" ရောင်ဖြာ ... အချစ်ကလေး နေကောင်းသွားပြီလား "
သူငယ်ချင်းတွေဆုံကြတုန်း သုန်သုန်ကမေးသည်။ အရင်တခေါက်က သူနေမကောင်းလို့ ဒီကိုမလာဖြစ်တာ သုန်သုန်တို့သိသွားကြတာ။
" ကောင်းသွားပါပြီ "
" နင်နေကောင်းပြီဆိုတော့ ငါတို့မေးစရာရှိတာမေးရအုံးမယ်။ အဲ့တုန်းက ငါဖုန်းဆက်တာ နတ္ထိဆိုတဲ့ဘိုးတော်က ဘာလို့လာကိုင်တာလဲ "
ဒီဘူတာပဲလာစိုက်မယ်ဆိုတာ ရောင်ဖြာသိပါ၏။ အရင်တခေါက် သူနေမကောင်းတုန်းက မောင်ကသူတို့မြို့ထိလိုက်လာပြီး ဆေးခန်းပို့ပေး၊ ဘေးမှာအတူနေပေးနဲ့ နောက်ရက် သူအဖျားကျပြီး နေပြန်ကောင်းမှပဲ ပြန်သွားခဲ့တာပင်။
ဆေးအရှိန်ကြောင့် သူအိပ်ပျော်နေတုန်း သုန်သုန်ကဖုန်းလှမ်းဆက်တာကို မောင်က ဖုန်းကိုင်လိုက်တာဖြစ်ပါ၏။
" နင်က သူမှန်းဘယ်လိုသိလဲ "
" ဟဲ့ သိမှာပေါ့။ နင့်အသံမဟုတ်လို့ ငါကသူ့ကိုဘယ်သူလဲလို့မေးတာကို အဲ့ဘိုးတော်က ဘာပြန်ဖြေတယ်ထင်လဲ "
ရောင်ဖြာ မသိကြောင်းခေါင်းခါပြလိုက်သည်။ မောင် သူ့ကိုပြောတုန်းကတော့ သုန်သုန်ကဖုန်းဆက်တယ်။ မင်းအိပ်နေတယ်လို့ပြောလိုက်လို့ ဖုန်းချသွားတယ်ဆိုပြီးသာ ပြောခဲ့သော်လည်း သူမသိလိုက်တာတွေ ရှိအုံးမယ်ထင်။
" အမလေး ! သူက လင်းရောင်ဖြာရဲ့တစ်ဦးတည်းသောသူတဲ့ ! နာမည်ကနတ္ထိတဲ့ ! အခု လင်းရောင်ဖြာက သူ့ကြောင့်နေမကောင်းဖြစ်နေလို့ အိပ်ပျော်နေတယ်တဲ့လေ !! ငါ့မယ် အောင့်သီးအောင့်သက် ... သားလေး နင့်လူပျိုစင်ဘဝလေး ပါသွားပြီလား "
သုန်သုန်မေးလာတဲ့စကားကြောင့် ရောင်ဖြာ ရှက်သွေးဖြာသွားပါ၏။
" မဟုတ် ... မဟုတ်ပါဘူးဟာ။ ငါနေမကောင်းတာဟုတ်တယ်။ သူကလည်း ငါတို့ဆီရောက်နေတာနဲ့ကြုံလို့ ... "
" ဪ လမ်းကြုံဝင်ဂရုစိုက်ပေးတာ။ နေမကောင်းဖြစ်တဲ့အထိပေါ့ "
" ငါက ငါ့ဘာသာနေမကောင်းဖြစ်တာပါ။ သူနဲ့မဆိုင်ပါဘူး။ နင်ထင်နေသလိုလည်း မဟုတ်ဘူးရယ်။ ငါနေမကောင်းလို့ သူကဆေးခန်းလိုက်ပို့ရုံတင် "
YOU ARE READING
ရင်ခုန်သံ နတ္ထိ { Completed ✅ }
Teen Fiction✨ Own Creation ✨ နတ္ထိ + လင်းရောင်ဖြာ {Shared Universe 2} Start at ... Aug 5 , 2024 End ... Nov 10 , 2024 Boy love This story is written with both Unicode and Zawgyi
