" မောင်လေး ... ဟိုမှာနင့်လူ "
ရောင်ဖြာတို့ ကျောင်းကန်တင်းမှာမစားချင်တာကြောင့် ကျောင်းအပြင်ဘက်ရှိ Food Yard ကိုထွက်လာတုန်း သူငယ်ချင်းဖြစ်သူ ဆုနိုက လက်တို့ကာပြောလာတာဖြစ်သည်။
သူငယ်ချင်းမလေးညွှန်ပြတဲ့နေရာကိုကြည့်လိုက်တော့ နတ္ထိက Lamborghini Reventon အနက်ရောင်ပေါ်ကနေ ဆင်းလာတာကိုတွေ့ရသည်။ သူကြည့်လိုက်တော့ နတ္ထိက ပြုံးပြလာ၏။
" ချောလိုက်တာဟယ်။ အဲ့ဒါ ငါ့ကိုပြုံးပြနေတာပဲဖြစ်ရမယ် "
" ဟဲ့ ဗရုတ်သုတ်ခ ... အဲ့ဒါ ငါ့ကိုပြုံးပြနေတာပါနော်။ သူ့အကြည့်တွေရဲ့လားရာက ငါနဲ့တည့်တည့်ပဲ တွေ့လား "
သူတို့ဘေးနားက အသံထွက်လာတော့ ရောင်ဖြာ ဘေးကိုကြည့်မိသည်။ အသံပိုင်ရှင်က ကျောင်းရဲ့ ကွင်းစကွက်က မိန်းကလေးတွေပဲဖြစ်ပါ၏။
ကွင်းဆိုလို့ King Queen တွေလို့မထင်ပါနဲ့။ အဆင်မှန်သမျှ မျက်လုံးမီးတောက်တွေနဲ့ကြည့်ပြီး ပါးစပ်ကြီးနားရွက်ချိတ်မတတ် ပြုံးဖြီးနေတတ်တဲ့အပြင် စွာလည်းစွာ အသံလည်းအောင်တာမို့ သူတို့ကိုဆို ရှောင်ကွင်းသွားကြရင်း ထိုသို့နာမည်တွင်လာခြင်း ...
🎶 ဗာစတီက ... ဖိုင်နယ်က ... တစ်ခုတော့ဖြစ်မယ်
ဆံပင်ရှည်လေးနဲ့ ဂျင်းဝတ်လည်း
လမ်းသရဲမဖြစ်နိုင် ...
သူ့အရပ်နဲ့ သူ့စတိုင်က မိတယ်မိုက်တယ်
ဒီလိုဆို အပြတ်အခိုက်ကြိုက်လိုက်မလား
အေး ... ငါတော့ကြိုက်တယ်ဟေး ... 🎶
သီချင်းဖျက်ဆိုနေတဲ့ ကွင်းစကွက်ရဲ့အသံကိုကြားတော့ ရောင်ဖြာ မျက်လုံးလှန်လိုက်မိသည်။ စိတ်ထဲကနေလည်း
~ ဗာစတီကလည်းမဟုတ် ဖိုင်နယ်ကလည်းမဟုတ် လမ်းသရဲလည်းမဟုတ် ဘွဲ့ရပြီး လုပ်ငန်းတစ်ခုကို ဦးစီးဦးဆောင်ပြုနေတဲ့ အမျိုးကောင်းသား၊ ငါ့ရဲ့ အနာဂတ်အမျိုးသားကောင်းပါနော် ... ဟုတ်ပြီလား ~
ရောင်ဖြာ ခပ်ချဉ်ချဉ်တွေးလိုက်ပြီးမှ သူတို့နှစ်ယောက်ဟာ လမ်းခွဲထားကြမှန်း သတိပြန်ရလေသည်။ သူက နတ္ထိကို စိတ်နာနေတာလေ ... ဘာတွေလျှောက်တွေးနေရတာတုန်း !!!
YOU ARE READING
ရင်ခုန်သံ နတ္ထိ { Completed ✅ }
Roman pour Adolescents✨ Own Creation ✨ နတ္ထိ + လင်းရောင်ဖြာ {Shared Universe 2} Start at ... Aug 5 , 2024 End ... Nov 10 , 2024 Boy love This story is written with both Unicode and Zawgyi
