👑ဘုရင့်မူပိုင်👑 {Complete}

👑👑2 Uni👑👑

👑ဘုရင့်မူပိုင်👑

                Segment 👑2👑

ဘာကိုကျေးဇူးတင်လို့တင်မှန်းမသိပဲ
ဘုံ ခေါင်းလေးတစ်ချက်ကုတ်ရင်း လူနှစ်ယောက်
ပိုနေပြီဖြစ်တဲ့မီးဖိုခန်းထဲကိုမဝံ့မရဲလေးဝင်လာခဲ့သည်။
ကြီးမေက ဟင်းတွေကိုမယ်မယ်ရရပြင်ဆင်ပေးနေသလို ပီကေတဖောက်ဖောက်ဝါးနေတဲ့
ကိုလူချောကလဲ ဘုံ့ ကိုသာခပ်လျောလျောမှီထိုင်ရင်း လှမ်းကြည့်နေတာမို့ ရင်တွေဖိုရပါ၏။
ဒီလူကဘယ်လိုကြီးလဲ ကိုယ်နဲ့လဲမသိပဲနဲ့
လူကိုစိုက်ကြည့်နေတာက ပိုင်စိုးပိုင်နင်း.....

အခွေလိပ်ကြီးတွေဖြစ်နေတဲ့
ဆံပင်ထူထူတွေကနက်မှောင်နေ၏။
သို့ပေမဲ့ အကြည့်မပျက်တဲ့ထိုလူကြောင့်
ပူအိုက်လာသလို အရှေ့ရောက်ချင်နေတဲ့
ကေသာတွေကို အနောက်ကိုမသိမသာ
ပို့ချလိုက်သည်။
ဖျက်ခနဲအေးမြသွားတဲ့လေလေးကြောင့်
ဂုတ်တွေအေးသွားပေမဲ့ ရင်ထဲကတော့
အေးမသွားခဲ့ပါဘဲ!!!

နီညိုရောင်ချည်အင်္ကျီခါးတိုလေးကို
ထမိန် နီညိုရောင်နဲ့တွဲဝတ်ထားတာမို့
ဝါဝင်းနေတဲ့အသားအရေတွေ
ထင်းရင်းနေသလို ညက
မြင်လိုက်မိတဲ့မီးတိုင်အောက်ကမိန်းကလေးမှန်း
မျက်မှန်းတန်းမိတာနဲ့ဘာရယ်မသိ
စိတ်ထဲကြည်နူးမိ၏။
သူမကတော,ကတက်လာတယ်‌ဆိုတော့
ဘာအတွက်လာတယ်မတွေးမိပေမဲ့
သူတို့အိမ်မှာ
ဝေယျာဝစ္စလာလုပ်တယ်ဆိုတာ သူအခုတော့
နားလည်လိုက်ပြီ....။

စက္ကန့်မခြားစိုက်ကြည့်နေမိတဲ့
မျက်ဝန်းတွေကမဝံ့မရဲဟန်မရှိပေမဲ့ ထမင်းစားခန်းထဲကို
လှမ်းဝင်လာတဲ့ မမတို့လင်မယားနဲ့အတူ
တော်ဝင်ကပါရောက်လာတာကြောင့်
သူ့အကြည့်တွေ ပါဝါပိတ်သွားရသည်။
မဟုတ်ရင် မမကတစ်မျိုးတွေထင်ပြီး
လိုရာတွေဆွဲတွေးနေအုံးမယ်!!?

တကယ်တော့လှလို့ကြည့်တာဝန်ခံပေမဲ့
မြင်မြင်ချင်းကြွေဆင်းမြေခင်းသွားလို့တော့
မဟုတ်ပါ.....။
ပီကေကအချိုကုန်သွားပေမဲ့လဲ
ထောင့်လေးမှာတောင့်တောင့်လေးရပ်ကာ သူတို့စားနေတဲ့ဝိုင်းကို
မဝံ့မရဲကြည့်နေတဲ့သူမကြောင့်
အချိုဓာတ်တွေတိုးနေသည်ထင်၏။