Warning: this chapter contains sexual contents
" Darling တူးကုန်ပြီလေ .. အာရုံက ဘယ်ကိုရောက်နေတာလဲ "
ဆူပူသံလေးနှင့်အတူ ဟီဆွန်းလက်ထဲက ကတ်ကြေးနှင့် ညှပ်ကလေးဟာ ဆွဲယူခံလိုက်ရပြီး အသားကင်ခြင်းတာဝန်က ဂျယ်ယွန်း၏ တာဝန်အဖြစ် လွှဲပြောင်းသွားလေသည်။
ဟီဆွန်းတို့၏ အိမ်ခြံဝင်းအကျယ်ကြီးထဲတွင် အလုပ်သမားများကို နားရက်ပေးထား၍ သူတို့နှစ်ယောက်တည်းသာရှိနေသည်။ညဦးပိုင်းမှ ကတိုက်ကရိုက် ကိုယ်တိုင် ပြင်ဆင်လိုက်ရတဲ့ ပါတီအသေးစားလေးက အဆင်ပြေပြေတော့ရှိနေ၏။ထိုင်ခုံပုလေးနှစ်ခုံနှင့်အတူ ရှေ့တည့်တည့်ရှိ စားပွဲပေါ်တွင်တော့ အသားကင်မီးဖိုနှင့် စားစရာများ တင်ထားလေသည်။ပါကင်လိုက်ချထားတဲ့ ဘီယာဘူးတွေနဲ့ ဆိုဂျူးတွေကတော့ မတို့မထိရသေး။လိုလိုပိုပို ဝယ်ထားပေမယ့် နှစ်ယောက်လုံးက ခုံမင်စွာ မသောက်တတ်၍ တကယ်ကြီး ပိုနေတော့သည်။
" သုံးထပ်သားဆိုတာ အရမ်းတူးရင် စားမကောင်းဘူး .. ဒီလိုလေး ရဲနေမှ .. အာ ~ "
ဂျယ်ယွန်းက ပြောပြောဆိုဆိုဖြင့် သုံးထပ်သားလေး တစ်ခုကို ဟီဆွန်း၏ နှုတ်ခမ်းအနား ပို့ကာ အာဟု ရေရွတ်လာသည်။ဟီဆွန်း ပါးစပ်ကလေးဟကာ စားဖို့ ပြင်လိုက်သည်ဆိုရင်ပဲ ထိုအသားကင်ကလေးဟာ ဟီဆွန်း၏ အနားကနေ ပြန်ခွါသွားတော့သည်။
" မှုတ်ပေးရဦးမယ် .. ကျွန်တော့်ဒါလင်လေး ပူသွားမှာစိုးလို့ "
ဟီဆွန်းမှာ ဟထားပြီးသော ပါးစပ်ကလေးကို ပြန်ပိတ်လိုက်ရပြီး နှုတ်ခမ်း အချင်းချင်းဖိလိုက်မိသည်။နည်းနည်း တမင်လုပ်လိုက်သလိုပဲ ?
*ဖူး ဖူး*
" ရပြီ "
နှုတ်ခမ်းထူထူလေးများကို စုချွန်၍ မှုတ်ပေးပြီး အနည်းငယ် အပူချိန်လျော့သွားတော့မှ ဟီဆွန်း နှုတ်ခမ်းအနား ပြန်လည် တိုးကပ်ပေးလာသည်။ဟီဆွန်းလည်း ဘာအတွေးမှ မရှိဘဲ ပါးစပ်ထပ်ဟလိုက်သော်လည်း ထိုအငွေ့တလူလူဖြင့် အသားကင်လေးဟာ ဟီဆွန်းနှင့် ဝေးရာကို ရောက်သွားကာ ဂျယ်ယွန်း၏ ပါးစပ်ကလေးထဲကို လုံးလုံးဝင်ရောက်သွားတော့သည်။ထို့နောက် ကြည်လဲ့လဲ့မျက်လုံးကလေးများဖြင့် အသားကို တမြုံ့မြုံ့ဝါးနေရင်း ရေရွတ်လာသည်။
ESTÁS LEYENDO
심
FanfictionSomeone call the doctor 난 그가 필요해 하루도 난 버틸 수 없어 벗어나고 싶지 않은 천국 같은 너 긴긴 이 덫은 아름다워 Overdose - EXO -
