👑ဘုရင့်မူပိုင်👑
Special Part 2
ဘုရင် တစ်ခုသတိထားမိသည်က
သူတို့လမ်းမှာ လျို့ဝှက်စီစီတီဗီရှိသည်။
လွန်ခဲ့တဲ့နှစ်နှစ်လောက်က သူတို့လမ်းမှာ
သူခိုးနဲ့ကြုံပြီးထဲက ရပ်ကွက်လူကြီးနဲ့
တိုင်ပင်ပြီး လျို့ဝှက်ကင်မရာတပ်ခိုင်းခဲ့၏။
ကံကောင်းရင် ထိုကနေသဲလွန်စတစ်ခုခုရှာတွေ့နိုင်သည်။
ဘုရင်အတွေးတို့ဖြင့် ရပ်ကွက်ရုံးကို
ရောက်ချလာခဲ့၏။
သူ့ကိုသိနှင့်နေတာမို့ ပြာပြာသလဲ
နှုတ်ဆက်တဲ့ရပ်ကွက်လူကြီးက
ခုံချပေးလေသည်။
ဘုရင် ဝင်ထိုင်ရင်းမှ စားပွဲပေါ်
လက်တင်ကာ
“ကျွန်တော်တို့အိမ်ရဲ့အကြောင်းတွေ
ကြားမိမှာပေါ့....."
“ကြားမိပါတယ်ဗျာ ကျွန်တော်တကယ်
စိတ်မကောင်းပါဘူး......ဒါနဲ့အဲ့တာက
တကယ်ပဲလား??”
“လုပ်ကြံခံရတာပါ အဲ့တာကြောင့်
ကျွန်တော်အခုသဲလွန်စလိုက်ရှာနေတာ
ရပ်ကွက်လူကြီးကလဲတစ်ဖက်တစ်လမ်းကနေ ပါဝင်ပေးပေါ့....."
“အဆင်သင့်ပါပဲဗျာ ကျွန်တော်
ဘာကူညီရမလဲ ပြောပါ......”
အားတက်သရောပုံကြောင့် ဘုရင်
စိတ်အေးသလိုသက်ပြင်းချကာ
“ကျွန်တော်တို့လမ်းရဲ့ စီစီတီဗီကို
တစ်ချက်လောက်စစ်ချင်တယ် ဒီရက်ပိုင်း
တစ်ယောက်ယောက်ရဲ့လုပ်ကြံတာတွေများ သက်သေရမလားလို့လေ...."
“ပြောစရာမလိုပါဘူးကိုဘုရင်ရာ
လာပါ ကျွန်တော်နဲ့လိုက်ခဲ့....."
စီစီတီဗီအခန်းထဲကိုခေါ်လာတာမို့
ဘုရင် လိုက်ဝင်လာတဲ့အခါ အားလုံးသော
ရပ်ကွက်များရဲ့မှတ်တမ်းတင်ထားသော
ပုံရိပ်တွေ အများအပြားရှိနေ၏။
ရပ်ကွက်လူကြီးက ခုံကိုညွှန်ပြရင်းမှ
“လက်တော့ပ်သုံးတတ်တယ်မလား??...."
“အင်း ကျေးဇူးတင်ပါတယ်....."
အနားကထွက်သွားကာမှ ဘုရင်
သူတို့ရပ်ကွက်ရဲ့ စီစီတီဗီကို ကြည့်မိသည်။
ဒီနေ့ကနေစပြီး အနောက်ကို
ပြန်ပြန်ကြည့်ရင်း မျက်စိတွေပါ
ညောင်းလာ၏။
သူ့မသိစိတ်ထဲက သဲလွန်စတစ်ခုခု
ရမယ်လို့ထင်နေမိတာကြောင့် ဘုရင်
ဇွဲမလျော့ပဲဆက်ရှာတဲ့အခါ ထင်တဲ့အတိုင်း မင်းသူနဲ့လူကြီးတစ်ယောက်
စိန်အပေးအယူလုပ်နေတာကိုမြင်လိုက်သည်။
YOU ARE READING
👑ဘုရင့်မူပိုင်👑 {Complete}
Romanceကျန်တာတွေမလိုတဲ့ကိုယ့်ဘဝမှာ မင်းရှိရင်ရပြီ ကိုယ်ရဲ့မူပိုင်လေး💞💞
