ودن بتعبير غريب على وجهها : كيف يعني ماعندي هويه !
سياف بتعجب : كيف يمه ماعندها هويه ؟؟؟
صرخت غاده بوجههم وهي ماشيه : اوووووه يعني اقصد هويتك ماهي عندي عند صديقتي
مشى سياف وراها ومسك يدها وهو ينطق : يمه شتسوي هوية اختي عند صديقتك يايمه !!!!
غاده بهدوء : لاتصعب الأمر عاد انت قلت لكم عند صديقتي ..
طاحت ودن تجلس على الكنب وهي تنطق بتكرار وبنبره مهزوزه : كذابه كذابه .. حرمتني من ابسط الأشياء كله عشان نفسها هي عشان اجلس عندها
نطقت تتساءل نفسها : ليش طيب ليش !!
جلس بجنبها سياف ونطق وهو يطبطب على ظهرها : أنا وعدتك وانا قد وعدي مالك إلا تدخلين الجامعه هالسنه
معليك من امي لاتضايقين نفسك
لف على ابوه : صح يبه ؟
قرب أبوها منها وهو يبوس رأسها : صح يا ابوي انتي
ابتسمت من شافتهم جمبها يواسونها وهزت رأسها بتقبُل
نطق سياف بحنيه : يلا روحي نامي الوقت تأخر
تصبحين على خير ..
ردت عليه : وانت من أهله
لف على ولده وهو يتساءل : إلا وين اخوك ؟
رد بصوت خافت : بالتوقيف
رد بصراخ : وليه بعد !!
سياف : سالفته مع هذاك الولد
مشعل ب حسره : اهخ من ذا الولد مانزل رأسي إلا هو وما سود وجهي إلا هو
صرح سياف بوجه ابوه : يبه يكفي على الولد ماعمرك فكرت تداريه ولا تأخذ بخاطره ماغير انت وامي حيلكم عليه حطمتو الولد وكسرتوه وخليتوه ولا شي
واذا بتجلسون تتحسرون من افعاله وحركاته الحين فهاذا من تربيتكم وإهمالكم الشي الي سويتوه تحملو نتايجه
" قام سياف من مكانه وهو تارك ابوه منصدم من انفعاله عليه وتوجه فوق لغرفته "
" بالتوقيف الصباح الساعه ٩ "
دخل بحر وبيده كوب القهوه
صبح على الجميع : صباح الخير
وأشار بيده على فهد خويه يطلبه يجيه
جاه فهد وطلب منه بحر يجيب نياف واسر من التوقيف لغرفة التحقيق
دخل بحر للغرفه وماهي دقايق الا ونياف وآسر عنده
نطق بأستهزاء وهو واقف : تفضلو اجلسو
جلسو .. وكمل كلامه وهو يسخر منهم : وش تشربون؟
نياف ببرود : وش تشرب انت ؟ ورني كوبك بطلب مثلك
صرخ بحر وهو يأخذ الكرسي يجلس عليه : تستهبل انت ؟
وش سالفتكم انتو ما تعبتو كل يومين حالكم كذا
الحين تنهون سالفتكم
لف على نياف وطق الكوب بالطاوله وهو يقول : يا انت تعتذر له وتبطل كرامه وشغل مراجل
ولف على آسر وأكمل : وانت تقبل اعتذاره ولا تشتكي
يا تشتكي عليه انت وهو يتحاكم وينسجن
وقف وأكمل بهدوء : لك القرار انت وضميرك أنا واقف هنا اسمع لقلبك وشف قرارك وش هو
ومابي اسمع لكم صوت لما تقرر انت يا آسر وتخلص
" بعد 5 دقايق من الصمت والحيره "
نطق آسر بغضب وشدة صوته المرتفعه وهو مواجه نياف : الي سويته الحين والله ماهو عشانك ولا هو عشان سواد عينك بس ماودي أختك او بالأخص توأمك
تبكي عليك وتفقدك
بلع ريقه وأكمل كلامه : لأني مجرب الشعور ولا ودي أختك تجربه وانت حي يا ابن الكلب
ابتسم بحر الواقف بزاوية الغرفه وهو متأكد ان هذا قرار آسر الي كان بيتخذه
قرب لعند آسر وهو يبوس رأسه وينطق بـ : ماهي غريبه عليك ياولد بدر
لف على نياف يتساءل : وش تنتظر تطلع من دون اعتذار ولا هو يعتذر لك ؟
نياف وهو يحك شعره : والله الود ودي بلا اعذار وبلا خرابيط اطلع من هنا واروح اخذ لي بُخاري من المطعم الي مقابلكم ياهو لذيذ تأكل أصابعك وراه
صرخ بحر بوجهه : خل عنك الهَرج واعتذر واطلع
قام نياف من الكرسي وهو يعتذر ل آسر : اسف
وتوجه للباب يطلع وهو يسلم عليهم : يلا سلام لنا لقاء ثاني ان شاء الله
انتهى
