اقتباس تصبيرة لحد ما اخلص الفصل 🥰🥰
-أنتِ هديـة القدر ليا يا حياة .. ياريتني قابلتك من زمان كانت حاجات كتيـر أوي هتتغير ..
داعبته ممازحة كي تكسر ملل تلك النبرة السائمة في صوته وقالت بفكاهة :
-زمان ده اللي هو أمتى بالظبط ؟!!
غمغم مفكرًا بعفوية :
-يعني نقول من ٢٠ سنـة كده !!
-يعني أنا وقتها ٧ سنين ، كُنت هتحب طفلة أخرك تجيبلها بونبون !! أنت ناسي أن الفرق ما بينا ١٣ سنة ولا ايه !!
ثم عقدت حاجبيها مفتعلة الضيق بمزاحٍ :
-كبرت يا عاصي بيه !!
فرغ فاهه في ذهول وقال بعبثٍ :
-أي كبرت دي !! متهزريش ؟! بنت أنتِ اتظبطي كده بدل ما اظبطك على مزاجي الساعة دي !
انفجرت ضاحكة إثر انفعاله العذب ، وتململت بدلالٍ :
-الله !! بكذب يعني ! ١٣ سنة ولا مش ١٣ سنة !!
قال بازدراء وهو يلوم نفسه بندم :
-أنا شكلي اتساهلت أوي معاكِ إمبارح طـ ...
سدت فاهه بسرعة كي لا يكمـل جملتـه التي أصابتها بحمرة الخجل ، صارخة بضحكة كبيرة:
-عاصي بـــس !! متكملش ..
ثم اعتدلت بأعجوبة من إثر الضحك عليها وبتلك الأعين المغرورقـة :
-طيب بجد بقا ، لو كُنت قابلتنـي وأنا طفلة ٧ سنين ، وأنت شاب عشريني كده ، كنت هتتعامل معايا أزاي ؟!
أمعن النظر طويلًا بعيونها وقال بجموحٍ :
-افتكر أني كُنت هحبها بردو ، لأن سحر العيون الحلوة دي مش بتعترف بالسن .
-أيه يا عم أنت هتسرح بيا ؟!! هتحب طفلة ده ازاي يعني ؟! قول كلام أصدقـه ؟!
تلألأت الضحكات في جنباته وأنامله كعصفورة تتنقل هنا وهنـاك فوق غصون ملامحها :
-أنا لو قابلت صاحبة العيون دي زمان كنت هخطفها وأخبيها من كل الناس وأربيها على أيديـا ، وأعلمها أزاي تكون مطيعـة ومش عنيدة ودماغها ناشفـة زيك كدا ، وأدلعها .. لحد ما تكبر وتبقى أجمـل عروسة في الدنيـا ، وتكون مراتي وساعتها مش هتفارق حضني مهما حصـل .
دانت لها مباهج العشق وذات في موج كلماته العذبـة ، خاصـة عندما امتزجت كلماته بأنفاس القُبل ، ثارت تلك المتمردة على أوتار قلبـه ، وهبت قائمـة من جواره :
-بقيت بياع كلام واتعلمت البكش مني يا عاصي بيه !!
أمسك بكفها كي يمنع رحيلها ، ثم وثب قائمًا ليبقى بمحاذاتها .. تلاقت الأعين المدججة بتنهيدة حارة انبعثت من صدره ، وبنبرة امتنان أردف قائلًا :
-وجودك جمبي بينسيني نفسي ، لدرجة أني قاعد جمبك هنا بهزر وبضحك وأنا مش شايل هم كل المشاكل اللي مستنياني برة الأوضة دي ، كأن الهموم بتهرب من فوق كتافي أول ما أكون معاكي .
ثم داعبت أنامله خصلة من شعرها وأتبع بعرفان :
-قادرة تخطفيني من العالم كله؛ ليكي أنتِ لوحدك وبس ..
••••••
عاصي&حياة❤️❤️
أنت تقرأ
" غوى بعصيانه قلبي "
Mystery / Thrillerولأنني امرأة مسرفة في مشاعرها ، أحببتك بقلبي كاملاً دون أن أدّخر منه شيئًا لأيام الحنين والغياب والاحتياج ، بتُ ملازمًا لقلبي كـ نبضه ، أحببتك في زمنٍ كذّبوا الحُب فيه، في وطنٍ يُعارض كُل شُعور، بين أُناسٍ يجهلون العاطفة، أَحببتك على أرضٍ جافّة، تحت...
