عيـنا الجانــي!

بـ١

*صوت خطوات شخص ينزل من الدرج*

سوما تلتفت : صباح الخير
سديم : صباح النور وين لينا ؟ ما نزلت للحين ؟
سوما : الا بس طلعت تبدل القميص
سديم : ليش شو فيه ؟
سوما : ابدا لينا وعوايدها كبت على نفسها العصير
سديم تتتنهد : مادري كم عمرها هالبنت - تبدأ تاكل -
سوما : شو خاطركم تاكلون اليوم ؟
سديم : مافي جدول ؟ شوفي شمكتوب ههناك وسويه لا تشغليني
سوما تسكت وتروح : ...
لينا تنزل : من اول الصبح تهزيء ؟ يالله صباح خير يا سديم
سديم : وين التهزيء شقلت انا ؟
لينا : هبيتي فالمسكينه وهي شايله همك لا يكون فخاطرك شيء !
سديم : كل شيء واضح ماحب احد يزعجني بالاشياء اللي مالها داعي
لينا : بتوصليني ولا اروح بروحي ؟
سديم : ليش؟ تراك على دربي بوصلك
لينا : والله مدري صايرين ع مزاجك يا باشا نروح ولا مانروح
سديم : لينا ؟ خلصي اكل وبنحرك عندي جلسه بعد شوي
لينا : غريب ما اشوف تسوين طقوس عبدة الشيطان اللي دوم هذي
سديم : مصره تخليني اغص بلقمتي صح ؟
لينا تضحك : ياخي اسأل
سديم : لأني بشرف على متدربين اليوم
لينا : اوكييييييه عشان كذا مافي طقوس وماكله هالأكل كله ؟ عندك فريق كامل تلعنين خامسه
سديم : استغفرالله بس قصرك اكل ؟ انادي سوما تسويلك ؟ ولا وش العلم
لينا : زعولي والله - تقوم وتاكل وهي تمشي -
سديم : كم مره قلناااااا كلي وانتي ع الطاوله بس
لينا : اوكي اوكي المره الجايه يلا بتتأخرين ع الجلسه

——-

( السياره - سديم تفتح الباب )

لينا : كل هذا تأخير ؟ وش تسوين داخل ؟
سديم : اوصي سوما ع كم شغله
لينا : الله يعينها هالسوما كل يوم لستة دروس صباح ومساء
سديم : مالك دخل روحي جامعتك وسدي فمك لو سمحتي
لينا تشغل اغاني : حاضضضضر

اشتغلت وقتها اغنية لينا تعرف زين انه سديم تحبها ولو مثلت العكس وفيها كانت تقول :

سولفي للناس عني ؟
قولي اني
ماعرفت اختار
من قلبي يحبه
سولفي للناس اني
ماعرفت اقرأ
وجوه الحاضرين
من الأحبه !

واكتفوا يسمعون اغنيه ورا اغنيه كعادتهم لمحمد عبده لين ما سديم وقفت لينا عند جامعتها وودعتها وحركت ع طول ع المكتب وهناك دخلت وخذت قهوتها وحركت لغرفة الاجتماعات ع طول بعد ما اشرت للسكرتيره تجيب المتدربين عشان يبدون اجتماعهم

سديم تشوفهم وهم يدخلون وكانت تتأمل كل احد من اول الوقفه للبس لملامح الوجه لكل تفصيله الصغيره قبل الكبيره فيهم ! وكانوا ملاحظين لدرجة انهم توتروا وهم صافين وسط. هالصمت العجيب من سديم وهي بس تراقب وهم واقفين كأنهم صف من المجرمين قدامها لحد ما قطع هالسكوت صوت كعب يضرب على الأرض بقوه وريحة عطر ودخون دخلت قبل صاحبتها للمكتب ولفتت الانتباه لحد ما فتحت الباب وقالت : سلام سديم عندك دقايق محتاجتك بملف قضيه