👑ဘုရင့်မူပိုင်👑
Segment 👑10👑
“ရော့ အိတ်.....”
လက်ဂေ့ခ်ျကြီးချပေးရင်းမှ
ဘုံ့ကို သူ့အတွက်အဝတ်တွေထည့်ခိုင်းနေ၏။
ခရီးသွားမှာဆ်ုတော့သူကိုယ်တိုင်လိုအပ်တဲ့
ဟာတွေထည့်ရင် ပြီးမသွားဘူးလား???
“အဆင်မပြေဘူးအစ်ကိုလေး...
ယောင်္ကျားလေးတစ်ယောက်
ခရီးသွားရင်ဘယ်လိုပုံစံမျိုးလိုအပ်လဲဆိုတာ
ဘုံမသိဘူး.....ဒါမို့ ကိုယ့်ဟာကိုယ်ပဲထည့်လိုက်ပါ.....”
“ကြည့်ကြပ်ထည့်လိုက်ပါ မင်းအဆင်ပြေရာပေါ့....”
ပြောပြီးကုတင်ပေါ်လှဲကာ ခေါင်းအောက်လက်ထည့်၍ဘုံ့ကိုကြည့်နေတာမို့ ကြက်သီးထမိသည်။
ဒီလိုမျိုးကြီးမကြည့်လို့မရဘူးလား???
ဗီဒိုဖွင့်ရင်းအဝတ်တွေရွေးနေပေမဲ့
စိတ်တို့ကတော့အစ်ကိုလေးဆီမှာသာ
ရောက်နေရင်းမှ ကျောမလုံ....။
မသိမသာလေးလှည့်ကြည့်လိုက်မိတော့
ထိုအတိုင်းမလှုပ်မယှက်ဘုံ့ကိုအကဲခတ်နေပြန်တယ်...။
အမြန်ပြီးအောင်လုပ်ပြီးသွားရန်စဉ်းစားမိတာကြောင့်
မျက်စိထဲမြင်တဲ့အဝတ်တွေကိုထုတ်ကာ
စီစဉ်လိုက်တော့ အစ်ကိုလေးက ထုတ်ထားပြီးသား အဝတ်ခုနှစ်စုံကိုကြည့်ကာ နှုတ်ခမ်းတွန့်ရင်းမှ
“ပြီးစလွယ်လုပ်ထားမှန်းသိသာလိုက်တာ....
ပြန်ထုတ် ဒါတွေငါသဘောမတွေ့ဘူး.....”
“ပြောပါတယ် ဘုံ မလုပ်တတ်ပါဘူးဆို....”
“ထုံးစံအတိုင်းလုပ်နေတာကရော.....”
ဘုံ တံတွေးလေးမြိုချရင်းမှ
သူ့ကိုမသိမသာကြည့်ကာ
သက်ပြင်းချမိ၏။
ဘာဖြစ်လို့ဒီလောက်ကပ်တီးကပ်ဖဲ့နိုင်တာလဲမသိပေ..။
ဘုံ ဒီတစ်ခါတော့တစ်ကြိမ်ထဲနဲ့ပြီးအောင်
သူကြိုက်လောက်မဲ့တီရှပ်တွေနဲ့အတူ
ဘောင်းဘီရှည်တွေပနံသင့်အောင်ထုတ်လိုက်သည်။
အရင်ဟာတွေကိုပြန်ထည့်ရင်းသူ့ကိုကြည့်ခိုင်းတော့
ခေါင်းညိမ့်တာကြောင့် လက်ဂေ့ခ်ျထဲထည့်ပေးလိုက်၏။
“အဲ့တာဆိုဘုံ အောက်မှာကြီးမေလိုအပ်တာ
သွားလုပ်ပေးလိုက်အုံးမယ် နောက်ရက်တွေအတွက်....ပြီးတော့ အဝတ်လဲထည့်ရအုံးမယ်”
YOU ARE READING
👑ဘုရင့်မူပိုင်👑 {Complete}
Romanceကျန်တာတွေမလိုတဲ့ကိုယ့်ဘဝမှာ မင်းရှိရင်ရပြီ ကိုယ်ရဲ့မူပိုင်လေး💞💞
