قلبي رهيفٍ للأحباب

عنوان الجزء

ديم سرحانه
نايف ضربها خفيف: وشفيك لايكون عشقانه
ديم: مدري رهف نفست واحس نفست معها
نايف: وانتي ماعندك شخصيه حتى المشاعر تقلدينها
ديم: ناايف
نايف يقلدها بنبرة الصوت:ناايف
ديم قامت راحت غرفتها
نايف ضحك عليها لين راحت وبعدها صار يفكر شوي ويقول بنفسه:
معقوله حزت بخاطرها
احس اني قسيت عليها ونسيت الجرح اللي بقلبها جديد
بس ياخي مستحيل تزعل ههههه
طيب واذا زعلت؟
والف مليون سؤال كان يدور براسه
وبعدها اذن المغرب وراح صلى ورجع وللحين يحس في ثقل على صدره وشك فقرر يروحلها
لكنه وهو بطريقه لها قابل ديم وتردد يروح لكنه قال لديم :اسمعي ترى بنطلع بالليل لا تنامون وقولي لرهف
ديم: الله وناسه ويين
نايف:مالك شغل
ديم:مايهم اهم شي بنطلع
وراحت عند رهف تركض ودخلت غرفتها
رهف على سريرها منسدحة وتوها صاحية:هلا ديم
ديم جلست عندها بالسرير: رهف بنطلع بالليل مع نايف لا تنامين
رهف لمن سمعت اسمه صدت ولفت وجهها وقالت: انبسطو مانيب جايه
ديم:يارهف ليه
رهف: النفسية مايطلعون من البيت
ديم مافهمت عليها وراحت تقول لنايف انها ماراح تجي
توجهت لنايف اللي كان منتظرها بالمجلس
ويوم شافها فز وعدل جلسته
ديم اقبلت عليه وهي مكشره : تقول ماراح تجي
نايف:ليه طيب
ديم:مدري عنها تقول النفسية مايطلعون من البيت شكلها تقصد نفسيتها تعبانه والله مافهمت عليها... المهممم وين بنروح
نايف ابتسم وتنهد وعرف انها زعلت:مافي روحه
ديم:ليه!
نايف:بس كذا بنجلس بالسطح وننفس مع رهف واصلًا الجو حلو
ديم:ياليل
نايف:ياليل ياجامع على الود قلبين... لك عادة تجمع قلوب الولايف
ديم: يلا استلم
نايف:اقول انقلعي قولي لرهف نفس ماقلت
ديم: ماراح اقول
نايف:وقوليلها وشتبون من البقاله واكتبو طلباتكم
ديم:يلا الآن اروح
نايف:يناس تحب بطنها
ديم راحت تركض لرهف : رهف رهف وش تبين من البقاله
رهف: علامك تراكضين بسم الله عليك وبعدين ماراح تروحون؟
ديم تربعت على الارض وتحاول تاخذ نفس: لا نايف يقول بنجلس ننفس مع رهف
رهف بابتسامه مخفيه: ايه على خير
ديم: ها وش تبين من البقاله
رهف: وكفين ياديم مشتهيه شي حالي مره
ديم: مالها الا نوتيلا
رهف: اجل تم 
ديم: وش بعد نبي نطفر نايف
رهف: حرام عليك ويلا بسوي قهوة على مايجي وانادي عمة لا تنام
ديم: يلا وانا بجهزلنا جلسه
نايف رايح للبقالة دق عليه خويه تركي📲📞☎️
نايف: في ذمتي مرحبا في مرحبا في مرحبا
تركي: الله يبقي من يرحب ينيوفي لك وحشة وينك معاد تسال
نايف: والله ياتركي مدري وشلون اصارحك لكن اول مره بحياتي احس بالسلام والهدوء ذا
كنت محتاج ذا العزله مره والله ان هالديره دوا الروح
تركي:ايه زين تسوي بس لا تبطي عاد
نايف: ماعليك الاحد بنعوّد ان شاء الله ...... آمرني
تركي: مايامر عليك عدو يابعد راسي بس بقولك ترى فايز لقاله وظيفةٍ زينة عندكم وبكرة ان شاء الله جايكم ويمكن اجي معه اغيّر جو والله ان البيت جابلي الغلقة وابوي ما قصّر زاد الضيقة ضيق
نايف: يالله ان تحييكم ياتركي العين اوسعلكم من الدار تعالو كلكم تغيرون جو انت وعمتي وفايز
تركي: لا يانايف مدري والله
نايف:اقول مابي اي اعتراض جايين ان شاء الله جايين وامسكوا خط من عقب الفجر عشان تاصلون عالغدا
تركي: على خير ان شاء الله
نايف يا هلا