عيـنا الجانــي!

بـ٢

يا جماعه قبل تبدون فالبارت هذا اكاونتي ع تويتر
kaii90_

Will be blessed by a follow ❤️
———————

(بيت سديم / تدخل ومعاها اغراض)

سديم تصارخ : سوماااااا يا سومااااا
سوما تجي بسرعه : نعمم
سديم : معقول يعني الاغراض لها كم برا؟ ومحد شالها وينه سعيد ؟
سوما : لا بس توه واصل مالحقنا ناخذه
سديم : الاكياس حاره اكيد لهم مده برا مره ثانيه نبهي على سعيد ياخذهم ع طول
سوما تشيلهم : ان شاءالله
سديم : الغدا جاهز؟
سوما : هيه خلاص السفره جاهزه باقي لينا بس تنزل
سديم : بشوفها

......

دخلت سديم ع طاولة الطعام وجلست بدون لا تبدل ملابسها من الجوع وانتظرت لينا لين جات

لينا : هاي يا حلو
سديم تخزها : انتي وبعدين يعني ؟ ع بالك ما بعرف انك م كملتي دوام الجامعه
لينا : اوهوه والله كلاس ماله داعي ورحت اتقهوى
سديم : يا سلام كلاس ها ! انتي ماحضرتي ولا واحد من الاربعه ! تسنعي انا ااقول
لينا : ان شاءالله ممكن اكل طيب ؟
سديم : اطفحي

وبدوا ياكلون وكل واحد يتابع شيء يحبه لين ما سديم فجأه تكلمت وقالت : تدرين فيه متدربة جديده بنفس اسمك
لينا : اما ؟ حلوه نفسي عاد ولا
سديم : هذا همك؟
لينا : يحول يعني م تسولفين واذا سولفتي نظام مدراء
سديم : بعد انتي ردودك مدري كيف
لينا : المهم غريب بالعاده م تتكلمين عن الشغل اشمعنى
سديم : لانها سميتك ف لفتني
لينا : عاد الصدق ماندري اسمي الحقيقي عشان تكون سميتي - تقوم -

قامت لينا وطلعت لغرفتها فوق عشان تلحقها سديم وتفتح الباب قبل لا تقفله لينا عشان تقولها : اسمك الحقيقي لينا وانتي اختي غير كذا مافيه حقيقه ندورها

تشد لينا اللي كانت تبكي وانهارت على حضنها وتشد عليها بقوه كثر ما تقدر عشان تطمنها لكن لينا كانت تبكي من موضوع دايما يخليها مقهوره بهالشكل وهو انها اخت غير شقيقه لسديم وسديم تكفلت فيها من وهي طفله

وماكان بكاها عشان سديم قصرت او قالت شيء يوجع لكن لينا كانت تحس دايما انها عبء ثقل او تحس انه اي شيء يتسوالها بداعي الشفقه رغم ان سديم كانت تعطي وتسويه من قلبها

سديم : نهدأ طيب ؟
لينا : بشرط؟
سديم : انتي تامرين قولي
لينا : تناديني بإسم لولو دام فيه احد ثاني اسمه لينا
سديم تضحك : ع اساس انا كبرت ولا تناديني لولو تفضحيني قدام البنات والكلام هذا كله وين راح
لولو : بس دام صار فيه غيري خلص ابا انفرد
سديم : ولو فيه سبعه من سمياتك مافيه لك شبيه
لولو : كلي بعقلي حلاوه ها انتي وهاللسان
سديم : انزين ممكن نكمل لقمتنا الله يرضى لي عليك؟
لولو : هيه والله اني بموت جوععع