" ဟျောင်း စိတ်ပျော်စရာရှိလို့လား .. ဒီနေ့ပြုံးနေသလိုပဲ "
ဆောနူက ရေခဲမုန့်ကို ပြုံးကာ စားနေရင်း မေးလာတော့ ဂျယ်ယွန်းအသံထွက်ကာ ရယ်လိုက်မိပါသလို နီရှီမူရာကလည်း မျက်လုံးလေးလှန်လို့ အထူးတဆန်းကြည့်လာသည်။
" ဟုတ်လား .. ပုံမှန်ပါပဲ "
" ပုံမှန်ပါပဲဆိုတာကို မျက်နှာကြီး ပြုံးပြီးပြောနေတာ သိပ်မဟုတ်သလိုပဲ "
နီရှီမူရာက ဝင်ပြောလာတော့ ဂျယ်ယွန်း မျက်စောင်းလေးဝင့်လိုက်သည်။သူ့ကို ဒီကလေးနှစ်ယောက် အနားခေါ်ပြီး အနိုင်ကျင့်နေတာမဟုတ်ဘူးလား။
" ငါ့ကိုစနေတာတော်တော့ .. ဘာလို့ ချိန်းတာလဲ "
" ကျွန်တော်တို့ လက်ထပ်တော့မလို့ "
နီရှီမူရာက ဆင်တူလက်စွပ်ရှိနေတဲ့ ဆောနူ၏လက်ကို ဂျယ်ယွန်းမြင်အောင် မြှောက်ပြလို့ ပြောလာခဲ့သည်။ဂျယ်ယွန်း အံ့ဩသွားကာ ဘာပြောရမှန်းမသိဖြစ်နေခဲ့ပြီးမှ ရယ်ချလိုက်မိသည်။
" မင်းတို့ တကယ် .. ဘယ်တော့လဲ ဘယ်တုန်းက လက်ထပ်ခွင့်တောင်းလိုက်တာလဲ ငါလည်း ဘာမှမသိရပါလား "
" အဲ့ကလေးလေ မပြောမဆိုနဲ့ လက်ထပ်ကြရအောင်ဆိုလို့ ပြင်ဆင်နေတာ ၁လလောက်ပဲရှိသေးတယ် .. မင်္ဂလာဆောင်က ၃လလောက်ကြာဦးမှာပါ အဲ့တာ ဟျောင်းကို မေးစရာလေးတွေရှိလို့ "
ဆောနူက ကုန်သွားပြီဖြစ်တဲ့ ရေခဲမုန့်ပန်းကန်လေးကို ဘေးတိုးလို့ အခြေအနေများကိုရှင်းပြလျှက် အလေးအနက်ပုံစံဖြင့် မေးလာလေသည်။
" ပွဲပြင်ဆင်တာနဲ့ပတ်သက်ရင်တော့ ဟီဆွန်းကို မေးပေးမယ်လေ ငါတို့မင်္ဂလာဆောင်တုန်းက သူပဲအကုန်စီစဉ်တာဆိုတော့ "
" မဟုတ်ဘူးဟျောင်း ဟန်းနီးမွန်းလေ ဘယ်သွားရမလဲလို့ အကြံတောင်းချင်လို့ .. ဟျောင်း သွားခဲ့တုန်းကရော ဘယ်နိုင်ငံတွေလှလဲ .. သွားချင်တဲ့နိုင်ငံက အရမ်းများနေတော့ ဆုံးဖြတ်ပြီး သွားမှရတော့မှာ "
" honeymoon? "
ဂျယ်ယွန်း သံယောင်လိုက်ကာ ရေရွတ်လိုက်သည်။ပြီးမှ မှတ်ဉာဏ်ထဲ ပြန်စဉ်းစားကြည့်တော့ ဘာမှရှိမနေ။
YOU ARE READING
심
FanfictionSomeone call the doctor 난 그가 필요해 하루도 난 버틸 수 없어 벗어나고 싶지 않은 천국 같은 너 긴긴 이 덫은 아름다워 Overdose - EXO -
