" بالليل في مجلس بدر "
دخلو عليهم آسر وسلمان بنفس الوقت
عباير بأبتسامة : هلا هلا بعيالي
ميلاف تناظرهم بحقد : لو أنه أنا الي داخله عليها ما رحبت فيني زي كذا ، صفقها سلمان : غيوره بعدين تراك بنت امي الوحيده اكيد لك معزه غير
عم الصمت عليه بعد ما نطق بجُملته هذي وعم الصمت على الجميع
فز آسر يقوم من المجلس ، استوقفته أمه وهي تمسك يده وبرجاء : اجلس يمه تكفى
بتغيير للموضوع تكلم سلمان : ميلاف إلا وين سعود عنك ؟ حاصل شي بينكم ؟ ، ردت عليه : لا مافي إلا كل خير ، نطق بأبتسامة : اجل اعزميه هالليله على العشاء بيننا ، لف على ابوه : شرايك يبه ؟
نطقت تقطع كلامهم : لا يبه نسيت أقولكم أنا اليوم معزومه عند أمه على العشاء
بدر بأبتسامه : على خير يا ابوي انتي
عباير : ما عزموني معك ؟ ماقالو نادي الوالده معك ؟
ميلاف بفشله وتسليك للموقف : إلا يمه عزموك وقالو لي قولي لأمك معك بس نسيت أقولك
أبتسمت عباير بمُجامله : حصل خير يايمه اصلاً كذا ولا كذا ماراح اجي ، سكتت وشبكت يدينها في بعض ونطقت تكمل كلامها : بس هالله هالله بالسناعه والذرابه أبيك تكشخين وتتسنعين وتروحين تبيضين وجهي
ميلاف بضحكه : ابشري ماطلبتي شي
ابتسمت تغمز : قومي تجهزي وانا بقوم اسويلك كيكه على السريع تأخذينها معك
رفعت أصبعها بتهديد تمزح : وهاه يويلك لو قلتي انها مني خذيها كأنك انتي الي مسويتها
لف بدر يضحك مع عياله وبهمس : هاه شوفو أمكم كيف تدلعها
نطق آسر بحُقد : يمه وشوله كل ذا الدلع ؟ حتى الكيك تسوينه لها انتي كذا ماعاد هي عارفه تطبخ عند زوجها بتفشلنا عنده
عباير بتسكيت لـ آسر وللكل : اش ولا كلمه قولو الي تقولين بنتي وبيكفي أدلعها مثل ما ابي
قامت ميلاف تاركتهم تركض للدرج وبضحك تنطق لأخوانها : حَره
سلمان بأبتسامه على حركاتها : يلا لاتتأخرين علي أنا الي بوديك
" وبعد ما مرت ساعه "
نزلت ميلاف عليهم بفستانها الأسود وشعرها البُني ووجهها المُذهل كعادتها ، ناظرتهم تسألهم : شرايكم ؟ حلوه ولا لا بحزن : لا لا مو حلوه ادري ، ولفت بتروح
آسر بضحكه : يابنت صاروخ
لفت عليه تكلمه : صدق ؟ ، سلمان بأنذهال : اول مرا آسر يصدق ، تناظر ابوها تبي أجابه : يبه ؟
بدر قام من مكانه يبوس رأسها : بسم الله عليك ياحبيبتي حلوه كالعاده طالعه على أمك
صرخت ميلاف بضحك تلف على أمها الي جايه من المطبخ وبيدها الكيكه : اووووووووه يايمه من قدك
عباير بخجل : دام أبوك بدر وأمك عباير اكيد بتطلعين حلوه ، وناظرتها من فوق لتحت وبأكمال لكلامها : وفعلاً حلوه اقري أذكارك
تقدمت تبوس رأسها ورأس ابوها : يلا مع السلامه
ناظرت آسر وهي تتقدم له تبوسه وبأبتسامه : مانسيتك
" الساعه التاسعه والنصف عند بيت أهل سعود "
سلمان بحنيه : تبين انتظرك ولا ؟
ميلاف : ماعندك شغل ؟
سلمان : يبوي حتى لو عندي ااجله لعيونك كم عندي أنا ميلاف ؟
بأبتسامة ترد عليه : وحده عشان كذا لازم تنتظرها
وأساساً ماراح اطول مالي خلق
ابتسم ينطق : بس قول ابغى وانا اقول حاضر
بخلص لي شغله سريعه وبجي انتظرك انبسطي ووسعي صدرك واذا احتجتي شي أنا بكون هنا اتصلي علي ، وبضحكه : لاتطيح كيكة امي منك ثُم تلقمين نكبه
نزلت من السياره تدخل البيت تضحك من اخوها ،
دخلت المجلس : السلام عليكم ، قامت ام سعود ترحب فيها وبناتها من وراها : ياهلا ومرحبا
*كان هذا الظاهر*
" الساعه ١٠ "
الأم : حياك يابنتي على العشاء تفضلي واعذرينا على القصور
ميلاف بأبتسامه : لا ياخالتي مابه قصور الله يعطيكم العافيه ماقصرتو
جلـسو على طاولة الطعام
الأم : يابنات وين العصاير والماي
مها بأبتسامه من دون نفس : نسيت يمه بقوم أجيبها
مشاعل من وراها : أنا بقوم أساعدها
والأم جلست لحالها مع ميلاف وكلهم يناظرون بعض
الأم قامت بأبتسامة مُتصنعه : بروح أشوفهم تعرفين البنات شوي هاه ، نطقت تناظر العشاء : أكلي يايمه أكلي لا تنتظرينا
وراحت الأم ورا بناتها ،
وطال وجودهم بالمطبخ وبهمس : يمه أنا ماراح اجلس أكل مع بنت قايل لي سعود أن اخوها يتعاطى
الأم : مجبورين نجلس معها معليه تحملي
والصدمه لما دخلت عليهم ميلاف
وما حست بنفسها الا وهي ماده يدها على مها تصفقها كف
صرخت بغضب وأنفاسها الشديده تضرب بوجهها : يابنت الكل**ب لاتتكلمين كلام فاضي
سحبتها مشاعل عن اختها : استهدي بالله ميلاف
الأم صرخت بوجه بنتها : اعتذري من البنت على السريع
ضحكت ميلاف تقرب من ام سعود : تحسبين ماسمعت كلامك ! ،
تلعثمت الأم وماعرفت ب ايش تتكلم
بهدوء : إش اش انتي حتى مادافعتي او عصبتي من كلامها
كأنه العيد وفعلاً العيد فرقاكم وفرقى وجيهكم
مدت إصبعها تهدد مها : وانتي لاعاد أشوفك تطرين اخوي على لسانك وان كان عندك شي مرا ثانيه قوليه بوجهي لاتتخشخشين ياقليلة الأدب ووصلي كلامي لأخوك بعد مرا وحده
ولفت على ام سعود تضحك : طلعت وجيهكم الحقيقية الحمدلله قبل لا أتزوج ولدك
وبأستفزاز : إذا هذول الأهل كيف الولد وتربيته اجل !
طلعت من المطبخ ماشيه تاركتهم وراها
وطلعت الأم وراها تمسك يدها : أن علمتي ولدي ماتلومين ألا نفسك
وخرت يدها تصرخ بوجهها : اولاً شلي يدك ولا عاد تمسكيني ثانياً مالي كلام مع ولدك المريض
وطلعت من البيت تاركتهم تمشي ودموعها على خدها
صادفها سعود بالشارع
وبحنيه وهو يمسك يدها : شفيك يابعدي من مطيح الدموع الحلوه على خدك !!
صرخت تبعد يدها عن يده وبحده : يالمُختل فارق لا تلمسني رح شف اهلك أنا مالي كلام معك
مسكها مرا ثانيه : ماني تاركك وش صاير ؟
دموعها بدت تطيح اكثر وأكثر وبحزن تبعد يدها للمره الثانيه : ابعد اخوي هنا مو احسن لك
ما أكملت كلامها الا وسياف وأخوها نازلين من السياره
يبعدون سعود عنها ويضربون فيه
صرخ سياف : ماتشوف البنت ماتبيك يالخايس
سعود بتعب وهو ملقي على الأرض : خطيبتي وبكيفي انت مين ؟
جلس فوقه سلمان يضرب فيه وبحده : خطيبتك وحده وراها اخوان وانا اخوها والي معي بحسبة اخوها والوعد قدام ياولد الكل**ب
من شافتهم الاثنين جايين مع بعض مسكتهم تبعدهم عنه و بخنقه : خلاص تكفون خذوني من هنا بسرعه
سياف ناظرها : فيك شي هو مسوي لك شي ؟
هزت رأسها بالنفي ونطقت : سلمان الله يخليك خلاص عشاني .
انتهى
