قلبي رهيفٍ للأحباب

الاعتراف🤍

رجعو خلود والبنات من الشاليه وكانو مواصلين والكل يدور سريره عشان ينام ونايف كان بالصالة ويقلب بالريموت وعلى طول لما شافته ديم طلعت الغرفه وبعدها لحقها نايف
نايف: ديومه الحلوة زعلانة
ديم ما ناظرت فيه وتسوي نفسها ترتب: لا ليه ازعل
نايف: تبين البقالة
ناظرته ديم: ايييه
ضحك نايف: طيب اثقلي شوي ياخفيفه
ديم : طيب لا تكلمني
نايف: امزح معك يلا البسي عباتك ومشينا
ابتسمت ديم : طيب اعتذر عالاقل
نايف: معليش
ديم: لا لا اعتذر زي العالم
نايف: اااا ... تبين بقاله؟
ديم: ايييه
ضحك نايف: انا بالسيارة
وراحو البقالة وناظر نايف النوتيلا وتذكر رهف وابتسم بس كان خايف على صحتها واخذلها حلويات نسبة السكر فيها قليلة لانه يدري انها بتخلصها كلها
ورجعو البيت وهم بالسيارة نايف مسك جواله وكان خايف
ديم: شفيك
نايف: نزلت درجتي
ديم: يلاا تكفى تحمست
نايف: انزلي انزلي البيت بروح عند تركي يشوفها وخذي هذا الكيس لرهف
ديم ضيعت السالفه لما سمعت اسم تركي واخذت الكيس ونزلت بسرعه: يلا يلا

وعلى طول راح نايف لبيت تركي وتركي كان نايم بالمجلس
نايف جلس عنده ويصحيه بشويش: تركي تركي
تركي: هممممم
نايف شاته : تركي قوم بسرعه
وتركي صحى منخرش: ها ها .... نايف!... ياحيوان احد يقعّد كذا؟
نايف: نزلت الدرجة
تركي عدل جلسته : اسلمم.... هات اشوف
نايف مغمض عيونه ومسكر اذنه وتركي اخذ الجوال عشان يشوف
نايف: ها ؟
تركي يناظر الجوال وساااكت
نايف: تركي هااا حلوة؟
تركي وقف ومسك راسه
نايف: تركي اخلص بشخ بسروالي
تركي مسك وجه نايف وباس جبهته : حرام بالله انّك ارجل واحد يا ولد سلطان
نايف سحب الجوال بسرعه وشاف الدرجة وطلع جايب 98!
كان مصدووم ومبسوووط ووقف يلف ويدور حول نفسه وضم تركي بكل حيله وسجد سجود شكر وما كاان مصددق
اول مره تنزل دموع الفرح من نايف
اول مره يحس بالانجاز بحياته
اول مره يحس ان له قيمة
واول مرره بيرفع راس اهله اخيرًا اول مره بيفرّح ابوه بدرجات عالية
وكأن صدره يتشقق من ااوناسه وعلى طول كان راجع البيت واوول شخص فباله ويبي يبشره رهف .. رهفف... بس رهف

ديم راحت غرفة رهف معها كيس حلويات وشافتها رهف
: اخخخ وكانك قارية افكاري قسم بالله اني مشتهية حلا.... الله يسعدك ياديم كسبتي فيني اجر
ديم: الحقييقه من نايف بس انا اخته يعني نتقاسم الاجر
ضحكت رهف: ياعمري انتي عطيتيني يعني انتي جبتيه مب نايف
ديم: صح صح... هو كان بيعطيك بس نزلت درجته وراح لتركي
رهف: نزلتت؟؟
ديم: ايييه.... بس كالعادة اكيد خمسين لكن اول مره اشوفه متوتر غريبه ....
يلا يلا بروح احط العسكريمات بالثلاجة عشان ما تذوب واروح انام مييييته نوم
رهف: يلا... ونوم العوافي ياقلبي
وكانت رهف تفكر بناايف وكانه ولدها وشاايله همه على كثر ما كانت شاهدة على كل المراحل وعلى الايام اللي نايف كان يتعب ويسهر فيها وتسهر معه بعض الاحيان عشان تذاكرله