قلبي رهيفٍ للأحباب

ليلة كشف الحقيقة ويوم عقد القران

فبيت سلطان:
صوت جوال يدق بغرفة ديم
رهف سمعت الصوت راحت تشوف مصدره وشافت الاتصال ونادت: دييم ياديم جوالك
ديم: مين اللي داق
رهف: عبير
ديم: ردي مقدر اجي جالسه ابدل لريان
رهف بتردد :طيب ....... الو؟
عبير:ياديم وينك انتي ليه ماتردين وبعدين وين نايف الحيوان من الصبح اتصل عليه ولا يرد؟من متى هالحركات
رهف:🤨🤨 ثم قفلت الخط.......☎️
ورهف مب قادره تنزل حواجبها من الصدمه عبير! نايف! وبعدين شدخلها اذا جواله مقفل؟
وجت ديم
ديم: ها وش تبي
رهف: تقول وين نايف
ديم: والله البلشه ابتلشت فيهم عصافير الحب
رهف: يحبون بعض!
ديم: بالله عليك ماتدرين؟
رهف:كيف ادري وش السالفه
ديم: رهف انتي بالعالم الموازي ولا شنو ماعندك جوال؟
رهف: الا عندي بس مااستخدمه الا اذا بغيت اطلب شي ليه اخلصي شدخلهم مافهمت
ديم: ماتدرين نايف مشهور؟
رهف: وش مشهوره  ياديم
ديم: الله وناسه ماتدرين عن شي خلاص اصبري خلينا نطلب اكل ونجلس نسولف واقولك العلم
رهف: يابنت الحلال مابي اكل بس علميني وش السالفه
ديم: طيب قهوه فشار اي شي مقدر اسولف بدون اكل
رهف:بروح اسويلنا فشار واجي
ديم: كفو يلا وجيبي عصير معك
رهف: اخ من المصلحه
ديم انسدحت وعدلت المخده: الدنيا كذا يا رهف

فبيت اهل خلود
جوال خلود يدق
خلود: الو
ام ناصر: السلام عليكم
خلود: هلا هلا والله ام ناصر
ام ناصر: هلا فيك وش اخباركم
خلود: بخير ياجعلك بخير واعذريني والله ابطيت عليكم بس تعرفين جدة العيال ماصارلها وقت متوفيه وانشغلنا لكن بردلك خبر ذا الاسبوع ان شاء الله
ام ناصر: على خير ان شاء الله نحتريكم

فبيت سلطان:
رهف بالمطبخ تحط الفشار بالصحن وتصب العصير
انفتح باب البيت وصوت نايف وهو يضحك مع ابوه
وفز قلب رهف وهي تطلع من المطبخ وتتكي عالباب وتناظرهم ونايف يلعب ويمزح مع ابوه وهي تبتسم
بعدها تذكرت عبير وعلى طول تلاشت الابتسامه وتغيرت تعابير وجهها وجت بتدخل المطبخ ويناديها عمها
سلطان: رهف
نايف:ياا رهف
سلطان: علامك انت
نايف:هههههه ولا شي بس كذا بغيت اقول اسمها
سلطان: اقول ضف وجهك بس
وراح نايف المطبخ اخذ فشار بيده واخذ كاسة عصير وطلع لغرفته وهو داخل تذكر انه ماحارش ديم اليوم وراحلها الغرفه
باب غرفة ديم ينفتح شوي شوي
ديم تناظر  وتنادي : رهف؟رهف ...بلا... سماجه
ونايف يطلعلها بعباية امه وينط عليها
وديم كان طبعها خوافه ويعرف نايف الشي ذا
وصارت تصرخ وتبكي
نايف وهو يشيل العبايه وميت ضحك: انا انا نايف
ديم الى الان مغطيه وجهها وتبكي وضامه رجولها
نايف: ديم ناظريني انا نايف ويحاول يبعد يدها عن وجهها
ديم تفتح اصبعين من يدها وتبين طرف عينها تتاكد ولما تاكدت اخذت المخده ونزلت فيه ضرب
نايف: يااي مره يعور اقول استرجلي اضرب زي الناس 
ديم: اقول انقلع كنت بقولك شي عن عبير بس ماتستاهل
رهف طالعه الدرج وبيدها الصينيه وهي بالممر للغرفه وقبل لا تدخل كان الباب مردود وسمعت صوت نايف وعرفت انه داخل
وكانت تبي تدخل بس سمعت اسم عبير ووقفت مكانها وراحت ورا الباب عشان ما يلاحضونها
نايف عدل جلسته:عبير! وش قالت اخلصي
ديم: من عمتك
نايف: ديم عمتي وتاج راسي
ديم:ههههه بعد مره
نايف: يلا عاد اخلصي
ديم: طيب طيب ...... تقول ان ليه ماترد وشكلها معصبه
نايف: بس؟
ديم: مدري والله رهف اللي كلمتها وقالتلها كذا ورهف قالتلي
نايف مسك راسه: رهف كلمتها بعد!
ديم: ايه عادي شفيك
نايف: طيب درت عبير اني بملك على رهف قالتلها رهف شي؟
ديم: ترى كلها ورقه ليه مكبر الموضوع اتوقع لو قلت لعبير اصلًا مابتقول شي يعني
نايف: لا لا يبنت الحلال فكينا من المشاكل واصلًا مقدر اكلم عبير فترة ابوي قفطنا
ديم:احح
رهف من ورا الباب وكانها فهمت السالفه وتحس بوجع غريبب بصدرها وغصصه بحلقها وتدف الباب وتدخل
نايف: بسم الله
ديم تشوت نايف: هيا انقلع قعدة نسوان
نايف وهو يعدل شعره وينفض ملابسه: منزينكم عاد
وطلع وقبل لا يطلع قالتله ديم: ياويلك يانايف لو سكرت الباب وراك
نايف سكر الباب اقوا ماعنده
ديم: ماينفع مع اخوي العنيد الا ذا الطريقه
رهف وججها متغير وتحاول تخفي مشاعر الحزن اللي مب قادره تسيطر عليها
ديم: رهف فيك شي؟
رهف بابتسامه:لا ليه
ديم: مدري حسيتك هاديه مره وين راح حماس السالفه
رهف: من اللي خلتني اسوي فشار
ديم: ياليل لا تبدين خلاص تعالي تعالي نسولف
رهف وهي تعدل شعرها عند التسريحة: ايه اسلمي ياديم
ديم: اقول اقول تعالي اجلسي عندي
رهف جت جلست قدامها: ها جلسنا ياكثر ماتطلبين يلا اسلمي
ديم وهي تنفض يدها من الفشار: اييه ياطويلة العمر قبل سنتين نايف كان ينزل مقاطع دايم وماكان معروف مره لكن فجاه كذا انشهر وما اكذب عليك يارهف لما البنات عرفو انه اخوي كانو يصيرون صديقاتي مصلحه وبس عشان ياخذون علومه وكانو خاقين عليه وذيك الفتره عبير اللي بمدرستنا تعرفينها عاد ماغيرها كانت مشهوره بعد وكنت قبل اغار منها وكان ودي بس ادخل شلة عبير واصير صديقتهم واتمشى معهم بس محد كان معطيني وجه يارهف ولا كانهم يشوفوني بس سبحان الله جتهم المحبه فجاه بعد ماعرفو ان نايف اخوي المهم بيوم نفس اي يوم عادي جا نايف ياخذني من المدرسه ورجعت معي عبير ومن بعدها حبو بعض والكل صار يسولف عنهم