قلبي رهيفٍ للأحباب

نايف يبي يصير أب!

وعلى ثاني يوم الكل صحا عشان الدوامات واتجه سلطان لمدرسة نايف وبلغهم انه حاب يمسك التخرج وهو اللي بيحدد التاريخ وعلى طول رحبت المدرسه بذا المبادرة الجميلة وكانهم كانو ينتظرونها
وعالعصر راحو البنات يشوفون عمتهم وبنت عمتهم ولقو ام فايز هناك
وام فايز ما قصرت مع العنود من مشروبات واكل النفاس وعناية وفعلًا كانت قايمة فيها وكانها بنتها مب زوجة ولدها والعنود جدًا كانت محتاجه هالشي بحكم ان امها توفت من قريب واكيد محد يحل مكان الام لكن ام فايز بعد حسبة امها
ولما طلعت العنود من المستشفى اتجهت لبيت فايز وكان فايز يجهزلها مفاجئة واللي هي شقتهم الخاصة بالرياض لكن باقي ماخلصت وولا علمها عن انهم بينقلون هنا لين تتم الامور كلهاعلى خير وتصير المفاجئة مفاجئتين ...

و خالد اللي فعلًا كان محتاج ياخذ بريك من الشغل ومحتاج يشوف اهله لانه مشتااق لهم مره حجز رحلة للرياض على الاسبوع الجاي على ما يخلص آخر اشغاله
وعلى عصر يوم الاربعاء جو اهل ناصر وخطبو نورة رسمي وتمت الشوفه وانعجبو ببعض وحددو موعد الملكة

وكأن الافراح بدت ترجع من جديد حتى لو كان للجدة هيلة فقد كبييرالحياة لازم تمشي ...

وبفترة نفاس العنود كانو رهف وديم مبسطين فبيت ام فايز ومايخلون العنود تشيل بنتها مستلمينها استلام وتركي كذلك كان مبسوط ان بيتهم فيه حياة وكل شوي احد داخل وطالع من جيران وقرايب واحباب مع انه ماكان يرجع البيت الا وقت النوم عشان ياخذون راحتهم الا ان يكفيه انه صار عم
اما فايز اللي كان مشغول بشقته وبتاثيثها على اكمل وجه عشان يفاجئ زوجته
و نورة وامها اللي كانو من سوق لسوق يدورون فستان وطقم للملكة

وفي بيت سلطان
نايف كان داخل الصالة ولقى نورة بوجهه...
نايف: نورة...... يانورة
نورة:خير وشفيك الناس نايمه قصر صوتك
نايف: زعلاان منك زعلان
نورة: بسم الله وش السالفه
نايف: تركي صار عم قبلي وانتي السبب زعلان زعلان ابي اصير خال واقهره
نورة: حمدلله والشكر
نايف: مستحيل انسا الغدره
نورة: عندي خطه عشان تركي يغار
نايف: الله وش
نورة: تركي صار عم؟ انت صير اب والبقاء للاقوى
نايف: رووووح
نورة ماتت من الضحك: نام نام  الله يصلحك بس
وراحت لغرفتها
لكن نايف اخذ الموضوع بجديه وجلس يلعب بشنبه ويفكر وهو طالع للغرفه شاف رهف نازله وابتسم ورهف شمقتله ونزلت المطبخ وفتحت الثلاجة تبي تاكلّها شي واول ماسكرتها لقت نايف وراها متكي ومبتسم
رهف تشهق من الخوف وتحط  يدها على قلبها :يلعن ابليسك يانايف
نايف: وشدعوه وش هالدلع
رهف: ماكنت فوق انت وشلون رسبنت هنا
نايف: خلنا من شلون سويلي عشا معك
رهف: من قالك اني بسوي عشا
نايف: اما يعني انام جوعان؟
رهف: ترى ماراح تكسر خاطري نام جوعان احسن خفف من الكرش شوي
نايف رفع فلينته : كل هالعضلات وساعتين بالنادي كل يوم وبالاخير تقولين كرش
رهف غمضت عيونها وصدت: سكر سكر
نايف ضحك: سكرنا سكرنا خلاص ناظري
رهف طالعه الغرفة
نايف: رهف لا تنامين
رهف: الا بنام
نايف: صدق شوي وبجيك
رهف: سلامات! لا تجي ولا شي
نايف: ماني مطول بس بقولك شي واطلع
رهف: اذا مانمت
وراح نايف جاب عشا له ولها وراح غرفتها
رهف: وش ذا
نايف: ماحستي بالثلاجة الا لانك جيعانه
رهف ماتوقعت ولا واحد بالميه ان نايف يفكر فيها بالطريقه ذي وردت: لا ماني جوعانه
نايف: ياشينك يارهف
ودخل نايف وسكر الباب وراه بشويش وحط الاكل على السجاده وفتح الدريشه وكان الهوى نسناس والستاره تروح يمين ويسار وجلس ياكل وهنا رهف قامت من فراشها وجت جلست قباله وتعشت معه 
وكل ما تناظر فيه تلقاه يناظر فيها ومبتسم ابتسامه خبيثه وكان وراه شي  وقامت رهف وجابت شيلتها وربطت عيونه ونايف مستسلم ماعطاا ردة فعل
رهف: يعني ربطت عيونك ولا فاد وشفيك مبتسم تراك تخوف
نايف: رهف خلينا نجيب ولد
رهف غصت بالاكل واختنقت
نايف كانت عيونه مربوطه ومايشوفها:  بس اذا ماتبين ولد عادي بنت ... السكوت علامة الرضا ...ها نجيب؟
وفك نايف الشيلة من عيونه ولقا رهف وجهها ازرق وعلى طول قام اسعفها وطق ظهرها لين صارت تكح  وتتنفس وجابلها موية
نايف وهو يضحك : بسم الله عليك اشربي اشربي ههههه
رهف بصوت مخنوق وهي تشرب الموية : اطلع برا
نايف: وشو
رهف: اطلععع براا
نايف: ترى كله ورع هههه باخي تكبير المواضيع عندك فضيع
ونايف قام بيطلع
رهف: تعال تعال
نايف رجع وابتسم: ها غيرتي رايك
رهف: نظف مزبلتك  يازباله وظف وجهك لعاد اشوفك وبكرة عمي يتفاهم معك
نايف: بدنا ننتبه عاللغه ذا واحد ثاني شي وش ابوي تستهبلين
رهف: كان فكرت بابوك قبل تقول هالكلام
نايف: رهف طيب والله آخر مرة
رهف: ماراح اعلمه بشرطط
نايف: اللي هو؟
رهف: معاد تطب غرفتي خيير شر
نايف: ااااا طيب ان شاء الله... بحاول
رهف: احلف يمين
نايف: قلنا ان شاء الله
رهف: قلت احلف
نايف: طيب واذا كان في اسد بغرفتي وكان يلحقني وانا لازم انحاش منه وين اروح
رهف: نايف ورني قفاك
نايف ضحك : طيب طيب بس بالله الوالد ماله داعي يعرف والله الوضع كان مزح وطقطقة بس شديتيها شوي الله يحفظك
رهف: طيب اطلع الحين وبكرة نتفاهم