👑ဘုရင့်မူပိုင်👑
Special mini part
အချိန်တွေယူပြီးချိန် မင်းသူကဝန်ခံသလို သူ့အမျိုးတွေကလဲ အားလုံးတစ်ယောက်ဝန်ခံကုန်ကြကာ သူတို့ပြန်လျော်ပေးလိုက်ရသော လူတွေအားလုံးက
မင်းသူနဲ့တစ်နည်းနည်းပတ်သတ်နေတဲ့
လူတွေဆိုတာသိလိုက်ရလေ၏။
ဒေါ်နန်းမဟာ သွေးတက်တာမို့
ရှုဆေးဘူးလေးရှုရင်း သက်ပြင်းရှည်ကြီး
ချကာ နှစ်ရှည်လများလိမ်ခံလာရသော
သူမတို့အဖြစ်ကိုပြန်တွေးရင်း
ကြိတ်မနိုင်ခဲမရဖြစ်မိသည်။
အမှန်ဆိုနောက်ကြောင်းကိုလိုက်စုံစမ်း
ခဲ့သင့်တဲ့သူမက သမီးဖြစ်သူသဘောကျတယ်ဆိုတာနဲ့ တန်းပြီးခေါင်းညိမ့်ပေးလိုက်ခဲ့မိတဲ့အဖြစ်!!!
ဒီကောင်လေးစရောက်တုန်းက ရိုးရိုးအေးအေး လိမ်မာတဲ့တစ်ကောင်ကြွက်လေးမို့ သူမတို့အကြင်နာပိုခဲ့မိသလို
တစ်အိမ်လုံးကိုလိုက်ပတ်သတ်နေတာ
အခုမှပဲသိရတာမို့ ရင်ထဲမှာ
ဘယ်လိုမှကိုနေလို့မကောင်းပေ!!
နောက်ဆို ကျန်ရှိသေးတဲ့ဘဝသက်တမ်းမှာ လူတိုင်းကိုအယုံမလွယ်မိစေဖို့
သူမကြိုးစားရပေမည်။
အတွေးတို့ဖြင့် နှီးယပ်တောင်
တဖျပ်ဖျပ်ခတ်နေတော့
အနားရောက်လာတဲ့ဘုံက သစ်သီးလှီးထားသောပန်းကန်လေးကို သူမရှေ့
တိုးပေးရင်းမှ ဘေးမှာဝင်ထိုင်ကာ
“သခင်မကြီး သစ်သီးစားပါဦး....
စိတ်ညစ်နေတော့အသီးစားလိုက်ရင်
နည်းနည်းလေးသက်သာမလားပဲ......"
ဘာမှမဆိုင်ပေမဲ့လဲ သူမရဲ့စေတနာတွေနဲ့ဆိုရင်တော့ သက်သာချင် သက်သာနိုင်လိမ့်မည်။
ဒေါ် နန်းမဟာယူစားရင်းမှ အေးချမ်းတဲ့
သူမမျက်နှာကိုနောင်တများစွာနဲ့
ကြည့်လိုက်မိသည်။
သူမသာအတ္တမကြီးခဲ့ရင်!!!
ဒီမိန်းကလေးကိုချွေးမအဖြစ်
ကြည်ကြည်ဖြူဖြူလက်ခံပြီး ဘုရင့်ကို
သူမသားအဖြစ်ပဲနေစေခဲ့ရင်!!
ကိစ္စတွေဒီလောက်ထိရှုပ်ထွေးပြီး
ကြောက်စရာကောင်းသွားမှာမဟုတ်!!
အခုတော့ သူမရဲ့ခြေလှမ်းတွေက
နယ်ကျွံခဲ့လေပြီ....။
တစ်ပြားမှကိုအဖက်ဆယ်လို့မရပဲ
သမီးဖြစ်သူကိုပါဆုံးရှုံးလိုက်ရသည်။
ဒါဟာတလွဲမာနတွေထားခဲ့မိလို့ပါပဲ!!
YOU ARE READING
👑ဘုရင့်မူပိုင်👑 {Complete}
Romanceကျန်တာတွေမလိုတဲ့ကိုယ့်ဘဝမှာ မင်းရှိရင်ရပြီ ကိုယ်ရဲ့မူပိုင်လေး💞💞
