : على الطاااري هههههههههههه
تركي ابتسم : ايه؟
ديم : تخيييل ياتركي وش قلت لرهف عشان الهيها
تركي: وش
ديم : اني حاااامل هههههههههههه
تركي ضحك بصدمه: وش وش؟؟؟
ديم: والله تركي لا تناظر كذا؟... وش اسوي عاد طلعت معي
تركي: ياويلي ويلاااه...تخيلي تعلم نايف؟
ديم: لا لا ماعليك بقولها انها كذبه
تركي شد ديم له وقال باذنها: وشرايك نخلي الكذبه حقيقة؟
ديم قلبها بدا يدق بسرعه ودفت تركي: اقوول...مافيه الا يوم العرس
تركي: صبرت ٦ سنين مقدر اصبر كم يوم؟...بس يكون بعلمك حقّي من الشّوق والله لآخذه
ديم: تركي يلا رح سمعت صوت ابوي يكح
تركي ضحك: كذااابه...... خلاص يا خوافه ماراح المسك الحين يلا روحي نامي
ديم ابتسمت باحراج: تصبح على خير توتو
تركي: يوويل حاااالي......
أنت تقرأ
قلبي رهيفٍ للأحباب
Mystery / Thrillerبعد وفاة والدتها تتجه رهف للعيش في منزل جدتها الحنون ولظروف ما تضطر للذهاب الى الرياض حيث منزل عمها سلطان وولده نايف ماللذي سيجبرها عليه؟ وماذا سيحدث هذا ماسوف نعرفه في الأحداث القادمة......
