ព័ត៍មាន៖
«បែកធ្លាយរូបភាពកូនស្រីអ្នកជំនួញធំ ដែលគេស្គាល់ច្បាស់ជាម្ចាស់ក្រុមហ៊ុនឡាន រួមទាំងជាម្ចាស់ភាគធំនៃក្រុមហ៊ុនទឹកអប់ម៉ាក់ល្បីមួយ ធ្វើរឿងមិនគប្បីនៅក្នុងបន្ទប់ទឹកសាធារណៈ....»
ព័ត៌មាន៖
«មនុស្សស្រីម្នាក់នោះមានឈ្មោះថាអ.ណត្រូវបានគេសង្ស័យថាមានទំនាក់ទំនងស្នេហាជាមួយលោកប្រធានគ្រប់គ្រងសាខាទឹកអប់ដែលខ្លួនធ្វើការជាមួយ ព្រមទាំងធ្វើរឿងមិនគប្បីជាមួយគ្នា...នេះជារូបភាពដែលមានមនុស្សថតបាន »
«ខណ:ពេលនេះភាគហ៊ុនក្រុមហ៊ុនគីម គ្រុបកំពុងតែធ្លាក់ចុះខ្លាំង បើតាមអ្នកជំនាញវិភាគ ភាគហ៊ុននឹងបន្តធ្លាក់ចុះជាបន្តបន្ទាប់ទៀត បើគ្មានការចេញមុខបកស្រាយពីភាគីណាមួយបន្តទៀត»
"ជុងហ្គុក រឿងកាន់តែធំ ឯងឆាប់មកក្រុមហ៊ុនឥឡូវនេះ"ហ៊ូសុកតេមកតឿន នាយបានផ្ញើរសារប្រាប់ជុងហ្គុកពីព័ត៍មានតែនាយបានអាន
"បងកុំស្លន់ ខ្ញុំមានផែនការសម្រាប់ទប់ស្កាត់រឿងនេះ"
"តែយ៉ាងណាឯងឆាប់មក អ្នកកាសែតមកមុខក្រុមហ៊ុនច្រើនណាស់"
"ខ្ញុំដឹងហើយខ្ញុំកំពុងតែចេញទៅ"ជុងហ្គុកប្រញាប់ស្ទុះចុះទៅស្លៀកពាក់ មើលទៅនាយមិនស្លន់ មិនភ្ញាក់ផ្អើល ថែមទាំងត្រៀមខ្លួនរួចរាល់ទុកជាមុន
"ថេយ៍..ព្រឹកនេះ អូននៅជាមួយបងប្រុសណាំជូនសិនណា"ជុងហ្គុកងាកមកប្រាប់ថេហ្យុង ព្រោះនៅក្រុមហ៊ុននាយមានរឿងដោះស្រាយយកគេទៅច្បាស់ជាមានអ្នកសួរនាំធ្វើអោយរឿងកាន់តែធំ
"បាទ!តែពូទៅណា?"
"ពូទៅធ្វើការ ចាំថ្ងៃត្រង់ពូមកញ៉ាំជាមួយវិញណា" ជុងហ្គុកងាកមកលា ស្រាប់តែងាកទៅវិញភ្ញាក់ព្រឺតនឹងវត្តមានមនុស្សស្រីនៅចំពោះមុខនាយ មិនស្មានថាមានរឿងធំថ្នាក់ហ្នឹងនាងនៅមានមុខចេញមកខាងក្រៅបានទៀត?
ទៅដល់ក្រុមហ៊ុន ជុងហ្គុកទៅរៀងយឺតបន្តិចព្រោះតែរវល់និយាយជាមួយអាន់ណាទៅដល់ក៏មានអ្នកកាសែតមករោមនាយជិត
"សុំទោស!តើមនុស្សប្រុសក្នុងរូបនោះជាលោកពិតមែនទេ?"សំណួរដំបូងធ្វើអោយជុងហ្គុកគាំងតែម្ដង នេះជាអ្នកកាសែតដែលមានវិជ្ជាជីវ:ឬអត់ ?
