عيـنا الجانــي!

بـ١٨

لينا : شو خلاص عرفتي ؟ تستهبلين سديم؟
سديم : لينا عطيتك قضيه عشان تحلينها شو دخلك هي تربطني كيف
لينا : اه والله؟؟؟؟ مب اول دروس القانون ان معارف وقرايب الضحيه هم اول ناس واهمهم ! واظنك خير معرفه واقربهم دام حبيبتك
سديم : خلاص لينا الله يخليك لوم فوق اللوم ما اتحمل والله ماقدر
لينا : طبعا سديم عشان انتي اللي دايم يحليلك ومسكينه رغم كل المشاكل والاخطاء صح!!
سديم : انا غلطانه انا اكبر غلط فالحياه ارتاحي وخليني
لينا : استغفرالله مافي فايده والله تمي ف دور الضحيه
سديم : انتي شفيك! شو تبيني اقول؟ تتحسبين سهل انه الواحد يمشي ويقوله؟ انتي شفتي القضيه ولحالك قلتي فيها خبايا
لينا : انزين انا اشتغل معك اول مره اوكي اعذرك الثانيه الثالثه بس كم لنا نشتغل ما فكرتي حتى تقولين اعرفها !! ع الاقل
سديم : افهمي البنت ماتت مقتوله واهلها واصلين لدرجة انهم قفلوا جريمه متكامله واضحه وسكتوني سنين سنيييييييين ابتزازات بلاوي انا ماقدر اطل بويهي لا بمحكمه ولا ب اي شيء ب اسم هالقضيه
لينا : شوفي انا عاذرتك لكن انا ما بكمل ف هالشيء بدون وضوح لو فيه شيء واحد انا ماعرفه بعد سديم يخص اي شيء قوليه الحين
سديم : مافي
لينا : عندك لين اسبوع لين تطلعين من هالمكان بخير وعافيه وبعدها والله يا سديم والله لو عرفت شيء واحد زياده صدقيني هالقضيه مثل ما ركضت عشان احلها بركض عشان اقفلها
سديم تسكت : ....

————

لولو ورا مصدومه ان اختها سديم بنفسها تسكتها وحده ! فخاطرها كانت تقول " عشنا وشفنا " لكنها شوي كانت مستانسه خصوصا ان سديم من زمانننن محد قدر يوقف بوجهها

دخلت بعد ما طلعت لينا وقالت لسديم : اشوف احد قدر يبلعك لسانك واخيرا
سديم : لا والله؟ مستانسه انتي - بتعب -
لولو : الصراحه هيه من زمان ما شفت لي احد يقدر يوقف بوجهك شوي
سديم : كله عشان القضيه ولا لا هي ولا عشره منها يفرقون
لولو : اذا بس عشان القضيه لا تكثرين طلعاتك ولا جلساتكم برا الشركه مع البنت
سديم : ليش !
لولو : عشان كل انسان عنده مشاعر الا انتي سديم قلبك حجر او تحجر من ساعة ما راحت عليا فلا تلعبين مع البنت لو سمحتي
سديم : قالتلك. شيء !
لولو : لا وشو بتقولي يعني ؟ بس انا اكلمك عن اي بني ادم طبيعي ممكن يفهم حركاتك هذي ك حب ف لو سمحتي لو سمحتي دام الموضوع مجرد شغل بالنسبه لك خلك كذا فكل وقت
سديم : طيب طيب
لولو : لا مو طيب طيب البنت وايد زينه سديم وماراحت من عيونها البراءه للحين لاتكوني انتي سببب ف تعاستها الله يخليك
سديم : شو شايفتني انتي ؟ منو قالك اني ملك الموت ولا شيء انا اشتغل معها لولو ركزي
لولو : نفس الكلام عن مزن لين طيحتي البنت ف شباكك وبعدها شو ؟ لما حبتك صارت فرندز وذ بنفت
سديم : الله يلعن مزن بس ماغيرها السبب ف هذا كله
لولو: ما بتضرك مزن اضعف من انها تضرك لانها الهبله تحبك وانتي هنا تلعنين عليها الله يعين بس