The devil in disguise

EP 15

Unicode

မနက်ထဲကရိုက်လာတဲ့ရူတင်ဟာ နေ့လည်လောက်ကျအားလုံးအပြီးလို့သွားကာ Devilအဖွဲ့ကအဝတ်ပြန်လဲသလို အားလုံးကလည်းကသိမ်းစရာရှိတာသိမ်းနေကြတော့သည်။

"ကဲ...အားလုံးလည်းပင်ပန်းသွားကြပြီဆိုတော့ နေ့လည်စာကိုယ် ဒကာခံမယ်"

"ဟေး...."

နေလင်းသူရဲ့အပြောကိုအကုန်လုံးကလက်ခုတ်တီးပြီးထောက်ခံကြတော့ အခန်းတစ်ခုလုံးဆူညံသွား၏။

ဆိုင်တစ်ဆိုင်တွင် Privacy Room သုံးခန်းယူလိုက်ကာ Devilအဖွဲ့၊မန်နေဂျာ၊နေလင်းသူနဲ့ဝဿန်တို့ကတစ်ခန်း ကျန်အဖွဲ့တွေကတော့ အဆင်ပြေသလိုမျှထိုင်ကြသည်။

"ထည့်စားကြအားမနာနဲ့ မလောက်ရင် ထက်မှာကြ"

"ဝဿန် ဒါကဝဿန်ကြိုက်တဲ့ကင်းမွန်အစပ်ချက် ကိုယ်မှာပေးထားတယ် များများစား"

နေလင်းသူကပြောလည်းပြော ဟင်းကိုလည်းခက်ကာ ဝဿန်ပန်းကန်ထဲထည့်ပေးလိုက်သည်။

"အာ....ကျေးဇူးတင်ပါတယ်"

ဝဿန်အားနာနာဖြင့် ကျေးဇူးတင်ကြောင်းပြန်ပြောလိုက်သည်။

ထမင်းဝိုင်းတွင်းနေလင်းသူဟာ ဝဿန်တစ်ယောက်ထဲအသက်ရှိသည့်အလား ဟင်းတွေခက်ထည့်ပေးလိုက် ရေဆိုရေ တစ်ရှူးဆိုတစ်ရှူး လိုလေးသေးမရှိအောင် လုပ်ပေးနေကာ ကြာတော့ဝဿန်လဲအနေရခက်လာသည်။ တစ်ချက်တစ်ချက်ဝဿန်အကြည့်တို့က ဇွဲကိုလှမ်းကြည့်မိတော့ ဇွဲဟာသူ့ကိုစိုက်ကြည့်နေ၏။

ဇွဲဟာတဖြည်းဖြည်းဟန်မဆောင်နိုင်လောက်အောင်ကိုမျက်နှာပျက်နေပြီး ဘားမှဆက်မစားတော့သလို လက်ထဲကဇွန်းတွေကိုလည်းတင်းတင်းကျက်ကျက်ကိုင်ထားသည်မှာ လက်ဖျံအကြောတွေပါထင်းလို့နေသည်။

ဘုန်း....ချွမ်း

ဇွဲကရုတ်တရက်ကြီးစားပွဲကိုထုကာ ဇွန်းတွေကိုပစ်ချထွက်သွားသည်။ အားလုံးက ဇွဲဘာဖြစ်တာလည်းဟူ၍ ကြောင်ကြည့်နေ့ကြကာ တစ်ယောက်သောသူကတော့ ရိပ်မိသည်။

သေချာပေါက်စိတ်ဆိုးသွားတဲ့ကောင်လေးနောက်ကို ချက်ချင်းထလိုက်သွားချင်ပင်မဲ့လည်း မဖြစ်နိုင်တာကြောင့် ဝဿန် ဟန်ဆောင်ပြီးသာဆက်နေနေလိုက်သည်။