المسبحة (تراث الاجداد )

الحلقة السادسة والاربعون

المسبحة (تراث الاجداد)
بقلمي انا حوراء حسن
لاتنسون التعليق على الفقرات والتصويت
أضافة حسابي انستا
________________________________

<قطر الندى>

خبر حَمل خديجة ملئ البيت سعادة وفرح الكُل جان طاير من الفرحة بهذا الخبر خاصة جدي بقى حاضنها ويردد بأذنها كلمات حانية
الشيخ رضوان:- عزيزة الحَسن حأمل يالحَسن تعال وبارك لبنتك.

أنهارت خديجة بحضنة من البجي بس هو بقى يمازح ويايها حتى تضحك أشر على قحطان وأردف بمزح
الشيخ رضوان:- شايفة لو تبقين كاعدة يم هذا أخوج الا يطلع طفلج عاقد حاجيبه ومغنتب على الرايح والجاي

ضحكوا الكُل وشارك عمران وأردف بتأييد لجدي
عمران:- شنو مغنتب بوية غير يطلع شقاوة وياهو يلزمه يدگه دگ أسأل مجرب ولا تسأل عليم

رد عليه الياس بسخرية
الياس:- المثل يكول أسأل مجرب ولا تسأل حكيم مو عليم

عمران:- هسه شكو تعلق على الحرف الواحد خطٔا أملائي لا تركز عليه

تدخل عز الدين وسحب خديجة من يم جدي وباسها براسها وبارك الها حملها كدام الكُل خزره قبيل وأردف بعصبية مصطنعة
قبيل:- وين الأخلاق وين المستحة ولك أخوانها سبعة واگفين شنو مو بعينك؟ 

عز الدين:- لا بخشمي مرتي وحلالي ما أعتقد أحد عنه حجاية وياي مو عمي شاهر؟ 

شاهر:- حلالك ما گلت بأطل بس أحترم أخوانها لانوب يهدون عليك وذاك الوگت أني ما أدخل ترا

تقدم قحطان وسحبها من حضنه وخزرة وهذاك ميت من الضحك تحسه يتعمد يسوي هيج اشياء كدامهم بس حتى يضوجهم ويقهرهم لان يعرف بيهم يغارون على خواتهم حتى من ازواجهن

عاطت خديجة بجزع واردفت بعصبية
خديجة:- كافي ولكم شبيكم وياي كل شوية واحد مجرجرني لمكان خضيتوني خض.

عمران:- ماراضية الخانم هو أنتِ وين لاكية واحد يتعارك عليج؟
خفت لهلوجه

خديجة:- خفت لوجهك الفسيفس خطية أنتِ باقي بالضيم محد يدري بحالك

عمران:- خاب دطيري هو غير الدنيا مخبوصه عليه خبص بس اني ما أحجي

خديجة:- ومنو هذا الناقص عقل الي خابص روحه عليك

عمران:- كُلها والله تتمناني وتتمنى رضايي

خديجة:-هسه غير يستقر جلالة السلطان سليمان

عمران:- قابل هو أحسن مني

عطت بضيق
قطر الندى:- ولكم كافي ما تملون عرك ونگرة شبيكم

عمران:- أختِ الجبيرة مااكدر أحجي شي وياج تسكتني أخلاقي

قطر الندى:- ونعم من اخلاقك الي ماشايفين منها بس أسمها