مسافة الطريق ووقفو مقابل العيال الي جالسين
بحر وعلى يمينه سلمان وسياف وأسر الي قبل دقايق وصل لهم مقابلينهم نزل نياف وبيده الغاز متقدم لهم
ابتسم بشر من لاحظ وجود اسر نطق السلام ونزل الغاز وتكلم بعده بسخريه موجه كلامه لاخوه : اشوفه على يمينك لو ما نقصك الغاز كنت بتذكرني ؟ ولا قلت اغير جو وابعد عن مشاكل البيت ونياف
زفر سياف بملل من هالموال وجا بيقوم له
لكن وقف وهو يسمع بحر الي تكلم قايم له :
سياف انت ضبط الشاهي لنا سلم عليه واحتضنه من كتوفه راجعين للجلسة تكلم بهمس : اسر توه جاي وكلمناه بعد ماكلمك سياف جلسو وابتسم بحر بتلطيف جو والله كبرت ياورع اترك عنك هالحركات
تافف نياف وتكلم بضحكه : اول ماتتحمله الحين جالس معه ومع اخوه طويل بال انت
سلمان طالعه وهو بالحقيقة مايكن له اي عداوة حتى انه يستلطفه ويستلطف طبعه المشكلجي لكنه تكلم باستفزاز له ومحارش: لاتصدق بحر تراك للحين ورع واطلع من المواضيع الي اكبر منك
كان بيرد عليه لكنه التفت على الي نطق السلام
نياف فز له : يوه نسيتك ياولد اعذرني تعاا.. ماكمل كلامه من بحر الي صرخ بوجهه وبغضب :وش يسوي ذا الزلابه معك ! نياف بأحراج : بحر تكلم زين ذا خويي
سلمان الواقف بصدمة وراهم وجمبه اسر الي مو فاهم شي تقدم والغضب متملكة وواضح على وجه
لكن وقفه اسر الي مسكه : سلمان شفيك بعدين من ذا ؟ دف يدين اسر عنه وتكلم بغضب والله لو تقرب مني مانعني ولا مقرب من الزفت ذا لا اتوثم فيك هالليله تقدم لهم تارك اسر وراه بصدمة من عصبية سلمان وكلامه الي ماعهده منه ، تقدم من سعيِد الواقف بأستفزاز ومسكه من ياقة ثوبه ناطق بقهر : وش مطلعك انت من السجون يا ابن ال*** !!!!!
ناظر بخُبث لبحر الي كأن يأشر له بعيونه
نطق وهو يأشر بيديه على بحر الواقف والواضح عليه التوتر : بفضل حبيبنا المحقق
كمل بضحكة ما جاتني الفرصه أشكرك
لكن دام التقينا اليوم مشكور يابو متعب ماقصرت معي
لفو كلهم عليه والصدمه كانت كافيه على وجيههم
التفت سياف لبحر الي تبدَل وجهه وحاله بثواني وخذاه الشك في بحر وهو ماصدق على الله يتسامحون
لف سلمان على بحر الواقف ينتظر منه أجابه او تفسير الموقف
لكن كانت الصدمه محتله وجهه والصمت كان إجابته الوحيده
سياف لبحر : قل غيرها تكفى
، أبتسم سعيِد مستقصده : الله يجزاه خير والله ما أنسى معروفه ياسلمان
انفلت بحر على سعيِد يسدحه يضرب فيه
تحت أنظار سياف وسلمان الي تاركين بحر على راحته يضرب فيه
تقدم نياف لاخوه ينطق بذهول : وش السالفه وش تقولون انتو ؟ ، ضربه يبعده عن وجهه : اذلف عن وجهي يالخايس مخاوي لك واحد راعي بلاوي وخرابيط
نياف بخوف مسك اخوه : سياف والله ما ادري عن شي ولا اعرف ان في بينكم شي
سكت من الغصه الي داهمته
ورجع تكلم بتبرير وصوت متحشرج : والله ماني مثله انت تعرفني
مسكه مع ياقته وتكلم بصراخ : ما اعرفك يالزفت وبعد اليوم لا أنا ... سكت من الي دخل بينهم ، ( اسر الي شايف كل الي صاير ) صرخ بوجه سلمان وهو يأشر على بحر وسعيد :
بيذبحه انت راضي ! تأفف وهو يشوف برود سلمان والتفت على نياف وماتردد يدخل بينهم وهو شايف الصدق بعيونه
دخل بينهم مبعد نياف عنه وتكلم بصوت عالي عشان ينتبه له : سياف هد تكفى ورح لبحر لا يذبحه ، ابتعد سياف وهو يتوعد بأخوه
نياف الي مصدوم من كل الي صار هو صدق مايعرف عنه شي ولقاءهم كان صدفه ومذهول وحزين من حياته الي كلها مشاكل واغلبها دون قصد منه كأن الحياة تجبره يصير كذا ، تكلم بحزن وهو اكثر شي يتمناه الحين مُعجزه تبريِه : آسر والله العظيم ما اعرفه ولا جبته متعمد ، مسكه آسر من كتفه وهو يحاول يهديه : اعرف هد انت الحين ولا تلومهم وحنا مانعرف شي عن الموضوع
سياف قرب من بحر يسحبه مبعده عن سعيد الي طايح والدم متناثر على وجهه وجه ويتنفس بتعب
سحبه سياف من ياقته وهو يرفعه ويتكلم بتهديد : أبعد عن اخوي لاتطيحه بخرابيطك الوصخه هذي
ومكان جيت منه اذلف له لاتشوفك عيني هنا لا امسح فيك الأرض واكمل الي ماكمله بحر
ودفه بعيد وهو يصرخ بحده : اذلف يلا ،
تحرك مترَنح ومشى بتعب تاركهم يتوعد فيهم
..حرك سيارته وراح
صرخ بحر بوجهه : بسس ذا الي قدرت عليه تتركه يروح كذا ؟ يوممم انك رخمه ليه تبعدني عنه ؟ لييه ياحمار تكلم وهو ماشي مبعد عنهم وصرخ بقهر
: والله ما اخليه كمل كلامه موجهه لسلمان الواقف وقهره مايقل منه : وانت اذا بيرضيك قتله والله لا اقتله
..ركب سيارته والتفت للي فتح الباب وركب
تكلم بعصبيه : انزل
نياف بتردُد : ماني نازل ، عندي الي أحاسبه فيه قبل لاتقتله
حَرك بسرعة كبيرة وهو يتوعد فيه ونياف بجانبه : والله ماتروح مني ياسعيد والله يالواطي مايعدي اليوم ذا على خير يا ذابح يامذبوح
صرخ سياف على سلمان وهو يشغل سيارته يتلاحقه : اركب اركب انت وياه
انتهى
