عيـنا الجانــي! #اكتملت

بـ٦

اكاونتي ع تويتر
Kaii90_
—————
تكمل لولو حكاية اختها وتقول:

كنت اشوفها تعاني من اول نوبات الهلع للأرق لمشاكل الاكل والوزن وكنا كل يومين فالمستشفى لين بدت تتغذا بالوريد سديم فعلا حكت الارض بسبب اللي صار حتى انها حاولت تنتحر اكثر من مره

كاي: لهدرجه ؟
لولو : يوه واكثر انا عطيتك الزبده على فكره
كاي: الله يعين اذا المحبه تسوي كذا ببني ادم والله ماتوقعت
لولو : المحبه تسوي اكثر والله تخلي الواحد بلا عقل
كاي : طيب كيف تجاوزت ؟
لولو : ما تجاوزت ما تشوفين كيف شخصيتها بالله هاي حد سوي ؟
كاي : ماحبت احد يعني ولا شو
لولو : ويل عاثت بقلوب الناس فساد لا خلت احد فحاله ولا حتي ريحت احد ودخلت مععه فعلاقه كل يومين وحده وتسنقل واحنا بس نرقع ونعتذر من كل احد ما خلت لنا عذر باقي مع اي شخص .. ولا كان يهمها طلعت شخصيه ابليس ع العالم كلهم والله
كاي : كم عمرها هي الحين ؟
لولو : ٣٦ سنه
كاي : ماشاءالله وسوت كل هذا ؟

كملت لولو حكايتها وهي توضح معاناة سديم وكيف وصلت للشخصيه هذي اللي ما همها احد وانتقلت من حد لين محب الى قاسي استغلالي وبعدها انتقلت لمرحله حتى ما تكترث للمواضيع هذي فحياتها وصارت مركزه بس ع شغلها ودراستها لحد ما وصلت للشركه هذي وبدت تكبرها شوي شوي

لولو كانت ترتاح لكاي كثير هي صاحبتها من سنتين ونص تعرفوا فالجامعه لما كاي نقلت وكانت ضايعه ف لولو اللي ساعدتها ومنها بدوا يتكلمون اكثر واكثر لحد ما صاروا اصحاب وهي قابلت سديم لكن حتى م سلمت عليها لأنها مثل ما وصفت لولو شخص ما يشوف العالم شيء وكل شيء فيها يصارخ بمبدأ نفسي نفسي

———————

(الدار \ عند خلود ولينا )

خلود تدخل : بل بل للحين ما خلصتي ؟ بيخلص اليوم ترا م بقى شيء
لينا : انا قادره اتنفس ؟ والله ما كرفت هالكثر فسنين الجامعه كلها
خلود : شالسالفه هالمره ؟
لينا : هالملف لقضيه مغلقه لأنعدام الادله صراحه ماعرف ليش عطتني اياه
خلود : ليش جي اتقولين ؟ ما ممكن تلاقين دليل نفس اخر قضيه ؟
لينا : االموضوع مو فالأدله واضح انه انتحار مافي واحد واثنين
خلود : ليش تقفلت عيل بهالشكل ؟
لينا : لأنه الواضح انه انطلب اعادة فتحها اكثر من مره
خلود : مين؟
لينا تقلب فالملف : شركة سديم نفسها
خلود : طيب واضحه قضيه عجزت تحلها
لينا : لا في شيء غلط
خلود : شو الغلط بعد
لينا : القضيه هذي اصلا صارت وسديم توها يعني ما صارت محاميه ولا عندها شركه شو يخليها تلحق عليها او تكون ف بالها ؟
خلود : يمكن هي كانت ناويه تحل شيء اعجازي ؟ الصدق من اللي قلتيلي اياه احس هذا جوها
لينا : اوكيه ما اختلفنا بس انتي مستوعبه ؟ الفرق مر ع هالسالفه كم فوق ال٩ سنين ؟ اذا مب اكثر شو اللي يخلي ادمي يلاحق ورا قضيه م تعنيله بهالشكل ؟
خلود : قلتيها طيب ما تعنيله ؟ يمكن تعنيلها
لينا تستوعب : طيب طيب - تقوم -
خلود : اوي اوي وين رايحه انتي ؟
لينا : المكتبه فيه اشياء لازم اسويها
خلود : بل الحين ؟
لينا : شسوي يعني ما عندي لاب ومال الدوام ماقدر اطلعه
خلود : اوكي برو معك
لينا : يختي نامي شالله حادك انا بروح وبطول ترا ماله داعي تتبهدلين
خلود : متأكده ؟
لينا : ايوه ترا بيني وبين المكتبه ١٠ دقايق شدعوه ؟
خلود : خلص زين انتبهي لك لو بغيتي شيء دقي