قبل نص ساعة بالكشتة عند العيال :
الصمت سيد المكان عدا صوت أمواج البحر
وأغراض عزبة سياف الي يرتبها ، ضرب راسه : يووه
الغاز نسيت اجيبه
التفتو عليه وتكلم بحر وهو يقوم من مكانه واقف عند سياف : من البداية ماراح نطول واحنا جالسين
ربَت على كتف سياف وبابتسامة نطق : و الكشته نعيدها بوقت ثاني ماعليك
مسكه سياف يوقفه : لا والله ماتروح يارجال ماصدقت تجتمعون تبي افكك ، ضحك مكَمل : وتبي الصدق أنا ما أضمن بكرا
طلع جواله وهو يأشر عليه .. الحين اكلم نياف يجي ويجيبه معه .. هز راسه بحر راجع لمكانه وتكلم موجة كلامه لسلمان : اخبار آسر ؟ رد سلمان : بخير ليه مو تووك شايفه ؟
بحر وهو متردد يقوله عن أسر وموضوع التدخين وأكمل يغير الموضوع : لا بس كلمه يجي دامنا مجتمعين ، رد عليه : ماضنتي يجي لكن ابشر وطلع جواله وهو يتصل مطلع الصوت للخارج
دقايق ورد : هلا سلمان وش صار ؟
سلمان : ارحب وينك فيه ، اسر : حول البيت ليه ؟
سلمان : تعال أنا والعيال مجتمعين
اسر : لا...تكلم سلمان مقاطعه : أنا مع بحر برسلك اللوكيشن واتس
وقفل بدون ما يعطيه مجال للرد
ضحك آسر : مع بحر ! الله يستر بس وكمل طريقه رايح لهم
عند نياف الي طلع من المحطه ومعه غاز صغير للكشتات
ركب مع سعيد الي ينتظره...ارسلتلك اللوكيشن واتس
امش
سعيِد نطق بعصبيه : أنا ماَرك نطلع ولا نخدم اخوك..ضحك نياف : اقول حرك بس وش احلى من كشته مقابل البحر
تأفف سعيِد وحرك ماشي عاللوكيشن..تكلم وعينه على نياف : وش عندك أنت ؟ التفت نياف له : وش عندي؟
سعيِد : مدري عنك غريبه !! ودك بجلسته ولاصرفته زي دايم..رد عليه وهو نفسه محتار من وضعه ومشاعره اليوم : سعيد تراه اخوي يعني مهما قلت وتكلمت اكيد انه مو من قلبي بعدين سياف ماعمره غلط علي ولا ردني بشيء وضحك بسخرية وكمل كلامه : وهو الوحيد الي ملاحظ وجودي اصلاً...رفع نبرته بملل : عشان كذا سق وانت ساكت
انتهى
