بعد ما انتهت ملكة ديم كلّن رجع لبيته ......
في بيت خالد غدير وخالد ورهف توهم يدخلون وراحت رهف غرفتها تلبس بجامتها وتمسح ميكبها اما خالد وغدير جلسو بالصاله...
خالد رما شماغه وعقاله وجلس : الله يسعدهم ويوفقهم والله تركي خوش ولد
غدير فصخت عبايتها وجلست : ايه والله وديم تستاهل
خالد: له له له ...وش هالزييين
غدير ابتسمت وعدلت شعرها: وشرايك بس
خالد: زينة البنات يالغدير
غدير: خلودي...احس فيك شي...علمني...... مدري علامك تناظر يمين ويسار
خالد تنهد: خاطبين رهف
غدير عدلت جلستها: ما شاء الله!! الف مبروك وليه مكشّر
خالد: رهف واعرفها زين...ماراح توافق ...تعبتني هالبنت
غدير: رهف رفضت اللي خطبوها قبل لانها كانت تدرس الحين البنت تخرجت ومافي اي مانع...طيب مين ولده؟
خالد: دكتور معها بالمستشفى
رهف نازله المطبخ......
خالد: رهوف
رهف: هلا عمي
خالد : تعالي اجلسي معنا شوي
رهف: ياعمي والله رجلي متكسره من الكعب وسهرانه وعندي دوام الصبح بس باخذ مويه واطلع ...بكرة ان شاء الله
خالد: يلا يلا ...نوم الهنا يا حبيبة عمها
رهف ابتسمت وراحت ولكن قبل تدخل الغرفه نست جوالها بالمطبخ وراحت تاخذه لكن .........
خالد: يا غدير انا شاك بشي بس مدري والله
غدير قربت من خالد : وش؟
رهف وقفت مكانها وتخبت وهي تسمعهم......
خالد: معقولة؟.........نايف؟......لان من راح وهي متغيره
غدير ضحكت: احسب عندك ساالفه...... لا يرجال صدقني بس عشان الدراسه؟
خالد: يعني بكرة نقولها؟
غدير: ايه ولو تبي انا اكلمها ماعندي مشكلة
رهف راحت غرفتها بسرعه وكانها فهمت الموضوع لكن بتسمع منهم بكرة وتشوف وراحت تنام...
نايف وعبير بالسيارة...
عبير: حبيبي...وصلنا البيت
نايف: ادخلي انا شوي وبجي
عبير: وين بتروح؟
نايف: بطلع شوي اشم هوا ... احس اني متضايق
عبير: بسم الله عليك من الضيقه...يلا بجي معك
نايف: عبير...لو سمحتي
عبير: تمام بس انتظرك بالغرفه لا تتاخر
نايف: طيب...بس نامي لا تنتظريني اصلًا بنام تحت اليوم احس رجلي توجعني مره
عبير: خلاص تمام اللي يريحك...وبكره لازم نروح المستشفى
نايف: طيب
نايف كان جالس ورا وفاتح الدرايش والسواق يفر فيه بدون وجهه ويهووجس برهف ويهوجس بحياته ويفكر بنهايتهم السعيده ويبتسم وشوي يفكر انه بيرجع لبيت غانم ويكشّر ومتعلّق بامل انها هاانت وكان محتاج يجمّع نفسه بعد ما شاف رهف لانه ضعععف قدامها وكان يبي يروح يعترفلها بكلل شيي خلااص معاد يتحمل الى متى ذا العذاب الى متى؟؟
نايف وصل آخره بس مجبور يكمّل الخطة ......
تركي يتصل على ديم......
ديم بخجل : الو
تركي: يااااااحي والله ذا الصووت وياحي راعيه...هلا والله بزوجتي هلا والله بديمتي الحلوة
ديم ضحكت: هلا فيك حبيبي
تركي: بنام على صوتك الليله بدون ما نخاف احد يقفطنا
ديم: اييه والله... وبحط سبيكر واكلمك بالصاله
تركي: لا عاد هدي اللعب
ديم:ههههههههه طيب
أنت تقرأ
قلبي رهيفٍ للأحباب
Mystery / Thrillerبعد وفاة والدتها تتجه رهف للعيش في منزل جدتها الحنون ولظروف ما تضطر للذهاب الى الرياض حيث منزل عمها سلطان وولده نايف ماللذي سيجبرها عليه؟ وماذا سيحدث هذا ماسوف نعرفه في الأحداث القادمة......
