عند عائلة مشعل .
ودن الي جالسه مع أمها بالمطبخ تقنعها بالدراسه
نطقت والكثير من التساؤلات برأسها : ليش بس ليش قوليلي ؟؟ عاجبك وضعي جالسه عندك بالبيت ماعندي شي
غاده بعصبيه : مو عاجبتك الجلسه عندي يا سيده !
ودن بنرفزه : يمه أنا قلت كذا ؟ ولا ودك تقولين كلام ماقلته .. استوقفت كلامها ورجعت تكمل : فيني شي ؟
غاده بعدم فهم وخوف : شلون فيك شي
ودن : يعني ما ادري صراحه أنا اسألك فيني شي غير عن البنات ؟ ليش الخوف ليش إذا كملت دراستي مو معناه أني بتركك لا ابداً أصلاً ليش اترك روحي وقلبي ؟ .. ناظرتها ثم مدت يدها تداعبها وتعالت ضحكاتهم
دخل نياف عليهم بثوبه وشماغه وهو يسلم عليهم : السلام عليكم
ودن وغاده بنفس الوقت : وعليكم السلام
غاده بصرامه : غدا
نياف بلامبالاة وهو يطلع من المطبخ : ما ابغى شوفي بنتك يمكن تبي
خرجت ودن وراه تبي تلحقه وامها وراها توقفها
بغضب لفته عليها وهو عند الباب : هي انت يا مراهق شلني من بالك اذا انت مو محبوب ذي مشكلتك صلحها وتعال طيب ؟ " انتظرها على الباب تخلص كلامها ولما خلصت مسك شعرها الي كان ذيل حصان وشده على تحت وهو يقول : مااااااااءعععع
صرخت : وجع اذلف
بالليل على الساعه ٩
سياف بغرفته يكلم خويه ويتجهز يطلع لهم
دخلت تطق الباب المفتوح .. لف وبابتسامه : يا هلا تعالي .. قفل من مكالمته وناظرها ووقفت وهي تتحمحم ونطقت رداً عليه : ياهلا فيك من ذا سلمان ؟
ضحك وهو يلف : لا ماهو سلمان " ودن : ما انهو الخلاف ؟ سياف : لا سلمان عنيد وبحر اعند منه بس تحصلينهم نادمين الحين " نطقت رداً عليه : طيب حاول تجمع بينهم مالكم الا بعض بحر ماعنده الا انتو " قاطعها وهو يقول : ماعلينا اعرف الصمت والجيه هذي ولا من متى انتي تجيني ؟ .. ضربته بصدمه وهي تقول : يا ناكر المعروف كم مرا اجيك واسولف معك ومرات بعد اجيب أكلك لعندك بعدين مافي شي بس جيت اتطمن على اخوي الكبير عضيدي
سياف بعدم تصديق : اف اف اف عضيدك ؟ ودن انطقي
ودن بحزن : سياف ترضى أني جالسه كذا بالبيت
تكفى تكلم مع امي شف اي شي تعبت وأنا جالسه عندها ثلاث سنين ولا أربع سنين تقريباً هذا إذا مو اكثر بعد
سياف بهدوء وحنيه : مايرضيني ولو انه علي كان بس تعرفين " ودن بنرفزه : سياف وش اعرف ماسكتني عندها كذا كل ذا خوف شي مايدخل العقل وش بتسوي بي الجامعه !! فهمها ياخي أنا ماراح اجلس طول عمري معها
سياف بتهدئة لها : اسمعي انتي سكري على الموضوع عندك وخليه عندي علي بس ابي بطاقتك
ودن : بطاقة وش ؟ " سياف : هويتك بشوف لك
ودن بعدم معرفه : ماعندي هويه
سياف بعدم فهم : كيف ماعندك هويه مجنونه انتي !
ودن : يعني ماعمرها كانت معي عندي مدري شف امي بس من دون ماتبين لها شي تكفى
سياف وهو بيطلع من غرفته : معليك خلاص انتي وقفي تحنين على رأسها واتركي الموضوع فتره ويلا انتبهي لنفسك
انتهى
