[ SMUT ALERT!! 🚨]
" ဒီနှစ်လည်း ဒီစပျစ်သီးပဲ အလုပ်ရှုပ်နေတယ် "
ဂျေး၏ အနည်းငယ် မကျေမနပ် ဖြစ်နေသည့် ရေရွတ်သံကို ကြားရတော့ ဂျောင်ဝန်း စပျစ်သီးစိမ်းများကို ရေဆေးနေရင်းမှ ပါးချိုင့်လေးပေါ်အောင် ရယ်လိုက်မိသည်။
ဒီနှစ်တော့ သူ့ကို ဂျေးက မတားတော့ပါပေ။မတားဆို ဒီနှစ်အတွင်းမှာ ထိုနည်းလမ်းက ပိုပြီးနာမည်ကြီးလာသည်နှင့်အညီ ကောင်းသတင်းများလည်း ကြားရ၍ပင်။ဥပမာ အချစ်ရေးမဟုတ်ဘဲ စီးပွါးရေး၊ပညာရေးစသည်ဖြင့် ကောင်းသတင်းများရှိကာ ထိုသတင်းများကို ဂျေးမြင်အောင် ဂျောင်ဝန်း တမင်ပြပြနေ၍ ဂျေးက သူ့ကို တရားဝင် ခွင့်ပြုပေးထားသည်။
နာရီသံ တချပ်ချပ်က တိတ်ဆိတ်နေသည့် ဧည့်ခန်းအတွင်းမှ ထွက်ပေါ်လာနေသည်။အချိန်နီးကပ်လာလေ ဂျောင်ဝန်း အငြိမ်မနေနိုင်လေ ဖြစ်နေ၍ ဂျောင်ဝန်း ဧည့်ခန်းမှာ ငြိမ်ငြိမ် မထိုင်နေတော့ဘဲ ထမင်းစားခန်းကို ဝင်ပြီး ထမင်းစား စားပွဲကို ငုံ့ကြည့် စစ်ဆေးလိုက်သည်။သူ ခုံအောက်ဝင်တဲ့အချိန် ဖုန်မှုန့်များ မပေချင်ပါပေ။
" ကြည့်မနေပါနဲ့ ကိုယ် ကြည့်ပြီးသား .. ဘာအကောင်မှလည်း မရှိဘူး၊ဖုန်လည်းမရှိဘူး "
ဂျောင်ဝန်းနောက်မှ လိုက်လာသည့် ဂျေးက ဂျောင်ဝန်းကိုယ်လေးကို ပြန်မတ်စေပြီး ညင်သာစွာ ပွေ့ဖက်ရင်း ပြောလာသည်။ဂျောင်ဝန်း ဂျေးကို မျက်နှာချင်းဆိုင်လိုက်ကာ ပြန်လည်ဖက်တွယ်လိုက်သည်။အရပ်ချင်းသိပ်မကွာသည်မို့ သူက ဂျေးရင်ခွင်ထဲထိ ရောက်မနေပါ။ဂျေး၏ ပခုံးပေါ် ခေါင်းလေးတင်ပြီး ဂျောင်ဝန်း ဂျေး၏ ကျောပြင်ကို ပွတ်သပ်လိုက်သည်။
" ဟျောင်း "
" hum .. "
" ကျွန်တော့်ကို အရမ်းချစ်တာပဲလား .. "
" ဒါပေါ့ ဂျောင်ဝန်းကို အချစ်ဆုံးပဲ "
" အင်း .. ကျွန်တော်လည်း အများကြီး ချစ်တယ် "
ဂျောင်ဝန်း ဂျေးပခုံးပေါ် မေးလေးတင်ထားသည်ကို ဖယ်ပြီး ဂျေး၏ နှုတ်ခမ်းကို နှစ်ချက်မျှ စုပ်ယူနမ်းရှိုက်လိုက်သည်။ဂျေးက သူ့နှုတ်ခမ်းများကို အမိအရ ပြန်လည် ထွေးပွေ့လာသည်။နှုတ်ခမ်းချင်း ခွါမိချိန်မှ ဂျေးက ဂျောင်ဝန်း၏ အနည်းငယ် ရှည်နေသော ဆံပင်လေးများကို သပ်ပေးကာ နားအနောက်ကို ညှပ်ပေးသည်။
YOU ARE READING
심
FanfictionSomeone call the doctor 난 그가 필요해 하루도 난 버틸 수 없어 벗어나고 싶지 않은 천국 같은 너 긴긴 이 덫은 아름다워 Overdose - EXO -
