قلبي رهيفٍ للأحباب

تعب رهف ونايف

على صلاة العصر صحا نايف من النوم ولقى جواله متفجر اتصالات ورسايل من عبير وكلها عتااب بعتااب وكلام كثيير وبكل برود نايف حذف المحادثه بدون مايقرا حرف وراح غسل وجهه وتوضا وراح المسجد وكان حاس بخفّه مو طبيعيه واتصل على ابوه يساله متى يرجعون وسلطان ساله عن اختباره ونايف ما بيّن انه فرحان وقال الحمدلله حليت وابو سلطان توقع انه نفس باقي اختباراته وما اعطا اهميه ووصاه عالبيت لين يرجعون بالسلامه

واول ماوصل البيت  لقا سيارة عبير عند الباب!! نايف انصرع مستحييل وش جابها
ونزلت عبير من السيارة : نايف ممكن نتفاهم
نايف عصبب ويدخلها السياره: انهبلتي انتي؟؟وشلون تجين بيتنا ... بسرعه حركي
عبير دفت نايف: ايه انهبلت! وما اروح مكان لين اتكلم معك
نايف ركّبها السيارة مره ثانيه  : خلاص حركي وبكلمك بالجوال الحين
عبير: يلا اتصل الحين
ودخل نايف البيت وراح غرفته واتصل وشافها من الدريشه مشت وتطمن
نايف: ها يا عبير
عبير: ليه ما رديت على كلامي
نايف: ماشفته وتعبان والله ودي ارتاح ومالي خلق اتهاوش معك وابرر واللي قلته لك كان كافي وواضح جدًا
عبير: طيب علمني لييش عطني سبب مقنع
نايف: ياعبير اللي سويناه من البداية كان غلط وتجاهلنا وكملنا وانا والله مابي درب الحرام وودي اركز على دراستي
ومابي اظلمك معي تستاهلين الاحسن والله يوفقك ويستر عليك
عبير: لا نايف مب حرام لاننا بنتزوج وانت واعدني وانا واثقه فيك يعني نعتبر مخطوبين ترى
ضحك نايف ومسك راسه: على كيف امك  ... لا تجلسين تحللين وتحرمين من راسك ما ينفع
عبير: بس احنا بنتزوج
سكت نايف
عبير: بنتزوج صح؟
نايف يلعن نفسه من داخل الف مره انه وعدها بلحظة طيش واندفاع
نايف: عبير يا امي اسمعيني... انا ما انفع
عبير: انا ابيك وراضية فيك
نايف: عبييير... خلاص افهمي!... انا مابي
وسكر نايف الخط....
عبير وهي تكلم نفسها وتبكي : مردك بترجعلي يا نايف مردك لي وانا بعرف من لعب بعقلك وخلاك تتركني
وعبير كانت مقتنعه ان نايف باقي يحبها ويموت فيها وانه بس يحتاج وقت وما شكت انه ممكن فيه طرف ثالث

ونايف لما سكر من الخط كان متضااايق مرره وندمااان وكاره نفسه انه جرح قلب احد
بس ذا الحل الوحيد وكان قرار سليم
ويشوف انه يجرحها مره وحده ويرتاح وهي بعد بتزعل شوي وتنسى
افضل بمليون مره من عذاب الضمير اللي يعانيه كل يوم بسبة كذبه وتزييف مشاعره
نايف يمكن غلط لكنه تغير وافعاله قبل ما تمثله ...

دخل حسابه وحذف كل المقاطع اللي لها دخل بعبير وحذف كل تغريداته اللي كان يقصدها فيه وشال الاضافة وبحكم ان نايف كثير يتابعونه لاحظو الشي ذا وبدا عاد ينتشر الكلام وعبير مستلمة نايف بحسابها من مقاطع حزينه من صور بالمستشفى ومن كلام شوق وتغريدات مالها اول ولا لها تالي بس نايف شاري راحة باله ومبلكها من كل مكان

وصل سلطان واهله اخيرًا ونايف استقبلهم ووجهه منور ومجهزلهم العشا
وتعشو ونامو  ونايف وده يروح لرهف بس كان البيت محتاس والعيون عليه ولو راح بيشوفونه فجلس مع اهله لين نامو اخيرًا وراح مستعجل لغرفة رهف على امل يلقاها صاحية بس للاسف طلعت نايمة وطلع وسكر الباب وراه بهدوء ونزل المطبخ وفتح الثلاجة واول ما سكرها طلعتله رهف 
نايف مسك قلبه: بسمم الله الرحمن الرحيمم... انتي جنيه رهف نايمه؟
رهف: ايه جني عاشق
ضحك نايف ورهف استوعبت هي وش قالت وتفشلت وراحت بعيد وجلست عالكرسي وجا نايف مبتسم وجلس قبالها
تنهدت رهف: بشّر
نايف: يعني ههه الحمدلله اتوقع حليت بس كان صعبب
رهف: المفروض ازعل انك ماحليت عدل بس تذكرت انك لو جبت درجة بتطلبني شي فانبسطت بس بكل الاحوال عوافي
ضحك نايف وكلم نفسه بصوت خفيف: عز الله انك بتنفذين طلبي طرق
رهف: هاه ... ياخي مدري ليه صايره ما اسمع عدل
نايف مسك اذن رهف: من اذونك الصغيرة ذي تقل الصبحان
رهف: من ذا
ضحك نايف: ههههههه اخخ خلاص ماعليك يلا روحي نامي ارتاحي
رهف: يلا يلا وانت بعد نام
نايف: بطلع مع تروك وبنام عنده كم يوم
رهف: يلا
وراحت رهف نامت ونايف ناظر قفاها لين دخلت وفعلًا وفا وعده لتركي وراح نام عنده وكانو مبسوطين ويلعبون ويطلعون ويسولفون وتركي ملااحظ على نايف وشكثر هو متغير ونفسيته زينانه ومحافظ على صلاته وحاس بالفخر