Unicode
" လခွမ်းပဲဟေ့ ၁၅ မိနစ်ပဲ ကျန်တော့တယ် .. ဒီလောက်အစောကြီး ထွက်လာတာကို လူကျပ် နေတယ်ကွာ နောက်ကျတော့မှာပဲ "
လိုင်းကားပေါ်တွင် မတ်တပ်ရပ်ရင်း နာရီတကြည့်ကြည့်ဖြင့် စိတ်မောနေရ၏။ ဒီမီးပွိုင့်မှာတင်
အတော်ကို ကြာနေပြီ၊ ရောက်ခါနီးမှ ကြာနေသ
ဖြင့် ဆွေးမြေ့ စိတ်ညစ်နေပြီ၊ ရှေ့ဆို The Rainbow အဆောက်အဦးကြီးကိုတောင် ရေးရေးမြင်နေရပြီ။ သူဆက်၍မစောင့်နိုင်တော့သဖြင့် ဆင်းရန် အချက်ပြကာ အသော့နှင်တော့၏။ တင်ပါးနဲ့ ဖနောင့် တစ်ထပ်ထဲကျအောင်ပြေးရတော့သည်။
လမ်းမပေါ်က BMW ကားအနက်ကလေးဟာလဲ အပြေးသမားနဲ့ထပ်တူမောင်းနှင်နေ၏။
လင်းညှို့ကားဘေးသို့တစ်ချက်ကြည့်ကာ
" မာရသွန်တောင်ပြိုင်လိုက်ဖို့ကောင်းတယ် "
" ဗျာ .. boss "
" ဘာမှမဟုတ်ဘူး မြန်မြန်မောင်း "
" Yes boss "
နောက်ဆုံးတော့ ကားအမဲလေးက အပြေးသမားလေးကို ကျော်တက်သွားပြီ။
" ဟူးး ... ဟင်းး "
မှန်တံခါးတွေ အပြည့်ကာရံထားတဲ့ ၁၀ ထပ်ရှိသော အဆောက်အဦးကြီးရှေ့တွင် ဟောဟဲ
ဆိုက်ကာ အမောဖြေနေရ၏။ နာရီကို ကြည့်
လိုက်တော့ ၈ နာရီ ၅၅ ။
" ဟူးး ... တော်ပါသေးရဲ့ "
မလာခင်က ပြင်ဆင်လာခဲ့သမျှက ခုတော့ အတော်ကို ဖရိုဖရဲ ဖြစ်နေလေပြီ ။ အနေအထားပြင်လိုက်ပြီးမှ အထဲသို့ဝင်ခဲ့လိုက်၏။ ဝင်ဝင်ခြင်းမှာပဲ The Rainbow ဆိုတော့ စာတန်းကြီးနဲ့ ကြီးမားသော ကောင်တာတစ်ခုကိုရှိသည်။ ဆွေးမြေ့လဲ ကောင်တာထံ ခပ်မြန်မြန်သွားလိုက်ပြီး
" မင်္ဂလာပါ ဗျ Marketing က အသစ်ဝင်တဲ့ ဆွေးမြေ့အိမ်ပါ "
" အော် မောင်လေးက ဆွေးမြေ့အိမ်လား အမက ရတီမိုးပါ "
" အာ ဟုတ်ကဲ့အမ "
" ရော့ရော့ ဒီမှာ finger နိုပ်လိုက်အုန်း "
" ဟုတ်ကဲ့ "
" ပြီးရင် ၇ ထပ်ကို တက်သွားလိုက် အဲက စာရေးမတွေက လိုအပ်တာပြောလိမ့်မယ် "
YOU ARE READING
မှိုင်းညှို့အိမ် ( Complete)
RomanceWarning ⚠️ ပေးတာမို့ Sensitive ဖြစ်လျှင်ကျော်ဖတ်ပါရန် မေတ္တာရပ်ခံအပ်ပါတယ် Party တစ်ခုမှ ဆေးမိပြီး လူတစ်ယောက်နဲ့အိပ်ခဲ့မိတယ်။ အဲလူက ကျွန်တော့်အလုပ်ရှင်ဖြစ်နေတယ် ၊ ကံကောင်းတာတစ်ခုက သူက ကျွန်တော့်ကို မမှတ်မိဖူး ။ စိတ်မရှည်တဲ့ CEO နဲ့ ပြာယာခပ်ပြီး မဟု...
